Ester 9:15 - Q'eqchi Bible

¹⁵ Eb' laj Judiiy li wankeb' Susa ke'xch'utub' wi' chik rib' sa' li kaalaju xb'e li po Adar ut o'lajuk'aal (300) chi winq ke'xkamsi aran, ab'an ink'a' ke'xxok li k'aru wank reheb'.

Li Santil hu

¹⁵ Eb laj judío li cuanqueb Susa queꞌxchꞌutub cuiꞌchic rib saꞌ li ca̱laju xbe li po Adar. Ut queꞌxcamsi oxib ciento chic li cui̱nk, abanan incꞌaꞌ queꞌxchꞌeꞌ li cꞌaꞌru cuan reheb.

Ester 9:15 ပူးပေါင်းရင်းမြစ်များ

Ester 9:10

a'aneb' li lajeeb' chi ralal laj Amán, ralal laj Hamdatá, li xik' na'ilok reheb' laj Judiiy. Ke'xkamsiheb', ab'an ink'a' ke'xxok li k'aru wank reheb'.

Ester 8:11

Sa'eb' li hu a'an li awab'ej kixye reheb' laj Judiiy naq truuq te'xch'utub' rib' sa' chixjunileb' li tenamit b'arwi' wankeb', re xkolb'aleb' rib' chiruheb' li xik' neke'ilok reheb', jo' ajwi' re xkamsinkil ut xsachb'al ru chi junajwa chixjunileb' li poyanam ut tenamit li te'yaloq rik'ineb', rochb'eenaqeb' li rixaqileb' ut li xkok'aleb', toj reetal toxe'reechani jo'ch'inal jo'nimal wank reheb'.

Hebreos 13:5

Mexrahink li b'ihomal, k'ojk'ooq b'an eech'ool rik'in li k'aru wank eere, xb'aan naq li Yos kixye: “Ink'a' tatinkanab' chi moko tatintz'eq chirix inch'ool”.

1 Ts 5:22

Chekolaq eerib' chiru chixjunil li k'a'aq re ru chi maa'usilal.

Ester 9:16

Eb' laj Judiiy li wankeb' sa'eb' li jalan chik tenamit sa' li awab'ejihom, ke'xch'utub' rib' sa' li oxlaju xb'e li po Adar re xkolb'aleb' rib' chiruheb' li xik' neke'ilok reheb'; ut ke'xkamsi o'laju mil chi winq, ab'an ink'a' ke'xxok li k'aru wank reheb'.

Ester 9:13

Kichaq'ok lix Ester ut kixye: “Wi li awab'ej naxk'ul xch'ool, eb' laj Judiiy li wankeb' Susa xb'aanuuqeb' wulaj jo' xe'xb'aanu anaqwan; ut eb' li xlajeeb' chi ralal laj Amán che't'uyub'aaq sa' li kamsib'aal”.

Ester 9:2

Sa' xsutam li x'awab'ejihom laj Asuero, eb' laj Judiiy ke'xch'utub' rib' sa'eb' li xtenamiteb' re yalok rik'in li jo'k'ihaleb' te'raj raj xrahob'tesinkileb'. Ab'an maajun kiraj yalok rik'ineb', xb'aan naq jun nimla xiw kichalk sa' xb'eeneb' chixjunil li tenamit.

Ester 9:12

kixye re lix Ester: “Sa' li tenamit Susa eb' laj Judiiy xe'xkamsi o'k'aal xkab' o'q'ob' chi winq jo'wi' li lajeeb' chi ralaleb' laj Amán. Ma toja' ta chik ink'a' xe'xb'aanu sa' chixjunileb' li tenamit? K'aru taawaj xpatz'b'al anaqwan? Chaye we ut taak'eemanq aawe. Toj taa'uxmanq li k'aru taaye”.

Ester 9:14

Tikto li awab'ej kixye li raatin naq chi'uxmanq chi jo'kan; ki'elk li esil sa' li tenamit Susa, ut eb' li ralal laj Amán ke't'uyub'aak.