Ester 9:13 - Q'eqchi Bible

¹³ Kichaq'ok lix Ester ut kixye: “Wi li awab'ej naxk'ul xch'ool, eb' laj Judiiy li wankeb' Susa xb'aanuuqeb' wulaj jo' xe'xb'aanu anaqwan; ut eb' li xlajeeb' chi ralal laj Amán che't'uyub'aaq sa' li kamsib'aal”.

Li Santil hu

¹³ Lix Ester quichakꞌoc ut quixye: —Eb laj judío xeꞌxba̱nu anakcuan joꞌ tzꞌi̱banbil saꞌ li chakꞌrab li xaqꞌue reheb. Cui la̱at ta̱cuaj, ta̱takla xyebal reheb laj judío li cuanqueb arin Susa nak ta̱ru̱k teꞌxba̱nu ajcuiꞌ cuulaj joꞌ xeꞌxba̱nu anakcuan. Ut nacuaj ajcuiꞌ nak teꞌtꞌuyuba̱k riqꞌuin cꞌa̱m chiruheb li tenamit li laje̱b chi camenak li ralal laj Amán, chan.

Ester 9:13 ပူးပေါင်းရင်းမြစ်များ

Ester 8:11

Sa'eb' li hu a'an li awab'ej kixye reheb' laj Judiiy naq truuq te'xch'utub' rib' sa' chixjunileb' li tenamit b'arwi' wankeb', re xkolb'aleb' rib' chiruheb' li xik' neke'ilok reheb', jo' ajwi' re xkamsinkil ut xsachb'al ru chi junajwa chixjunileb' li poyanam ut tenamit li te'yaloq rik'ineb', rochb'eenaqeb' li rixaqileb' ut li xkok'aleb', toj reetal toxe'reechani jo'ch'inal jo'nimal wank reheb'.

Deuteronomio 21:23

Ab'an maakanab' jun q'oqyinaq li xtib'el chiru li che'; taamuq b'an sa' ajwi' li kutan a'an, xb'aan naq junaq winq t'uyt'u, a'an majewanb'il xb'aan li Qaawa'. Chi jo'kan ink'a' taamux ru li ch'och' li tixk'e chaweechani li Qaawa' laaYos.

Gálatas 3:13

Li Kriist koorach'ab' chiru xmaa'usilahom li Chaq'rab' xb'aan naq kixk'e rib' chi maa'usilaak sa' qak'ab'a' laa'o, jo' naxye li Santil Hu: “Maa'usilanb'ilaq chixjunil li t'uyt'u chiru che'”.

Ester 9:15

Eb' laj Judiiy li wankeb' Susa ke'xch'utub' wi' chik rib' sa' li kaalaju xb'e li po Adar ut o'lajuk'aal (300) chi winq ke'xkamsi aran, ab'an ink'a' ke'xxok li k'aru wank reheb'.

2 Samuel 21:9

ut kixq'axtesiheb' sa' ruq'eb' laj Gabahón, li ke'xkamsiheb' sa' xb'een li tzuul chiru li Qaawa'. Junkamik chi xwuqichaleb'; ke'kamsiik sa' xtiklajik xsik'b'al ru li seb'aad.

2 Samuel 21:6

Q'axtesihomaq qe wuqub'eb' li ralal ut laa'o te'qakamsi chiru li Qaawa', aran Kibehá re laj Saúl, li sik'b'il ru xb'aan li Qaawa'”, chankeb'. “Us, tinq'axtesiheb' eere”, chan li awab'ej.

Ester 9:14

Tikto li awab'ej kixye li raatin naq chi'uxmanq chi jo'kan; ki'elk li esil sa' li tenamit Susa, ut eb' li ralal laj Amán ke't'uyub'aak.