Ester 9:25 - Q'eqchi Bible

²⁵ Ab'an lix Ester koxk'ut rib' chiru li awab'ej, ut a'in kixtz'iib'a naq li rahilal kixpatz' laj Amán sa' xb'eeneb' laj Judiiy toxkanaaq sa' xb'een ut te'kamsiiq chi t'uyt'u laj Amán jo'wi' eb' li ralal xk'ajol.

Li Santil hu

²⁵ Abanan lix Ester quia̱tinac riqꞌuin li rey. Ut li rey quixqꞌue li chakꞌrab nak chixjunil li raylal li quixcꞌoxla xba̱nunquil reheb laj judío ta̱tꞌanekꞌ saꞌ xbe̱n laj Amán. Ut quixtakla xyatzꞌbal laj Amán joꞌ ajcuiꞌ li laje̱b chi ralal.

Ester 9:25 ပူးပေါင်းရင်းမြစ်များ

Salmos 7:16

Kixte jun jul ut cham kixb'ek; ab'an a'an ajwi' kit'ane'k sa' li jul li kixyiib'.

Salmos 141:10

A'eb' aj tawi' li ink'a' useb' xna'leb' che't'ane'q sa' li xra'aleb'; a'ut laa'in tinnume'q junpak'al chi maak'a' tink'ul.

Salmos 140:9

At Qaawa', maak'e taxaq re laj maak chi xb'aanunkil li x'alaak sa' xch'ool; ink'a' taxaq chitz'aqloq ru li xk'uub'ahom”.

Ester 7:5

Toja' naq li awab'ej kixpatz' re lix Ester, li xna'eb' li tenamit: “Ani ut b'ar wank li winq a'an li xk'uub' sa' xch'ool xb'aanunkil li maa'usilal a'an?”.

Ester 3:6

Ut naq ke'xye re li xtenamitul laj Mardokeo, kixk'oxla naq moko tz'aqal ta xrahob'tesinkil xjunes laj Mardokeo, tento aj b'an wi' xsachb'aleb' chixjunileb' laj Judiiy li wankeb' sa' x'awab'ejihom laj Asuero.

Ester 7:4

Xb'aan naq laa'in ut eb' li wech tenamitul xook'ayiik re qatawasinkil, qakamsinkil ut qasachb'al chi junajwa. Wi yal ta xook'ayiik cho'q aj mun, maak'a' raj tinye aawe. Ink'a' raj xatinch'i'ch'i'i rik'in junaq k'a'aq re ru li moko nim ta ch'a'ajkilal tixk'am chaq sa' aab'een”.

Salmos 140:8

At Qaawa', at inNimajwal Yos, laa'at laj Kolol we li q'axal kaw rib', laa'at li xkoleb' linjolom sa' xq'ehil li yalok.

Isaías 22:25

«Ab'anan sa' li kutan a'an -chan li Nimajwal Yos-, taaq'unaaq li klawx a'in ut taa'isiiq sa' li kawil tz'ak, ut chixjunil li k'a'aq re ru t'uyt'uuq chiru taat'ane'q ut kok'putz' tkanaaq»”.

1 Samuel 25:39

Naq laj David kirab'i resil li xkamik laj Nabal, kixye: “Usilaatinanb'il taxaq li Qaawa' li xtenq'ank we naq xinhob'e'k xb'aan laj Nabal. Li Yos xkolok we chiru xb'aanunkil li ink'a' us ut xk'e reeqaj li xmaa'usilal laj Nabal”. Moqon chik laj David kixtaqlaheb' aj esil chi xyeeb'al re lix Abigahil ma traj wank cho'q rixaqil.

1 Reyes 8:32

chawab'i laa'at toj sa' choxa. Oken ut raqon aatin sa' xb'eeneb' laj k'anjel chawu. Chach'olob' xmaak li ink'a' us xna'leb', re naq tixtoj rix li xmaakob'k wi', ut taakoleb' rix li tiikeb' xch'ool.

Ester 7:10

Ut ke'xt'uyub' laj Amán sa' li t'uyleb'aal kixyiib' re raj xkamsinkil laj Mardokeo. Chi jo'kan kich'anaak xjosq'il li awab'ej.

Salmos 7:17

Jo'ch'inal jo'nimal kilajxb'aanu taasutq'iiq chaq sa' xb'een, ut a' chik li xmaa'usilal taat'ane'q sa' xb'een.

Salmos 94:23

A'an taak'ehoq chi xtojb'aleb' xmaak eb' laj b'aanuhom maa'usilal, tixsach ruheb' li yib'ru xna'leb'eb'. Li Qaawa' li qaYos tixjuk'eb' xwankil chi junajwa.

Proverbios 5:22

Li ink'a' us xch'ool nat'ane'k sa' li xmaa'usilal; a' ajwi' li xmaak nasachok re.

Proverbios 26:27

Li naxb'ek junaq jul, a'an ajwi' taat'ane'q chisa'; ut li natolk'osink pek, tixtaw li kamk rub'el a'an.

Abdías 1:15

Xb'aan naq yo chaq chi nach'ok li xkutankil li Qaawa' cho'q reheb' chixjunil li tenamit. Jo' xab'aanu laa'at reheb' li junch'ol chik, jo'kan ajwi' naq taa'uxmanq aawe: taachalq sa' aab'een laak'ulub' xk'ulb'al.