Éxodo 12:12 - Q'eqchi Bible

¹² Sa' li q'oqyink a'an laa'in tinnume'q sa' xsutam Ejiipt ut tintiq'eb' chixjunil li xb'een alalb'ej re li tenamit a'an, jo'wi' li xb'een raleb' li xul, ut tinraqoq aatin sa' xb'een chixjunil li xyoseb' laj Ejiipt. Laa'in li Qaawa'.

Li Santil hu

¹² Saꞌ li kꞌojyi̱n aꞌan la̱in tincuulak saꞌ li tenamit Egipto ut tincamsiheb chixjunileb li xbe̱n alalbej saꞌ xya̱nkeb laj Egipto, joꞌcan ajcuiꞌ li xbe̱n ral li queto̱mk. Ut la̱in tinrakok a̱tin saꞌ xbe̱neb lix dioseb li nequeꞌxlokꞌoni laj Egipto. La̱in li Ka̱cuaꞌ Dios.

Éxodo 12:12 ပူးပေါင်းရင်းမြစ်များ

Números 33:4

Eb' laj Ejiipt yookeb' chi xmuqb'aleb' li xb'een alalb'ej li ke'kamsiik xb'aan li Qaawa'. Chi jo'kan kiraqmank aatin sa' xb'eeneb' li xyoseb'.

Éxodo 12:23

Li Qaawa' Yos taanume'q ut tixtiq'eb' laj Ejiipt, ab'anan naq taaril li kik' sa' li wiib' roqechal ut sa' li xb'een li okeb'aal, tiik taanume'q li Qaawa' chire li kab'l a'an ut ink'a' tixkanab' laj Sachonel chi ok sa' leerochoch.

Sofonías 2:11

Q'axal xiwajel tixb'aanu li Qaawa' reheb' naq chixjunileb' li jalanil yos sa' ruuchich'och' te'kanaaq chi maak'a'aq chik xwankileb', ut chiru chik li Qaawa' te'xwiq'ib' rib' chixjunileb' li na'ajej sutsuukeb' xb'aan li palaw, sa' xna'aj xna'aj li junjunq.

Ezequiel 12:16

Ab'an wanqeb' teb'inkol chiru li raaxiik', li we'ej ut li yajel, re naq, sa'eb' li tenamit te'wulaq wi', toxe'xseeraq'i chixjunil li xjo'maajo'il b'aanuhomeb', ut te'xnaw naq laa'in li Qaawa'»”.

Jeremías 43:13

Tixputz'i eb' li xninqal pek li wankeb' Bet-Semes, sa' xteepal Ejiipt, ut tixk'ateb' li rochochil li xyoseb' laj Ejiipt»”.

Isaías 19:1

Xyehom li Qaawa' chirix Ejiipt: Ilomaq li Qaawa' naq xchalk sa' aanil sa' li tenamit Ejiipt, k'ojk'o chaq sa' xb'een jun li choql. Eb' li xyoseb' laj Ejiipt yo xxiweb' chiru li Qaawa', ut eb' laj Ejiipt neke'siksotk ajwi' chiru A'an.

Salmos 82:6

Laa'in xinye: «Yosex laa'ex, ralalex li Nimajwal Yos chejunilex!».

Salmos 82:1

Xsaalm laj Asaf. Li Qaawa' naxaqliik sa' xyanqeb' li wankeb' sa' li loq'laj ch'utam, ut naraqok aatin sa' xyanqeb' li wankeb' xwankil:

Éxodo 6:2

Li Qaawa' kiraatina laj Moisés ut kixye re: “Laa'in li Qaawa'.

Amós 5:17

taawanq yaab'ak sa' xyanqeb' li awimq naq laa'in tinchalq chi raqok aatin sa' eeb'een”, chan li Qaawa'.

1 Crónicas 14:12

Aran eb' laj Filistea ke'xkanab'eb' li xyoseb', ut laj David kixye naq che'k'ate'q.

1 Samuel 5:3

Sa' li kutan jun chik, naq ke'wakliik eb' laj Asdod, ke'xtaw laj Dagón chi hupu sa' ch'och', chiru li xLoq'laj Kaax li Qaawa'. Toja' naq ke'xwaklesi laj Dagón ut ke'xk'e wi' chik sa' li xna'aj.

Éxodo 22:28

“Maamajewa li Yos chi moko taamaa'usila li xb'eenil li tenamit.

1 Samuel 6:5

Yiib'omaq xjalam u leesaqijojil ut eb' li ch'o li yookeb' chi sachok sa' leetenamit, ut k'ehomaq xloq'al li xYos laj Israel. Mare anchal taakotzq li rahilal sa' eeb'een, sa' xb'eeneb' leeyos ut sa' xb'een leech'och'.

Éxodo 21:6

laj eechal re tixk'am laj mun chiru li Yos, tixjilosi chiru li roqechal malaj chiru li xb'een li okeb'aal, ut taahope'q li xxik rik'in jutz'il ch'iich' xb'aan laj eechal re ut taakanaaq cho'q aj mun chi junajwa.

Éxodo 18:11

Anaqwan ninnaw naq li Qaawa' a'an q'axal nim xwankil chiru chixjunileb' li yos, xb'aan naq xjosq'o'k sa' xb'eeneb' laj Ejiipt naq eb' a'an xe'raj raj xnimob'resinkil rib'”.

Salmos 135:8

Kixk'eheb' chi kamk li xb'een ralal xk'ajoleb' laj Ejiipt, jo'wi' chixjunileb' li xb'een ral li ketomq.

Jeremías 43:12

Tixk'ateb' li rochochil li xyoseb' laj Ejiipt; tixk'ateb' ajwi' eb' li yos malaj ut tixk'ameb' chirix. Tixch'iile li tenamit Ejiipt, jo' laj ilol ketomq naxch'iile ru li raq', ut chirix chik a'an taaxik jo' junaq li xq'axok u.

Jeremías 46:25

Jo'ka'in kixye li Nimajwal Yos, li xYos laj Israel: “Tink'e chi xtojb'al xmaak laj Amón, li xyos li tenamit Tebas; tinrahob'tesi ajwi' eb' laj Ejiipt rochb'eeneb' li xyos ut eb' li awab'ej, jo'wi' laj Parahón ut eb' li neke'xk'ojob' xch'ooleb' chirix.

Éxodo 9:6

Ak wulajaq chik kixb'aanu li Qaawa' jo' li raatin, ut kilaje'kamk chixjunil li xketomqeb' laj Ejiipt; ab'an maajun xketomqeb' laj Israel kikamk.

Salmos 91:7

Us ta te'kamq jun milaq chak'atq malaj lajeeb'aq mil sa' laanim uq', ab'anan laa'at maak'a' taak'ul.

Salmos 95:3

Xb'aan naq li Qaawa' a'an li Yos nim xwankil, a'an xnimal ru Awab'ej sa' xb'eeneb' chixjunileb' li yos.