Éxodo 12:15 - Q'eqchi Bible

¹⁵ “Chiru wuqub' kutan texwa'oq wa ink'a' yuub'il. Chalen li xb'een kutan isinb'ilaq sa' leerochoch li nasipob'resink re li wa. Yalaq ani taawa'oq wa yuub'il, chalen sa' li xb'een kutan toj sa' li xwuq, taasache'q sa' xyanqeb' laj Israel.

Li Santil hu

¹⁵ Chiru cuukub cutan yo̱kex chi ninkꞌei̱k. Saꞌ li xbe̱n cutan te̱risi saꞌ le̱ rochoch chixjunil li naxqꞌue chi si̱pocꞌ li caxlan cua. Re li cuukub cutan li caxlan cua li te̱cuaꞌ, aꞌan xcomon li ma̱cꞌaꞌ xchꞌamal. Ut cui junak cristian tixcuaꞌ li caxlan cua xcomon li cuan xchꞌamal, li cristian aꞌan ta̱isi̱k saꞌ e̱ya̱nk.

Éxodo 12:15 ပူးပေါင်းရင်းမြစ်များ

Deuteronomio 16:3

“Ink'a' taawa' li wa li wank xyu; chiru wuqub' kutan taawa' li wa ink'a' yuub'il, xwahil li rahil ch'oolejil, xb'aan naq sa' junpaat kat-elk chaq sa' li tenamit Ejiipt. Chi jo'kan taajultiko'q aawe li xkutankil laawelik chaq Ejiipt chiru chixjunil laayu'am.

Génesis 17:14

Li ink'a' tixk'ul li sirkunsisyon, a' li teelom li ink'a' taasete'q xtz'uumal li xtz'ejwal, a'an taa'isiiq sa' xyanqeb' li xkomon xb'aan naq xq'et li qaSumwank”.

Números 9:13

Ab'anan wi junaq ink'a' xmuxum rib' ut maab'ar xkoho, ut tixkanab' xninq'ehinkil li Paswa, li winq a'an taa'isiiq sa' xyanqeb' laj Israel. A'an junelik wanq xmaak sa' xb'een, xb'aan naq ink'a' xmayejak chiru li Qaawa' tz'aqal sa' xkutankil.

Éxodo 34:18

“Chawoxloq'i li xNinq'e li Wa ink'a' yuub'il. Chiru wuqub' kutan tatwa'oq wa ink'a' yuub'il jo' chanru xatintaqla wi', sa' xq'ehil, sa' li po Abib, xb'aan naq chiru li po Abib kat-elk chaq Ejiipt.

Éxodo 23:15

Taanima ru li xninq'e li wa ink'a' yuub'il. Chiru wuqub' kutan tatwa'oq wa ink'a' yuub'il, jo' chanru laataqlankil, sa' xq'ehil, chiru li po Abib, xb'aan naq chiru li po a'an kat-elk chaq Ejiipt. Maajun taachalq wik'in chi maak'a' ta tixk'am chaq.

Deuteronomio 16:8

Waqib' kutan tatwa'aq wa ink'a' yuub'il, ut sa' xwuq li kutan taawanq jun li loq'laj ch'utam re xloq'oninkil ru li Qaawa' laaYos, ut maajun li k'anjel taab'aanu.

Números 28:17

ut sa' li o'laju xb'e ajwi' li po a'an teeb'aanu jun chik li ninq'e. Chiru wuqub' kutan teetzeka li wa ink'a' yuub'il.

Éxodo 34:25

“Maayeechi'i xkik'el linmayej rochb'een li wa li wank xyu, chi moko taakanaaq toj sa' li kutan jun chik li xul kamsinb'il sa' xninq'e li Paswa.

Éxodo 12:8

Sa' ajwi' li q'oqyink a'an teetiw li xtib'el, chi pomb'il, rik'in wa ink'a' yuub'il ut rik'in k'ahil ichaj.

Gálatas 5:12

Us rajan te'xset rib'eb' chi junajwa li yookeb' chi xpo'b'al leech'ool!

Hechos 12:3

Kiril naq a'an kiwulak chiruheb' laj Judiiy, jo'kan naq kixtaqla ajwi' xchapb'al laj Pedro. A'in kik'ulmank sa'eb' li kutan nawa'e'k wi' li wa ink'a' yuub'il.

San Lucas 12:1

Sa' ajwi' li honal a'an ke'ch'utlaak k'iila mil chi poyanam, yookeb' chi xpitz'inkil rib'eb'. Ut li Jesus ki'ok chi xyeeb'al xb'een xb'een reheb' li xtzolom: “Chekolaq eerib' chiru li xch'amaleb' laj Pariseey, a' li ka'pak'al uhil.

San Mateo 16:12

Toja' naq ke'xtaw ru naq ink'a' kixye naq chiru li xch'amal li wa tento te'xkol rib'eb', chiru b'an li xk'utumeb' laj Pariseey ut eb' laj Saduseey.

Malaquías 2:12

A' taxaq li Qaawa' Yos chixsachaq ru sa' qayanq li taab'aanunq re a yib' aj na'leb' a'in, us ta testiiw malaj aj tzolonel, us ta naxk'am chaq xmayej chiru li Nimajwal Yos.

Deuteronomio 16:5

Moko tatruuq ta chi xmayejankil li Paswa sa'atqeb' li tenamit tixk'e aawe li Qaawa' laaYos,

Levítico 17:14

xb'aan naq chixjunil li wank xyu'am yo'yo sa' xk'ab'a' li kik'. Jo'kan naq xinye eere naq ink'a' teetzeka li kik', xb'aan naq a'an li xyu'ameb' chixjunileb' li yo'yookeb', ut yalaq ani taatzekanq re, tento taa'isiiq sa' xyanqeb' laj Israel.

Levítico 17:10

“Laa'in tinjosq'o'q rik'in chixjunileb' laj Israel malaj aj ab'l tenamit li wanqeb' sa' eeyanq wi te'tzekanq kik' a' yaal chanru. Laa'in te'wisi sa' xyanqeb' li rech tenamitul.

Éxodo 31:14

Cheroxloq'i b'i' li sábado xb'aan naq a'an loq' cho'q eere. Li taamuxuq re, taakamq. Chixjunil li taak'anjelaq sa' li kutan a'an, isinb'ilaq chi junajwa sa' li xtenamit.

San Lucas 2:43

Ut sa' xraqik li ninq'e, ke'sutq'iik; ab'an li ch'ina'al Jesus kikanaak chaq Jerusalén chi ink'a' ke'xnaw li xna' xyuwa'.

Éxodo 30:33

Chixjunileb' li te'yiib'anq re junaq chik aseeyt kama' a'in, malaj te'xhoy sa' xb'een junaq winq maawa'aq aj tij, isinb'ilaq chi junajwa sa' lintenamit»”.

2 Crónicas 30:21

Eb' laj Israel li ch'utch'uukeb' Jerusalén ke'xninq'ehi xkutankil li wa ink'a' yuub'il, chi jwal saheb' sa' xch'ool chiru wuqub' kutan, ut eb' laj Leví jo'wi' eb' laj tij ke'xnima xloq'al li Qaawa' rajlal kutan, naq yookeb' chi wajb'ak.

Esdras 6:22

Chiru wuqub' kutan ke'xninq'ehi li xKutankil li wa ink'a' yuub'il, chi sa sa' xch'ooleb', xb'aan naq li Qaawa' kixnujob'resiheb' rik'in sahil ch'oolej naq kixjal xk'a'uxl li awab'ej re Asiria re xtenq'ankileb' chi xyiib'ankil wi' chik li rochoch li Qaawa', li xYos laj Israel.

Éxodo 13:3

Toja' naq laj Moisés kixye re li tenamit: “Jultikaq eere li kutan a'in li xex'elk wi' Ejiipt, sa' li tenamit b'arwi' xexk'anjelak cho'q aj mun, xb'aan naq li Qaawa' xexrisi chaq aran rik'in xkawilal li ruq'. Jo'kan naq mexwa'ok wa li wank xyu.

Éxodo 30:38

Chixjunileb' li te'yiib'anq re junaq chik kama'aq ta a'an re rutz'b'al li xb'ook, isinb'ilaqeb' chi junajwa sa' lintenamit”.