Éxodo 12:22 - Q'eqchi Bible

²² Teechap jun cheet chi hisoop, teetz'a sa' li kik' wanq sa' emel ut teeyul li wiib' roqechal li okeb'aal jo' ajwi' li xb'een, rik'in li kik' wanq sa' emel; ut maajun eere taa'elq sa' rochoch toj sa' li kutan jun chik.

Li Santil hu

²² Lix quiqꞌuel te̱cꞌul saꞌ junak ucꞌal. Te̱tzꞌa saꞌ li quicꞌ jun chꞌina jo̱b li pim hisopo xcꞌabaꞌ. Te̱qꞌue li quicꞌ saꞌ xbe̱n li puerta joꞌ ajcuiꞌ chiru li cheꞌ li cuan xcaꞌ pacꞌalil li puerta. Ut chetzꞌapak e̱rib saꞌ le̱ rochoch ut ma̱ jun e̱re ta̱e̱lk toj saꞌ li cutan jun chic.

Éxodo 12:22 ပူးပေါင်းရင်းမြစ်များ

Hebreos 11:28

Sa' xk'ab'a' li xpaab'aal kixninq'ehi li Paswa ut kixtaqlaheb' laj Israel chi xkirkisinkil li kik' re naq laj Kamsinel ink'a' tixch'e'eb' li xb'een ralaleb'.

Salmos 51:7

Chak'e reetal naq sa' maak xinyo'laak, ak aj maakin ajwi' chaq naq xinsiyaak rik'in linna'.

Números 19:18

Jun winq li maak'a' xmuxul tixchap li xmach palaw, tixtz'a sa' li ha' ut tixkirkiri sa' li muheb'aal ut sa' xb'een chixjunil li k'a'aq re ru jo'wi' sa' xb'eeneb' li poyanam wankeb' chisa'. Jo'kan ajwi' taa'uxmanq re li xch'e'ok xb'aqel kamenaq malaj li xmuqleb'aal kamenaq, ut li yal kikamsiik.

Hebreos 9:19

Laj Moisés naq ak xyaab'asi sa' xxikeb' chixjunil li tenamit li xtaqlankileb' wank sa' li Chaq'rab', kixchap xkik'eleb' li kok' wakax ut eb' li teelom chib'aat yuub'il rik'in ha'; kixchap ajwi' li kaqi noq' ut hisoop, kixkirkisi sa' xb'een li tasb'il hu jo' ajwi' sa' xb'eeneb' chixjunil li tenamit, ut kixye:

Hebreos 9:1

Jo'kan ajwi' li xb'een Sumwank kiwank xchaq'rab'il ut naxye chanru naq naloq'imank li Yos; kiwank ajwi' jun ruuchich'och'il muheb'aal.

Éxodo 12:7

Chirix chik a'an teexok li xkik'el ut teeyul li wiib' roqechal li okeb'aal ut sa' xb'een re li kab'l b'arwi' texwa'aq.

Hebreos 9:14

ma toja' ta chik li xkik'el li Kriist li kixyeechi'i rib' chiru li Yos chi maak'a' xmuxul sa' xk'ab'a' li junelik Musiq'ej? Relik chi yaal naq li xkik'el li Kriist tixch'ajob'resi li qak'a'uxl chiru li qakamenaqil k'anjel, re naq took'anjelaq chiru li yo'yookil Yos!

1 Pedro 1:2

jo' ki'alaak chaq sa' xch'ool li Yos Yuwa'b'ej, rik'in li santob'resink naxb'aanu li Musiq'ej, re xpaab'ankil li Jesukriist ut re xk'ulb'al leech'ajob'resinkil rik'in li xkik'el. Chiwanq taxaq eerik'in li usilal ut li tuqtuukilal chi numtajenaq.

Hebreos 12:24

Xexjilok chi xk'atq li Jesus, li na'okenk chirix li ak' Sumwank; xexjilok rik'in li kik' nokooxch'ajob'resi, li q'axal chaab'il chik na'aatinak chiqix chiru li xkik'el laj Abel.

San Mateo 26:30

Naq ak ke'xb'icha eb' li loq'laj b'ich, koheb' sa' xb'een li tzuul Olivos.

Isaías 26:20

At intenamit, okan sa' laamuheb'aal ut tz'ap li okeb'aal chawix. Chamuq aawib' jun k'amokaq toja' re naq taanume'q xjosq'il li Qaawa'.

Josué 2:19

Wi junaq taa'elq sa' laawochoch, a'an wank xmaak wi taakamq; maak'a' chik qamaak laa'o. Ab'an wi junaq reheb' li wankeb' sa' laawochoch natoch'e'k xb'aan anihaq, chikanaaq sa' qab'een li xkamik.