Éxodo 1:18 - Q'eqchi Bible

¹⁸ Jo'kan naq li awab'ej re Ejiipt kixtaqla xb'oqb'aleb' laj xokol k'uula'al ut kixpatz' reheb': “K'a'ut naq xeb'aanu chi jo'kan ut nekekanab' chi yo'yo eb' li kok' teelom?”, chan.

Li Santil hu

¹⁸ Ut li acuabej re Egipto quixtakla xbokbal li cuib chi ixk ut quixye reheb: —¿Cꞌaꞌut nak incꞌaꞌ xeba̱nu li xinye e̱re? ¿Cꞌaꞌut nak incꞌaꞌ xecamsi li cocꞌ te̱lom aj hebreo nak xeꞌyoꞌla? chan reheb.

Éxodo 1:18 ပူးပေါင်းရင်းမြစ်များ

2 Samuel 13:28

ut kixye reheb' laj k'anjel chiru: “Kawal wanqex. Naq sahaq xch'ool laj Amnón xb'aan li b'iin ut laa'in tinye eere: «Teekamsi», kamsihomaq chi maak'a'aq eexiw, xb'aan naq a'an eetaqlankil inb'aan. Kawaq b'i' eech'ool ut yo'oon wanqex”.

Éxodo 1:17

Ab'an eb' laj xokol k'uula'al neke'xxiwa ru li Yos ut ink'a' ke'xb'aanu li ke'taqlaak wi' xb'aan li awab'ej re Ejiipt, ke'xkanab' b'an chi yo'yo eb' li kok' teelom.

Éxodo 1:19

Ke'chaq'ok eb' laj xokol k'uula'al ut ke'xye re laj Parahón: “Xb'aan naq eb' li ixq aj hebreo moko jo'keb' ta laj Ejiipt: a'aneb' q'axal kaweb' rib' ut, maji' nawulak laj xokol k'uula'al rik'ineb', ak xe'k'iraak chik”, chankeb'.