Éxodo 1:22 - Q'eqchi Bible

²² jo'kan naq laj Parahón kixk'e li chaq'rab' a'in re chixjunil li tenamit: “Chixjunileb' li kok' teelom li te'yo'laaq kutumaqeb' sa' nima'; a'ut eb' li kok' ixqa'al chekanab'eb' chi yo'yo”.

Li Santil hu

²² Tojoꞌnak laj faraón quixtakla resil saꞌ chixjunil lix tenamit nak ta̱cutekꞌ saꞌ nimaꞌ li jarubeb li cocꞌ te̱lom li teꞌyoꞌla̱k saꞌ xya̱nkeb li ixk aj hebreo. Chixjunileb li cocꞌ xkaꞌal teꞌcanaba̱k chi qꞌui̱c.

Éxodo 1:22 ပူးပေါင်းရင်းမြစ်များ

Hechos 7:19

Li awab'ej a'an kixrahob'tesi li qatenamit sa' b'alaq'il na'leb', toj reetal kixmineb' ru li qana' qayuwa' chi xkanab'ankil chi kamk li xk'uula'aleb'.

Proverbios 1:16

xb'aan naq neke'xseeb'a rib' chi xb'aanunkil li maa'usilal ut chi xkamsinkil li ras riitz'ineb'.

Proverbios 4:16

Xb'aan naq eb' a'an ink'a' neke'ruuk chi wark, wi ink'a' xe'b'aanunk maa'usilal; ut ink'a' nakub'eek xwaraheb', wi ink'a' xe'xrahob'tesi junaq xb'enwa.

Salmos 105:25

Kixpo' xch'ooleb' laj Ejiipt re naq xik' chik te'ril li xtenamit ut te'xra'aleheb' li sik'b'ileb' ru xb'aan.

Éxodo 1:16

Kixye reheb': “Naq teerileb' li ixq aj hebreo, chek'e reetal chi us ma teelom malaj ixq li k'uula'al: wi teelom li k'uula'al taayo'laaq, chekamsi; wi ch'ina ixqa'al, chekanab'aq chi yo'yo”, chan.

Proverbios 27:4

Li josq'il nayoob'ank ch'a'ajkilal ut nasachok; ab'an li sowenak maajun nakuyuk re.

Génesis 41:1

Wiib' chihab' chik xnumik a'an, laj Parahón kimatk'ek: kiril naq xaqxo chire li nima'.

Hebreos 11:23

Sa' xk'ab'a' li paab'aal, naq kiyo'laak laj Moisés, li xna' xyuwa' ke'xmuq chiru oxib' po xb'aan naq ke'ril naq ch'ina'us li k'uula'al, ut ink'a' ke'xxiwa li xchaq'rab' li awab'ej.

Éxodo 2:6

Naq kixte ut kiril li k'uula'al yo chi yaab'ak, kixtoq'ob'a ru ut kixye: “A'in jun k'uula'al aj hebreo”, chan.