Éxodo 12:19 - Q'eqchi Bible

¹⁹ Chiru wuqub' kutan ink'a' taawanq sa' leerochoch li nasipob'resink re li wa: chixjunileb' laj ab'l tenamit malaj yo'lajenaqeb' sa' eeyanq li te'wa'oq k'a'aq re ru wanq xyu, te'sache'q sa' xkomonileb' laj Israel.

Li Santil hu

¹⁹ Cuukub cutan tzꞌakal ma̱cꞌaꞌak li caxlan cua li cuan xchꞌamal saꞌ le̱ rochoch. Li ani ta̱cuaꞌok li caxlan cua li cuan xchꞌamal usta yal numecꞌ yo̱ saꞌ e̱ya̱nk, aꞌan ta̱isi̱k saꞌ e̱ya̱nk la̱ex aj Israel.

Éxodo 12:19 ပူးပေါင်းရင်းမြစ်များ

Éxodo 12:15

“Chiru wuqub' kutan texwa'oq wa ink'a' yuub'il. Chalen li xb'een kutan isinb'ilaq sa' leerochoch li nasipob'resink re li wa. Yalaq ani taawa'oq wa yuub'il, chalen sa' li xb'een kutan toj sa' li xwuq, taasache'q sa' xyanqeb' laj Israel.

Deuteronomio 16:3

“Ink'a' taawa' li wa li wank xyu; chiru wuqub' kutan taawa' li wa ink'a' yuub'il, xwahil li rahil ch'oolejil, xb'aan naq sa' junpaat kat-elk chaq sa' li tenamit Ejiipt. Chi jo'kan taajultiko'q aawe li xkutankil laawelik chaq Ejiipt chiru chixjunil laayu'am.

Éxodo 23:15

Taanima ru li xninq'e li wa ink'a' yuub'il. Chiru wuqub' kutan tatwa'oq wa ink'a' yuub'il, jo' chanru laataqlankil, sa' xq'ehil, chiru li po Abib, xb'aan naq chiru li po a'an kat-elk chaq Ejiipt. Maajun taachalq wik'in chi maak'a' ta tixk'am chaq.

Números 9:13

Ab'anan wi junaq ink'a' xmuxum rib' ut maab'ar xkoho, ut tixkanab' xninq'ehinkil li Paswa, li winq a'an taa'isiiq sa' xyanqeb' laj Israel. A'an junelik wanq xmaak sa' xb'een, xb'aan naq ink'a' xmayejak chiru li Qaawa' tz'aqal sa' xkutankil.

Éxodo 34:18

“Chawoxloq'i li xNinq'e li Wa ink'a' yuub'il. Chiru wuqub' kutan tatwa'oq wa ink'a' yuub'il jo' chanru xatintaqla wi', sa' xq'ehil, sa' li po Abib, xb'aan naq chiru li po Abib kat-elk chaq Ejiipt.

Éxodo 12:48

Wi junaq jalan xtenamit nahilank sa' laawochoch ut taaraj xninq'ehinkil li xPaswa li Qaawa', tento xb'enwa naq te'xk'ul li sirkunsisyon chixjunileb' li xteelom; toja' naq taaruuq taanach'oq chaq chi xninq'ehinkil, xb'aan naq a'an eekomonaq chik. Ab'anan maajun li ink'a' setb'il li xtz'uumal xtz'ejwal taaruuq xtzekankil li Paswa.

Éxodo 12:43

Kixye li Qaawa' re laj Moisés ut re laj Aharón: “A'an a'in leetaqlankil chirix li Paswa: Maajun jalan xtenamit taatzekanq re li tzekemq a'in.

Éxodo 12:20

Maak'a' teewa' chi wanq ta xyu. Sa' chixjunil li na'ajej texhilanq wi', tento texwa'oq wa ink'a' yuub'il”.

Éxodo 13:3

Toja' naq laj Moisés kixye re li tenamit: “Jultikaq eere li kutan a'in li xex'elk wi' Ejiipt, sa' li tenamit b'arwi' xexk'anjelak cho'q aj mun, xb'aan naq li Qaawa' xexrisi chaq aran rik'in xkawilal li ruq'. Jo'kan naq mexwa'ok wa li wank xyu.

Éxodo 13:7

Taawa'manq li wa ink'a' yuub'il chiru wuqub' kutan ut ink'a' chik taawanq li wa wank xyu sa' laawochoch, chi moko li nasipob'resink re li wa, sa' chixjunil laana'aj.

Levítico 23:5

“Sa' li kaalaju xb'e li xb'een po, naq taa'ewuuq, taaninq'ehimanq li xPaswa li Qaawa'.

Éxodo 30:33

Chixjunileb' li te'yiib'anq re junaq chik aseeyt kama' a'in, malaj te'xhoy sa' xb'een junaq winq maawa'aq aj tij, isinb'ilaq chi junajwa sa' lintenamit»”.