Ester 8:15 - Q'eqchi Bible

¹⁵ Laj Mardokeo ki'elk sa' rochoch li awab'ej chi tiqto rik'in chaab'il aq', rax ut saq xb'onol, jo' naroksi li awab'ej; wank ajwi' jun xkoroon yiib'anb'il rik'in oor sa' xjolom ut xkaqi t'ikr liin. Naq eb' laj Susa ke'ril a'in, k'ajo' naq ke'saho'k xch'ool.

Li Santil hu

¹⁵ Nak laj Mardoqueo qui-el riqꞌuin li rey cuan chirix li cha̱bil akꞌ joꞌ narocsi li rey, rax ut sak. Cuan saꞌ xjolom jun nimla corona oro. Ut cuan li tꞌicr saꞌ xbe̱n li rakꞌ. Li tꞌicr aꞌan yi̱banbil riqꞌuin cha̱bil tꞌicr lino morado. Nak queꞌril laj Mardoqueo, cꞌajoꞌ nak queꞌsahoꞌ xchꞌo̱l li cuanqueb saꞌ li tenamit Susa.

Ester 8:15 ပူးပေါင်းရင်းမြစ်များ

Ester 3:15

Eb' li xtaql li awab'ej koheb' chi junpaat jo' taqlanb'ileb' wi', ut li esil kipukank ajwi' sa' li tenamit Susa. Naq li awab'ej ut laj Amán yookeb' chi uk'ak chi saheb' sa' xch'ool, k'ajo' li rahil ch'oolej sa' li tenamit Susa.

Génesis 41:42

Chirix chik a'an laj Parahón kirisi li xmatq'ab' chi ruq', kixk'e chi ruq' laj José, kixtiqib' chi q'axal chaab'il rik'in liin ut kixk'e li q'ol yiib'anb'il rik'in oor chi xkux laj José.

San Lucas 16:19

“Kiwank jun li winq b'ihom, naxtiqib' rib' rik'in chaab'il kaqi t'ikr ut liino, ut rajlal kutan naninq'ehik chi chaab'il.

Proverbios 29:2

Naq neke'k'ihank li tiikeb' xch'ool, nake'saho'k eb' li poyanam; ab'an naq neke'taqlank li ink'a' useb' xna'leb', ra neke'xk'ul li tenamit.

Ester 6:8

tento taak'ame'q chaq li chaab'il aq'ej li naroksi li awab'ej jo' ajwi' li kawaay nab'eek wi' li awab'ej, ut taak'eemanq sa' xjolom li reetalil li awab'ejilal.

Ester 1:6

Uutz'u'ujinb'il chi us li na'ajej rik'in chaab'il t'ilkem, saq ut rax choxa li xb'onoleb', b'ak'b'ookeb' rik'in kaqik'aam liin ut chapchookeb' chiru kotkookil chapleb' yiib'anb'il rik'in plaat, sa' xyanqeb' li oqech mármol. Ke'xk'e ajwi' eb' li k'ojarib'aal yiib'anb'il rik'in plaat ut oor, ut li ch'och' tz'akanb'il ru rik'in chaab'il pek jo'wi' rik'in saq ut q'eqi mármol.

San Mateo 11:8

K'a' put ru koxeeril chaq? Ma jun li winq tiqto rik'in chaab'il aq'ej? Eb' li tiqtookeb' chi chaab'il, sa' rochocheb' li awab'ej wankeb'.

San Mateo 6:29

A'ut laa'in ninye eere naq chi moko laj Salomón sa' chixjunil li xnimal xloq'al kixtiqib' rib' kama' junaq reheb' a'an.

Ester 6:11

Laj Amán kixxok li chaab'il aq'ej ut li kawaay, kixtiqib' laj Mardokeo ut kixb'eresi sa' li k'ayiil naq wank chirix kawaay, k'amol b'e chiru ut japjo re chi xyeeb'al: “Jo'ka'in na'uxmank re li winq nak'ehe'k xloq'al xb'aan li awab'ej!”.

Ester 5:1

Oxib' kutan chik chirix a'an, lix Ester kixtiqib' wi' chik rib' rik'in raq'ul li xwankilal. Koxnume'q sa' chixjunileb' li okeb'aal, toj reetal kiwulak wan wi' li awab'ej. K'ojk'o li awab'ej sa' li xk'ojarib'aal

Ester 5:11

kixseeraq'i reheb' li xloq'al ut li xb'ihomal, li xk'ihaleb' li ralal xk'ajol ut chanru naq kik'ehe'k xwankil sa' xb'eeneb' li xjolomileb' li tenamit jo'wi' eb' laj k'anjel chiru li awab'ej.

Ester 8:14

Eb' li xtaql li awab'ej koheb' sa' aanil chirixeb' kawaay, re xpaab'ankil li xchaq'rab' li awab'ej, ut li esil kipuktesimank ajwi' sa' li tenamit Susa.

Ester 10:2

Li xwankilal ut li xloq'al li awab'ej a'an, jo' ajwi' chanru naq kixtaqsi xwankil laj Mardokeo, tz'iib'anb'il sa' xhuhil li xyehom ut xb'aanuhom eb' li awab'ej re Persia ut Media.

Proverbios 11:10

Naq li tiik xch'ool us na'elk, k'ajo' naq neke'saho'k xch'ool li tenamit; ut naq nakamk li ink'a' us xna'leb', neke'xajok chixjunileb'.

Proverbios 28:12

Naq li tiik xch'ool naxaqab'aak xwankil, nawank ninq'ehik; ab'an naq neke'numtaak li ink'a' useb' xna'leb', chixjunileb' neke'xmuq rib' xb'aaneb' xxiw.