Éxodo 12:28 - Q'eqchi Bible

²⁸ Ut eb' laj Israel koheb' ut ke'xb'aanu li ke'taqlaak wi' laj Moisés ut laj Aharón xb'aan li Qaawa'.

Li Santil hu

²⁸ Chixjunil li queꞌyeheꞌ re laj Moisés ut laj Aarón xban li Ka̱cuaꞌ Dios, queꞌxba̱nu chixjunileb laj Israel.

Éxodo 12:28 ပူးပေါင်းရင်းမြစ်များ

Hebreos 11:28

Sa' xk'ab'a' li xpaab'aal kixninq'ehi li Paswa ut kixtaqlaheb' laj Israel chi xkirkisinkil li kik' re naq laj Kamsinel ink'a' tixch'e'eb' li xb'een ralaleb'.

Éxodo 12:27

teeye reheb': «A'an a'in li mayej re li xPaswa li Qaawa'. Naq kixtiq'eb' laj Ejiipt, tiik kinume'k chire rochocheb' laj Israel aran Ejiipt, ut kixkol li qochoch», cha'qex”. Toja' naq li tenamit ke'xhupub' rib' chi loq'onink.

Éxodo 12:29

Tuqtu q'oqyink li Qaawa' kulxtiq' chixjunileb' li xb'een alalb'ej sa' li tenamit Ejiipt, chalen li xb'een ralal laj Parahón li wank sa' xk'ojarib'aal li xyuwa' toj rik'in li xb'een ralal li tz'aptz'o sa' tz'alam, jo' ajwi' li xb'een ral chixjunileb' li ketomq.

Éxodo 7:6

Laj Moisés ut laj Aharón ke'xb'aanu li taqlanb'ileb' wi' xb'aan li Qaawa'.

Éxodo 7:10

Ke'wulak b'i' laj Moisés ut laj Aharón rik'in laj Parahón ut ke'xb'aanu li ke'taqlaak wi' xb'aan li Qaawa': laj Aharón kixkut li xxuq' chiru laj Parahón ut chiruheb' laj tenq' re, ut a'an kisutq'iik chi k'anti'il.

Éxodo 12:35

Eb' laj Israel ke'xb'aanu li kixye laj Moisés reheb', ut ke'xtz'aama chiruheb' laj Ejiipt li k'a'aq re ru plaat ut oor jo' ajwi' li raq'eb'.

Éxodo 14:4

Ab'an laa'in tinkawub'resi xch'ool laj Parahón re naq tixchap raanil cherix. Toja' naq tink'ut inloq'al rik'in xsachb'al xwankil laj Parahón ut eb' laj puub'. Ut eb' laj Ejiipt te'xnaw naq laa'in li Qaawa'”. Eb' laj Israel ke'xb'aanu chi jo'kan.

Éxodo 36:1

“Jo'kan naq laj Besalel, laj Oholiab ut chixjunileb' li winq seeb'eb' xch'ool, li k'eeb'ileb' xna'leb' ut xseeb'al xch'ooleb' xb'aan li Qaawa' re xb'aanunkil chi chaab'il chixjunil li k'anjel aajel ru sa' li Santil Na'ajej, ke'xb'aanu jo' tz'aqal taqlanb'ileb' wi' xb'aan li Qaawa'”.

Éxodo 39:32

Jo'ka'in naq kiraqe'k xyiib'ankil chixjunil li Santil Muheb'aal ut li xMuheb'aal li Sumwank. Eb' laj Israel ke'xb'aanu chixjunil jo' kitaqlaak wi' laj Moisés xb'aan li Qaawa': tz'aqal jo'ka'in ke'xb'aanu.

Éxodo 39:42

Eb' laj Israel ke'xb'aanu chixjunil jo' tz'aqal kitaqlaak wi' laj Moisés xb'aan li Qaawa'.

Éxodo 39:43

Toja' naq laj Moisés kiril chixjunil li xk'anjeleb' ut kixk'e reetal naq kiyaalo'k chixjunil: ke'xb'aanu chixjunil jo' tz'aqal yeeb'il chaq xb'aan li Qaawa'. Ut laj Moisés kirosob'tesiheb'.

Levítico 24:23

Laj Moisés ki'aatinak rik'ineb' laj Israel, ut eb' a'in ke'risi chaq sa' li xmuheb'aaleb' li ani xmajewank re li Yos ut ke'xkamsi chi pek. Eb' laj Israel ke'xb'aanu jo' tz'aqal kiyehe'k re laj Moisés xb'aan li Qaawa'.

Números 1:54

Eb' laj Israel ke'xb'aanu jo' tz'aqal kiyehe'k re laj Moisés xb'aan li Qaawa'.

Números 5:4

Ut jo'ka'in ke'xb'aanu eb' laj Israel: ke'risiheb' sa' li na'ajej wan wi' li xmuheb'aaleb'. Eb' laj Israel ke'xb'aanu jo' kiyehe'k re laj Moisés xb'aan li Qaawa'.

Números 31:31

Laj Moisés ut laj Elehasar laj tij ke'xb'aanu jo' chanru kiyehe'k re laj Moisés xb'aan li Qaawa'.

Números 31:41

Laj Moisés kixk'e re laj Elehasar laj tij li reechanihom li Qaawa', jo' chanru yeeb'il re xb'aan li Qaawa'.

Números 31:47

Laj Moisés kixjek' junjunq sa' xyanqeb' li lajeetq roxk'aal li ke'tz'aqonk eb' laj Israel, sa' xyanqeb' li winq ut ketomq, ut kixk'e reheb' laj Leví li wankeb' chi k'anjelak sa' li xLoq'laj Muheb'aal li Qaawa', jo' chanru kiyehe'k re xb'aan li Qaawa'.

Deuteronomio 34:9

Nujenaq chi chaab'il k'a'uxl laj Josué, ralal laj Nun, xb'aan naq laj Moisés kixk'e li ruq' sa' xb'een. Jo'kan naq eb' laj Israel ke'ab'ink chiru ut ke'xb'aanu li kitaqlaak wi' laj Moisés xb'aan li Qaawa'.

Josué 2:21

—Us, chi'uxq jo' leeraatin, chan lix Rajab. Toja' naq kixchaq'rab'iheb', ut eb' a'an koheb'. Chirix chik a'an li ixq kixb'ak' li kaqinoq' sa' li b'entaan.

Josué 4:8

Jo'ka'in ke'xb'aanu eb' laj Israel, tz'aqal jo' chanru kixye laj Josué: ke'xxok kab'laju chi pek sa' li nima' Jordán, jo' chanru xk'ihal li xteepaleb' laj Israel, kama' kichaq'rab'iik laj Josué xb'aan li Qaawa'. Ke'xk'am eb' li pek ut ke'xch'utub' sa' li na'ajej b'arwi' tento xnumsinkil li q'oqyink.

Josué 14:5

Eb' laj Israel ke'xjek'i li ch'och' jo' tz'aqal kiyehe'k re laj Moisés xb'aan li Qaawa'.

2 Samuel 5:25

Laj David kixb'aanu li chaq'rab'inb'il wi' xb'aan li Qaawa', ut kixq'ax ruheb' laj Filistea chalen chaq Gabahón toj sa' rokeb'aal Késer.

1 Reyes 17:5

Laj Elías kixpaab' li kiyehe'k re xb'aan li Qaawa', ut koho chi wank chire li nima' Kerit, sa' xjayal releb'l saq'e re li nima' Jordán.