Ester 9:5 - Q'eqchi Bible

⁵ Eb' laj Judiiy ke'xkamsi chi q'esnal ch'iich' chixjunileb' li xik' neke'ilok reheb': xiwajel tz'aqal li kamsink ke'xb'aanu.

Li Santil hu

⁵ Ut eb laj judío queꞌxcamsiheb chi chꞌi̱chꞌ chixjunileb li xicꞌ nequeꞌiloc reheb. Queꞌxba̱nu reheb li cꞌaꞌru queꞌraj.

Ester 9:5 ပူးပေါင်းရင်းမြစ်များ

2 Ts 1:6

Relik chi yaal naq tiik xch'ool li Yos, ut tixq'ajkamu rik'in rahilal eb' li neke'rahob'tesink eere;

Jeremías 18:21

Ab'an anaqwan, at Qaawa', kanab'eb' chi kamk eb' li ralal xk'ajoleb' xb'aan li we'ej malaj chi q'esnal ch'iich'; kanaaqeb' li rixaqil chi xmalka'anil ixq ut maajunaq chik ralal xk'ajoleb'. Eb' li b'eelomej kamqeb' xb'aan li raxkamk ut eb' li saaj winq che'kamsiiq chi q'esnal ch'iich' sa' li yalok.

Ester 3:13

ut ke'taqlaje'k chirixeb' li taql sa' chixjunil li tenamit wankeb' sa' li awab'ejihom. Sa' li hu tz'iib'anb'il reetalil naq te'sache'q chixjunileb' laj Judiiy, a' yaal ma saajeb', malaj cheekel poyanameb', kok'al malaj ixqeb'; ut taa'eechanimanq li k'a'aq re ru reheb' sa' jun chi kutan, sa' li kab'laju xb'e li xkab'laju pohil li chihab', a'an li po Adar.

Ester 9:6

Sa' li tenamit Susa eb' laj Judiiy ke'xkamsi o'k'aal xkab' o'q'ob' (500) chi winq;

Nehemías 9:24

Naq koxe'okaq ut ke'reechani li xna'ajeb' laj Kanahán, laa'at kaputz'iheb' li wankeb' sa' li tenamit a'an, kaq'axtesiheb' li x'awab'ejeb' ut eb' li poyanam sa' ruq'eb' laj Israel, re naq te'xb'aanu reheb' li te'raj.

Ester 8:11

Sa'eb' li hu a'an li awab'ej kixye reheb' laj Judiiy naq truuq te'xch'utub' rib' sa' chixjunileb' li tenamit b'arwi' wankeb', re xkolb'aleb' rib' chiruheb' li xik' neke'ilok reheb', jo' ajwi' re xkamsinkil ut xsachb'al ru chi junajwa chixjunileb' li poyanam ut tenamit li te'yaloq rik'ineb', rochb'eenaqeb' li rixaqileb' ut li xkok'aleb', toj reetal toxe'reechani jo'ch'inal jo'nimal wank reheb'.

Salmos 92:12

Laa'in xwil naq sachsookeb' chik eb' li xik' neke'ilok we; xwab'i naq yookeb' chi yaab'ak eb' li xe'raj raj numtaak sa' inb'een.