Éxodo 1:14 - Q'eqchi Bible

¹⁴ ut ke'xrahob'tesiheb' rik'in kawil k'anjel chi b'eelank seb', yiib'ank xan ut rik'in yalaq k'a' chi k'anjelil na'uxmank sa' k'aleb'aal. Chixjunil li k'anjel a'in ke'xb'aanu eb' laj Israel chi q'axal rahob'tesinb'ileb' ut minb'ileb' ru.

Li Santil hu

¹⁴ Cꞌajoꞌ li raylal nequeꞌxcꞌul xban li cacuil trabaj nequeꞌxba̱nu nak nequeꞌxpacꞌ li chꞌochꞌ chokꞌ xan. Ut joꞌcan ajcuiꞌ nak yo̱queb chi trabajic saꞌ cꞌaleba̱l. Kꞌaxal cuiꞌchic ra li yo̱queb chixcꞌulbal xban nak saꞌ joskꞌil nequeꞌtakla̱c ut yalak cꞌaꞌru cꞌanjelil nequeꞌqꞌueheꞌ reheb re teꞌxba̱nu.

Éxodo 1:14 ပူးပေါင်းရင်းမြစ်များ

Hechos 7:19

Li awab'ej a'an kixrahob'tesi li qatenamit sa' b'alaq'il na'leb', toj reetal kixmineb' ru li qana' qayuwa' chi xkanab'ankil chi kamk li xk'uula'aleb'.

Números 20:15

Eb' li qaxe' qatoonal ke'kub'eek Ejiipt ut najt koowank chaq aran. A'ut eb' laj Ejiipt jwal ra ke'xb'aanu chaq qe jo' ajwi' reheb' li qana' qayuwa'.

Éxodo 6:9

Laj Moisés kixye a'in reheb' laj Israel; ab'an eb' a'an ink'a' ke'xpaab', xb'aan naq q'axal raheb' sa' xch'ool xb'aan li kawil k'anjel.

Éxodo 2:23

K'iila kutan chik xnumik a'an kikamk li awab'ej re Ejiipt. Japjookeb' re chi yaab'ak ut chi q'oqonk eb' laj Israel xb'aan li xnimal rahilal yookeb' chi xk'ulb'al aran naq wankeb' chi munil, ut li xq'oqeb' kitaqe'k toj rik'in li Yos.

Hechos 7:34

Xwil chi us chanru naq narahob'tesiik lintenamit li wank Ejiipt; xwab'iheb' chi yaab'ak ut xinkub'e chaq chi xkolb'aleb'. Jo'kan utan kim xb'aan naq tatintaqla Ejiipt».

Isaías 58:6

Moko a'an ta li ayuun nawaj. “Li ayuun nawaj laa'in a'an a'in: rach'ab'ankileb' li wankeb' sa' tz'alam chi maak'a'eb' xmaak, xk'ixb'al li xk'aamal li rahob'tesiik, rach'ab'ankileb' li tawasinb'ileb' ut risinkil chixjunil li kawil taqlank.

Salmos 81:6

a'an kik'ehe'k chi xpaab' laj José naq ki'elk chaq sa' li tenamit Ejiipt. Nawab'i jun xyaab' kuxej maajun sut wab'ihom:

Nahum 3:14

K'uula aaha' re naq wanq aawuk'a' naq sutsuuqat; kawub'resi eb' laasuttz'ak, puq' wi' chik li seb' ut yiib' aaxan.

Miqueas 3:3

Neketz'ub' xkik'eleb' lintenamit; nekemich' li xtz'uumaleb' ut nekejori li xb'aqeleb', jo' na'uxk re li tib' nachiqe'k sa' uk'al.

Isaías 52:5

Ut anaqwan k'aru yookin chi xk'ulb'al arin -chan li Qaawa'- xb'aan naq lintenamit xe'k'ame'k chi munil chi maak'a'eb' xmaak? Eb' li neke'numtaak sa' xb'eeneb' neke'xjap reheb' chi q'etq'eteb' ut rajlaleb' kutan chinmajewankil.

Isaías 51:23

Sa' ruq'eb' chik li xe'rahob'tesink aawe, tink'e, a'eb' li xe'yehok aawe: «B'uchub'aq eerib' chiru ch'och' re naq toonume'q sa' eeb'een». Ut laa'at xab'uchub' aawib' chiru ch'och', xatkanaak jo' jun li b'e cho'q reheb' li xe'nume'k sa' aab'een”.

Isaías 14:6

li xe'tawasink reheb' li tenamit sa' josq'il ut ink'a' xe'ril xtoq'ob'aal ru eb' li poyanam, a'eb' li xe'numtaak sa' xb'eeneb' li tenamit chi maak'a'eb' xkuyum.

Salmos 68:13

“Eb' li awab'ej rochb'eeneb' laj puub' yookatqeb' chi elelik!”, chankeb'. Eb' li ixq sa' rochocheb' xe'ok chi xjek'inkil li k'aru xmaq'mank chiruheb' li xik' neke'ilik reheb'.

Li xHu LIX RUT 1:20

Ab'an a'an kixsumeheb': —Meeye chik xNohemí we, xMará b'an teeye we xb'aan naq li Nimajwal Yos xinxnujob'resi rik'in rahil ch'oolej!

Deuteronomio 26:6

Eb' laj Ejiipt koohe'xrahob'tesi, koohe'xtawasi ut koohe'xk'e chi kawil k'anjelak.

Deuteronomio 4:20

“Naq kexchap li Qaawa' ut kexrisi chaq sa' li nimla rahilal aran Ejiipt, kixb'aanu chi jo'kan re naq laa'exaq tz'aqal li xtenamit jo' naq wankex anaqwan.

Levítico 25:53

Laj eechal re tixb'aanu jo' naxb'aanu reheb' laj k'anjel li neke'k'anjelak chiru jun chihab'; ut ink'a' naru tixtawasi.

Levítico 25:46

ut teekanab' cho'q reechanihomeb' leeralal eek'ajol naq texkamq laa'ex. Junelik te'k'anjelaq cheru, ab'an maajun eere laa'ex aj Israel tixtawasi li ras riitz'in malaj taakawiltaqlanq sa' xb'eeneb'.

Levítico 25:43

Maatawasiheb', chaxiwa b'an ru laaYos.

Éxodo 20:2

“Laa'in li Qaawa' laaYos, li ki'isink chaq aawe sa' li tenamit Ejiipt, b'arwi' katwank chaq chi munil.

Éxodo 1:13

Ke'numtaak sa' xb'eeneb' laj Israel ut ke'xtaqlaheb' chi k'anjelak cho'q aj mun,

Génesis 15:13

Toja' naq li Qaawa' kixye re laj Abrán: “Chanawaq naq eb' laawalal aak'ajol te'kanaaq sa' ab'l aj ch'och' jo'aqeb' aj b'eenihom rib'; te'mine'q ru chi xb'aanunkil li kawil k'anjel ut te'rahob'tesiiq chiru jun o'q'ob' (400) chihab'.

Éxodo 1:11

Toja' naq ke'xxaqab'eb' aj taqlanel re xrahob'tesinkileb' laj Israel rik'in kawil k'anjel, ut eb' laj Israel ke'xyiib' cho'q re laj Parahón eb' li tenamit-k'uuleb'aal, Pitón ut Ramsés xk'ab'a'.

Éxodo 1:15

Li awab'ej re Ejiipt kiraatinaheb' ajwi' li ixq aj xokol xk'uula'aleb' laj Hebreo: xSifrá xk'ab'a' li jun ut li jun chik xPuhá.

1 Reyes 12:14

Kiraatinaheb' jo' kiyehe'k re xb'aaneb' li saaj al ut kixye reheb': “Wi linyuwa' kaw xexk'e chi k'anjelak, laa'in q'axal wi' chik kaw tintaqlanq sa' eeb'een; ut wi linyuwa' chi tz'uum xe'xsak', laa'in texinsak' rik'in tz'uum wank ch'iich' chi ru'uj”, chan reheb'.

Proverbios 28:15

Jo' li kaqkoj naxjap re ut li tz'uqtz'un naxt'upi li xtzak, jo'kan naxb'aanu li maak'a' xna'leb' chi awab'ejink sa' xb'eeneb' li neb'a'.

Salmos 129:1

B'ich re li taqsink. K'ajo' naq kine'xrahob'tesi chalen chaq sa' linsaajilal -che'xyehaq eb' laj Israel anaqwan-,

Isaías 10:24

Jo'ka'in xyehom li Nimajwal Yos: “Mexxiwak, ex intenamit li wankex Sión. Meexiwa ruheb' laj Asiria, us ta tate'xrahob'tesi rik'in che' ut tz'uum jo' ke'xb'aanu eb' laj Ejiipt.