Éxodo 10:13 - Q'eqchi Bible

¹³ Laj Moisés kixye' li xxuq' sa' xb'een Ejiipt, ut li Qaawa' kixtaqla chaq li tiqwal iq' sa' xb'een li tenamit chiru li kutan a'an ut chiru li q'oqyink. Naq kisaqewk, ak wankeb' chik laj saak' aran xb'aan li iq'.

Li Santil hu

¹³ Ut laj Moisés quixtaksi lix xukꞌ saꞌ xbe̱n li tenamit Egipto. Ut li Ka̱cuaꞌ Dios quixtakla chak jun cacuil ikꞌ. Li ikꞌ qui-el chak saꞌ li na-el cuiꞌ chak li sakꞌe. Chi cutan ut chi kꞌojyi̱n yo̱ li ikꞌ. Ut nak quisake̱u, ac cuanqueb chic laj sa̱cꞌ li quixcꞌam chak li ikꞌ.

Éxodo 10:13 ပူးပေါင်းရင်းမြစ်များ

San Mateo 8:27

Sachsookeb' xch'ool eb' li winq ut yookeb' chi xyeeb'al: —K'a' chi winqul a'in naq a'atq li iq' ut li palaw neke'paab'ank chiru?

Jonás 4:8

ut naq ki'elk chaq li saq'e, li Yos kixtaqla chaq jun tiqwal iq'. K'ajo' naq kitawasiik laj Jonás xb'aan xtiqwal li saq'e: kichalk xlub'ik ut kixpatz' li xkamik: “Q'axal us li kamk cho'q we chiru naq yo'yooqin”, chan.

Jonás 1:4

Ab'an li Qaawa' kixwaklesi jun kawil iq' chiru li palaw, ut kiwakliik jun kaqsut-iq' li kach'in chik maa kixjuk' li jukub'.

Salmos 148:8

laa'ex xam ut saqb'ach, ratz'amke ut k'ajob', laa'at kaqsut-iq' li nakak'anjela ru li xchaq'rab',

Salmos 105:34

Ki'aatinak, ut ke'chalje'k laj saak' ut eb' laj raxq'een chi ink'a' naru rajlankileb':

Salmos 78:26

Chirix chik a'an kixtaqla chaq li iq' na'elk sa' releb'l saq'e, rik'in xnimal xwankil kixb'eela chaq li iq' nachalk sa' rokeb'l iq'.

Éxodo 14:21

Laj Moisés kixye' li ruq' sa' xb'een li palaw ut li Qaawa' kixtaqla chaq chiru chixjunil li q'oqyink jun kawil iq' li xchalk sa' releb'l saq'e, ut kixchaqihob'resi li palaw: toja' naq kixjek' rib' li ha'.

Génesis 41:6

Ak te'eelunq chaq wuqub' chik chi och sipotz'eb' ut chaqiheb' xb'aan li tiqwal iq', ke'yo'laak moqon chik chirixeb' li xb'een;

Salmos 78:46

Kixq'axtesi li rawimqeb' reheb' laj saak, ut li k'aru ke'xtawasi wi' rib' ki'oso'k xb'aaneb' li raxq'een.

Proverbios 30:27

eb' laj saak' li us ta maak'a' aj k'amol xb'eheb'; ab'an neke'b'eek chi tzol ut chi tustu ru;