Ester 8:17 - Q'eqchi Bible

¹⁷ sa' chixjunileb' li tenamit ut li teep kiwulak wi' li esil a'in, k'ajo' naq ke'saho'k xch'ooleb' laj Judiiy ut ke'xninq'ehi rik'in tzekank. Ut naab'aleb' winq sa'eb' li tenamit a'an ke'xk'ul li sirkunsisyon ut ke'kanaak cho'q aj Judiiy xmaak xxiweb' chiruheb' laj Judiiy.

Li Santil hu

¹⁷ Saꞌ li junju̱nk chi tenamit li quitakla̱c cuiꞌ li chakꞌrab li quixqꞌue li rey, cꞌajoꞌ nak quisahoꞌ saꞌ xchꞌo̱leb laj judío ut queꞌninkꞌei̱c xban nak aꞌan jun nimla cutan chokꞌ reheb. Ut nabaleb li ma̱cuaꞌeb aj judío queꞌoc saꞌ xya̱nkeb xban nak qui-oc xxiuheb xbaneb laj judío.

Ester 8:17 ပူးပေါင်းရင်းမြစ်များ

Ester 9:19

Jo'kan naq eb' laj Judiiy li xcha'cha'ihomeb' rib' sa' chixjunil li awab'ejihom neke'ninq'ehik sa' li kaalaju xb'e li po Adar, chi q'axal sa sa' xch'ooleb', ut nalaje'xk'e xmaataneb' chirib'ileb' rib'.

Salmos 18:43

Xinke'eb' jo' li pojtz' nak'ame'k xb'aan iq', chanchaneb' xseb'ul li b'e naq xeb'inyeq'i.

1 Samuel 25:8

Patz' reheb' laamoos ut eb' a'an te'xch'olob' chawu. Jo'kan naq nintz'aama usilal chawu naq taak'uleb' sa' usilal eb' lintaql a'in xb'aan naq sa' xkutankil li sahil ch'oolej xoochalk. Taak'e reheb' jo'wi' we laa'in, laj k'anjel chawu, jo'ch'inal truuq taak'e»”.

Deuteronomio 11:25

Maa'ani tixkuy eesumenkil. Li Qaawa' leeYos troksi xnimal xxiweb' chixjunil li tenamit b'arwi' texnume'q, jo' ak xyehom eere li Qaawa'.

Ester 9:27

eb' laj Judiiy ke'xxaqab' xwankil li chaq'rab' a'in cho'q reheb' ut cho'q reheb' li ralal xk'ajoleb' ut eb' li te'okenq cho'q aj Judiiy: ke'xye naq tento taawanq li ninq'e a'in rajlal chihab', tz'aqal sa' xkutankil, jo' tz'iib'anb'il sa' li hu.

Ester 9:22

xb'aan naq chiruheb' li kutan a'an eb' laj Judiiy ke'xtaw tz'aqal li tuqtuukil usilal chiruheb' li xik' neke'ilok reheb', ut chiru li po a'an li rahilal kikanaak cho'q sahil ch'oolej ut li yaab'ak kisutq'iik chi ninq'e. Chiru chixjunil li po a'an tento te'ninq'ehiq rik'in tzekank ut sahil ch'oolej; te'xk'e xmaataneb' chirib'ileb' rib' ut te'xtenq'aheb' li neb'a'.

Ester 9:2

Sa' xsutam li x'awab'ejihom laj Asuero, eb' laj Judiiy ke'xch'utub' rib' sa'eb' li xtenamiteb' re yalok rik'in li jo'k'ihaleb' te'raj raj xrahob'tesinkileb'. Ab'an maajun kiraj yalok rik'ineb', xb'aan naq jun nimla xiw kichalk sa' xb'eeneb' chixjunil li tenamit.

Deuteronomio 2:25

Chalen anaqwan twoksi xiw ut xxiwankil aawu sa' xyanqeb' chixjunileb' li tenamit li wankeb' junsut junrub'el choxa. Naq te'rab'i resil eechalik, siksootqeb' chixjunileb' ut parpotqeb' xb'aan xxiweb'», chan li Qaawa'.

Éxodo 15:16

“Xiw ut yot'ik ch'oolej kinaqk sa' xb'eeneb'. At Qaawa', li xwankilal laatel kixpekob'resiheb' toj reetal kinume'k laatenamit, toj reetal kinume'k li tenamit a'in li xayoob'tesiheb'.

Génesis 35:5

Chirix chik a'an koheb', ut jun nimla xiw kikub'eek sa' xb'eeneb' li tenamit li wankeb' chi xsutam; jo'kan naq ink'a' ke'xtaaqe eb' li ralal laj Jakob.

Ester 9:17

Sa' li kutan jun chik ke'hilank ut ke'ninq'ehik chi q'axal sa sa' xch'ooleb'.

Nehemías 8:10

Laj Esdras kixye ajwi': “Ayuqex ut tzekahomaq li k'aru jwal chaab'il, uk'anqex ut taqlahomaq jun wa'alaq xtzekemqeb' li maak'a' wankeb' re. Xb'aan naq jwal loq' li kutan a'in ut q'axtesinb'il cho'q re li Qaawa' li qaYos. Miraho'k leech'ool, xb'aan naq li sahil ch'oolej li nachalk rik'in li Qaawa' a'an li xkawub' leech'ool”.

Josué 2:9

ut kixye reheb': —Ak ninnaw naq li Qaawa' xq'axtesi eere li tenamit. Laa'o xiw xiw wanko ut chixjunileb' li wankeb' sa' li na'ajej a'in neke'siksotk cheru.

Josué 2:11

K'ajo' naq kooxiwak chi rab'inkil a'an, ut chixjunileb' ke'ch'inank xch'ool cheru laa'ex, xb'aan naq li Qaawa' leeYos a'an li xYos chixjunil li choxach'och'.

Ester 9:3

Eb' li xjolomileb' li tenamit, eb' li ruuchileb' li awab'ej, eb' laj taqlanel ut eb' laj tz'iib' li neke'k'anjelak chiru li awab'ej neke'roxloq'iheb' laj Judiiy xb'aan xxiwankil ru laj Mardokeo:

Salmos 105:38

Q'axal ke'saho'k xch'ool laj Ejiipt sa' relikeb', xb'aan naq numtajenaq nim li xxiweb'.