Éxodo 12:25 - Q'eqchi Bible

²⁵ Chepaab' ajwi' li na'leb' a'in, naq toxex'okaq sa' li ch'och' li tixk'e eere li Qaawa', jo' naq yeechi'inb'il eere.

Li Santil hu

²⁵ Ut chi joꞌcaꞌin chexninkꞌei̱k ut chexlokꞌoni̱nk ajcuiꞌ nak texcuulak saꞌ li naꞌajej yechiꞌinbil e̱re xban li Ka̱cuaꞌ Dios.

Éxodo 12:25 ပူးပေါင်းရင်းမြစ်များ

Éxodo 3:17

Ninye li waatin naq texwisi sa' li rahilal yookex chi xk'ulb'al Ejiipt ut texink'am sa' xch'och'eb' laj Kanahán, laj Hit, laj Amor, laj Perés, laj Jib ut laj Jebús, sa' jun li ch'och' k'ajo' xq'emal».

Éxodo 3:8

Jo'kan naq xinkub'e chaq chi xkolb'aleb' sa' ruq'eb' laj Ejiipt, chi risinkileb' sa' li na'ajej a'an ut chi xk'amb'aleb' sa' jun li ch'och' chaab'il ut yamyo, sa' jun li ch'och' k'ajo' xq'emal, sa' xna'ajeb' laj Kanahán, laj Hit, laj Amor, laj Perés, laj Jib ut laj Jebús.

Deuteronomio 4:5

Chek'e reetal: jo' chanru li Qaawa' linYos xye we, jo'kan ajwi' laa'in tink'ut cheru li chaq'rab' tento teepaab' sa' li na'ajej ok eere chi reechaninkil.

Éxodo 12:24

Chepaab' leetaqlankil a'in jo' chaq'rab' xaqxo chi junajwa cho'q eere ut reheb' leeralal eek'ajol.

Éxodo 12:26

Ut naq leeralal eek'ajol te'xpatz' eere k'aru xyaalal a'in,

Éxodo 13:5

Ut naq li Qaawa' toxatroksi sa' li xch'och'eb' laj Kanahán, laj Hit, laj Amor, laj Jib ut laj Jebús, a' li xq'emal ch'och' kixyeechi'i chaq rik'in jurament reheb' laana' laayuwa', jo'ka'in naq taaninq'ehi sa' li po a'in.

Éxodo 13:10

Chapaab' laataqlankil a'in rajlal chihab', sa' xq'ehil».