Éxodo 12:27 - Q'eqchi Bible

²⁷ teeye reheb': «A'an a'in li mayej re li xPaswa li Qaawa'. Naq kixtiq'eb' laj Ejiipt, tiik kinume'k chire rochocheb' laj Israel aran Ejiipt, ut kixkol li qochoch», cha'qex”. Toja' naq li tenamit ke'xhupub' rib' chi loq'onink.

Li Santil hu

²⁷ la̱ex te̱chꞌolob xya̱lal chiruheb ut te̱ye reheb: —Aꞌin li kamayej re li ninkꞌe pascua re xjulticanquil chanru nak coxcol li Ka̱cuaꞌ Dios nak quinumeꞌ saꞌ li tenamit Egipto chixcamsinquil li xbe̱n ralaleb, chan laj Moisés. Ut eb laj Israel quilajeꞌxxulub xjolomeb ut queꞌxlokꞌoni li Ka̱cuaꞌ Dios.

Éxodo 12:27 ပူးပေါင်းရင်းမြစ်များ

Éxodo 4:31

Eb' laj Israel ke'xpaab' ut, naq ke'rab'i naq li Qaawa' xulrula'ani li xtenamit ut xk'e reetal li xrahilaleb', ke'xhupub' rib' chi loq'onink.

Éxodo 12:11

Jo'ka'in naq teetiw: chi b'ak'b'ooq leesa', wanq eexaab' cheroq ut wanq eexuq' sa' eeruq'; ut chi junpaat teetiw xb'aan naq a'an li xPaswa li Qaawa'.

1 Corintios 5:7

Isihomaq sa' eeyanq li najter ch'amal q'em re naq laa'exaq ak'il q'em, xb'aan naq laa'ex li wa maak'a' xch'amal. Li Kriist, a' li qakarneer re li Paswa, kimayejaak.

Éxodo 12:23

Li Qaawa' Yos taanume'q ut tixtiq'eb' laj Ejiipt, ab'anan naq taaril li kik' sa' li wiib' roqechal ut sa' li xb'een li okeb'aal, tiik taanume'q li Qaawa' chire li kab'l a'an ut ink'a' tixkanab' laj Sachonel chi ok sa' leerochoch.

Nehemías 8:6

Laj Esdras kixnima li Qaawa' li Nimajwal Yos, ut chixjunil li tenamit ke'xtaqsi li ruq'eb' ut ke'sumenk chi jo'ka'in: “Amén, amén!”, chankeb'. Chirix chik a'an ke'xhupub' rib' ut ke'xloq'oni ru li Qaawa'.

2 Crónicas 29:30

Moqon chik laj Esekías li awab'ej ut chixjunileb' laj jolominel ke'xtaqlaheb' laj Leví chi xnimankil ru li Qaawa' rik'ineb' li xb'ich laj David ut laj Asaf laj ilol moy u. Ut eb' a'an ke'b'ichank re xterq'usinkil xk'ab'a' li Qaawa' chi saheb' sa' xch'ool, ke'wiq'laak ut ke'xhupub' rib'.

2 Crónicas 20:18

Toja' naq laj Josafat kiwiq'laak ut kixhupub' rib' chiru ch'och', ut chixjunileb' laj Judá ut eb' laj Jerusalén ke'xwiq'ib' rib' re xloq'oninkil ru li Qaawa'.

1 Crónicas 29:20

Chirix chik a'an kixye laj David reheb' chixjunil li wankeb' sa' li nimla ch'utam: “Anaqwan chenima xloq'al li Qaawa' leeYos”, chan. Ut chixjunileb' ke'ok chi xloq'oninkil li Qaawa', xYos li xxe'toonil yuwa'eb', ke'wiq'laak ut ke'xhupub' rib' chiru li Qaawa' ut chiru li awab'ej.

Deuteronomio 16:5

Moko tatruuq ta chi xmayejankil li Paswa sa'atqeb' li tenamit tixk'e aawe li Qaawa' laaYos,

Deuteronomio 16:2

“Sa' li Paswa taamayeja junaq wakax malaj karneer sa' xk'ab'a' li Qaawa' laaYos, sa' li na'ajej sik'b'il ru xb'aan, re naq aran taana'ajunq li xk'ab'a'.

Éxodo 34:25

“Maayeechi'i xkik'el linmayej rochb'een li wa li wank xyu, chi moko taakanaaq toj sa' li kutan jun chik li xul kamsinb'il sa' xninq'e li Paswa.

Éxodo 34:8

Sa' junpaat laj Moisés kit'ane'k chi wiq'wo ut kixhupub' rib':

Éxodo 10:2

Chi jo'kan laa'at taaye reheb' laawalal jo'wi' reheb' laawi k'aru xinb'aanu reheb' laj Ejiipt, a'eb' li xninqal reetalil li xink'ut chiruheb'; ut laa'ex teenaw naq Laa'inin li Qaawa'”.

Éxodo 12:28

Ut eb' laj Israel koheb' ut ke'xb'aanu li ke'taqlaak wi' laj Moisés ut laj Aharón xb'aan li Qaawa'.

Éxodo 13:14

Ut naq wulaj kab'ej tixpatz' aawe laawalal: «K'aru xyaalal a'in?», taaye re: «Li Qaawa' rik'in xkawilal li ruq' koorisi chaq Ejiipt, b'arwi' kook'anjelak chaq cho'q aj mun.

Salmos 44:1

Re li xjolomileb' laj b'ichanel. Xb'icheb' li ralal xk'ajol laj Koré.

Éxodo 13:8

Sa' li kutan a'an taach'olob' re laawalal: «Ninb'aanu a'in re xjultikankil li kixb'aanu we li Qaawa' naq kin'elk chaq Ejiipt.

Salmos 78:5

Li Yos kixk'ojob' jun sumwank rik'in laj Jakob, kixk'e jun chaq'rab' re laj Israel