Éxodo 10:7 - Q'eqchi Bible

⁷ Toja' naq eb' laj k'anjel chiru laj Parahón ke'xye re: “Jo' najtil chik toxra'le li winq a'an? Kanab'eb' chi xik li tenamit a'in re naq te'xloq'oni li Qaawa' li xYoseb'. Ma toj maji' xataw ru naq yo chi oso'k li tenamit Ejiipt?”, chankeb'.

Li Santil hu

⁷ Ut eb laj cꞌanjel chiru laj faraón queꞌxye re laj faraón: —¿Joꞌ najtil chic toxchꞌiꞌchꞌiꞌi li cui̱nk aꞌin? Canabeb chi xic laj Israel re nak eb aꞌan teꞌxlokꞌoni chak li Ka̱cuaꞌ lix Dioseb. ¿Ma incꞌaꞌ nacacuil nak x-osoꞌ li katenamit Egipto? chanqueb.

Éxodo 10:7 ပူးပေါင်းရင်းမြစ်များ

1 Samuel 18:21

xb'aan naq kixye sa' xch'ool: “Tinq'axtesi linrab'in re, ab'an yal re xb'alaq'inkil, re naq taat'ane'q sa' ruq'eb' laj Filistea”. Toja' naq laj Saúl kixye wi' chik re laj David: “Anaqwan laa'ataq inhi'”, chan.

Eclesiastés 7:26

Xink'e ajwi' reetal naq li ixq ink'a' us xna'leb' naab'al chik li rahilal naxk'am chaq chiru li kamk. Li ixq a'an chanchan jun ra'al, naxyal xq'e chi q'unb'esink rik'in li xch'ool ut eb' li xtel. Wi laa'at nakapaab' li Yos, taakol aawib' chiru li ixq a'an; ab'an wi ink'a' nakapaab' li Yos, tatt'ane'q sa' li xra'al.

Josué 23:13

chenawaq naq li Qaawa' leeYos ink'a' chik traanilasiheb' li tenamit a'in cheru, a'anaqeb' b'an chik ra'al ut ch'imb' b'arwi' text'ane'q. Chanchanaqeb' tz'uum sa' xb'een leetel ut k'ix sa' leeru, toj reetal maajun eere tkanaaq sa' xb'een li xchaq'alil ru ch'och' a'in li xk'ehom eere li Qaawa' leeYos.

Éxodo 23:33

Maakanab'eb' chi wank sa' laana'aj, re naq ink'a' tate'xk'e chi maakob'k chiwu. Mare anchal tat-aaleeq ut taaloq'oniheb' li xyoseb'”.

1 Corintios 7:35

Ninye a'in re eerusilankil, ut ink'a' re eera'lenkil. Nawaj xtoch'b'al eech'ool chirix li jwal us, re naq wanqex sa' sum'aatin rik'in li Qaawa' chi maak'a' k'oxlak.

Sofonías 1:18

Sa' xkutankil li xjosq'il li Qaawa', maak'a' taakoloq reheb' li poyanam, chi moko li plaat chi moko li oor, xb'aan naq chixjunil li ruuchich'och' taa'oso'q sa' xxamlel xjosq'il li Yos. Jo'k'ihaleb' li wankeb' junsut junrub'el choxa te'oso'q sa' junpaat.

Jeremías 51:8

Sachaamil Babilonia ut xjuk'e'k! Yaab'anqex chirix li tenamit a'an ut yulumaq sa' sununkil b'an: mare anchal taak'iraaq”.

Jeremías 48:4

“Xjuk'mank chi junajwa li tenamit Mohab ut li xyaab'eb' li kok'al na'ab'iik yalaq b'ar.

Isaías 51:9

Ajen, ajsi aawu, at Qaawa', ut k'ut laawankilal; waklin jo' kab'aanu chaq junxil, jo' kab'aanu chaq najter q'e kutan. Ma ink'a' tab'i' laa'at katkamsink re Rahab, ut kapaynumi chi ch'iich' li xk'anti'il li palaw?

Isaías 14:20

Laa'at ink'a' tatmuqe'q jo'eb' li awab'ej a'an, xb'aan naq xasach laana'aj ut xakamsiheb' laawech tenamitul. Eb' li ralal xk'ajoleb' laj b'aanuhom maa'usilal maajun chik taapatz'oq reheb'.

Proverbios 29:6

Li maak li naxb'aanu li winq, a'an ajwi' nat'anok re; ab'an li tiik xch'ool sa wank ut sa nab'ichank.

Salmos 107:34

Naxkanab' li chaab'il ch'och' cho'q pek atz'am, xb'aan li xmaa'usilaleb' xch'ool li winq wankeb' aran.

Éxodo 8:19

Toja' naq eb' laj q'e ke'xye re laj Parahón: “A'an a'in li ru'uj ruq' li Yos!”, chankeb'. Ab'an kikawuuk xch'ool laj Parahón ut ink'a' kirab'iheb', kama' yeeb'il chaq xb'aan li Qaawa'.

Éxodo 7:5

Ut naq tinye' li wuq' sa' xb'een Ejiipt ut twisi aran eb' li ralal xk'ajol laj Israel, te'xnaw eb' laj Ejiipt naq laa'in li Qaawa'”.

Éxodo 12:33

Eb' laj Ejiipt ke'relaji ruheb' laj Israel naq te'xseeb'a rib' chi elk sa' li xna'ajeb': “Kamk qe chiqajunilo”, chankeb'.

1 Samuel 5:11

Ke'xtaqla xch'utub'ankil chixjunileb' laj k'amol xb'eheb' laj Filistea ut ke'xye reheb': “Q'ajsihomaq li xLoq'laj Kaax li xYos laj Israel. Xikaq sa' xna'aj ut ink'a' chooxk'e chi kamk laa'o ut eb' li qatenamit”, chankeb'. K'ajo' xxiweb' chixjunil li tenamit xb'aan naq q'axal rahob'tesinb'ileb' xb'aan li Qaawa'.