Ester 7:10 - Q'eqchi Bible

¹⁰ Ut ke'xt'uyub' laj Amán sa' li t'uyleb'aal kixyiib' re raj xkamsinkil laj Mardokeo. Chi jo'kan kich'anaak xjosq'il li awab'ej.

Li Santil hu

¹⁰ Joꞌcan nak laj Amán quiyatzꞌeꞌ saꞌ li cꞌa̱m li quixqꞌue chi yi̱ba̱c re xyatzꞌbal laj Mardoqueo. Ut nak ac xcam laj Amán, quicube xjoskꞌil li rey.

Ester 7:10 ပူးပေါင်းရင်းမြစ်များ

Salmos 7:16

Kixte jun jul ut cham kixb'ek; ab'an a'an ajwi' kit'ane'k sa' li jul li kixyiib'.

Daniel 6:24

Moqon li awab'ej kixtaqla xk'amb'aleb' li winq li ke'jitok re laj Daniel, ut ke'kute'k sa' xyanqeb' li kaqkoj rochb'eeneb' li rixaqil jo'wi' eb' li ralal xk'ajol. Ut toj maji' ajwi' neke'wulak chi ch'och'el naq ke't'upiik ut ke'nuq'e'k xb'aaneb' li kaqkoj!

Ezequiel 5:13

“Toja' naq twisi linjosq'il sa' xb'eeneb' ut tin'eeqajunq toj reetal taak'ojlaaq linch'ool. Ut naq akaq xwisi linjosq'il sa' xb'eeneb', te'xnaw naq laa'in, li Qaawa', xinb'aanu chi jo'kan xb'aan naq namayok li waanm.

Jueces 15:7

Naq laj Sansón kirab'i resil a'an, kixye reheb': “Xb'aan naq xeb'aanu a'in, relik chi yaal ninye eere naq ink'a' taak'ojlaaq inch'ool toj tink'e reeqaj eere”, chan.

Zacarías 6:8

Chirix chik a'an kinxb'oq re xyeeb'al we chi kaw: “K'e reetal, li xkoheb' sa' xjayal releb'l iq' a'aneb' te'ch'anab'anq re li xjosq'il li Qaawa' sa' li tenamit a'an”.

Ester 2:1

Chirix chik a'in, naq ak xnume'k xjosq'il laj Asuero, ki'ok chi xk'oxlankil chixjunil li kixb'aanu lix Vasti ut li kiyeemank chirix a'an.

Génesis 40:22

a'ut laj jolominel reheb' laj yiib'ahom kaxlan wa kit'uyub'aak. Jo' yeeb'il chaq reheb' xb'aan laj José.

Ester 5:14

Toja' naq lix Seres li rixaqil ut chixjunileb' li ramiiw ke'xye re: “K'e chi yiib'aak jun li t'uyleb'aal poyanam, aj oxlaju moqoj xteram, ut aran taat'uyub' laj Mardokeo. Chi jo'kan sahaq sa' aach'ool naq tatxik chi tzekank aawochb'een li awab'ej”, chankeb'. Laj Amán kixk'ul xch'ool li na'leb' a'an ut kixtaqla xyiib'ankil li kamsib'aal.

Ester 7:7

Tikto kiwakliik li awab'ej sa' li xk'ojarib'aal chi k'ajo' xjosq'il ut koho chiru li neb'aal. Laj Amán kikanaak aran chi xk'atq lix Ester re xtz'aamankil xkuyb'al chiru, xb'aan naq naxnaw naq taataqlaaq xkamsinkil xb'aan li awab'ej.

Ester 7:8

Naq laj Asuero ki'ok wi' chik sa' li ochoch, hupu laj Amán chiru xk'ojarib'aal lix Ester. Jo'kan naq li awab'ej kixye: “Ma taawaj ajwi' xmuxb'al li wixaqil sa' li wochoch?”. Toj yo ajwi' xyeeb'al a'an naq kitz'apmank li xnaq' ru laj Amán.

Salmos 94:23

A'an taak'ehoq chi xtojb'aleb' xmaak eb' laj b'aanuhom maa'usilal, tixsach ruheb' li yib'ru xna'leb'eb'. Li Qaawa' li qaYos tixjuk'eb' xwankil chi junajwa.

Proverbios 11:27

Li naxsik' li us, nak'eemank xloq'al; li nasik'ok maa'usilal, a'an ajwi' toxtaw.

Proverbios 26:27

Li naxb'ek junaq jul, a'an ajwi' taat'ane'q chisa'; ut li natolk'osink pek, tixtaw li kamk rub'el a'an.

Jeremías 34:17

Jo'kan naq laa'in, li Qaawa', ninye chi jo'ka'in: Laa'ex ink'a' xineepaab' ut ink'a' xekanab' chi ach'ab'anb'il leeras eeriitz'in; jo'kan naq laa'in tinkanab' chi chalk sa' eeb'een li raaxiik', li we'ej ut li raxkamk, re naq te'ok xxiw chixjunileb' li tenamit sa' ruuchich'och' chi rilb'al leerahilal.

Ester 8:7

Toja' naq laj Asuero li awab'ej kixye reheb' lix Ester ut laj Mardokeo aj Judá: “Ak xinq'axtesi re lix Ester li xjunkab'lal laj Amán, li xintaqla xt'uyub'ankil xb'aan naq xraj xsachb'aleb' ru eb' laj Judiiy.

Ester 9:14

Tikto li awab'ej kixye li raatin naq chi'uxmanq chi jo'kan; ki'elk li esil sa' li tenamit Susa, ut eb' li ralal laj Amán ke't'uyub'aak.

Ester 9:25

Ab'an lix Ester koxk'ut rib' chiru li awab'ej, ut a'in kixtz'iib'a naq li rahilal kixpatz' laj Amán sa' xb'eeneb' laj Judiiy toxkanaaq sa' xb'een ut te'kamsiiq chi t'uyt'u laj Amán jo'wi' eb' li ralal xk'ajol.

Li xHu LAJ JOB 18:8

Taak'eemanq junaq ra'al b'arwi' nanume'k, ut aran taat'ane'q ut taa'aleeq.

Li xHu LAJ JOB 20:8

Taa'oso'q li xyu'am jo' li matk', ut taasachq jo' li moy u chiru q'oqyink.

Salmos 37:15

Ab'an a'eb' ajwi' li xch'iich' taaxeq'oq reheb', li xna' xsimajeb' talaje'toqje'q chiruheb'.

Proverbios 11:8

Li tiik xch'ool nakole'k chiru li rahilal, ut a' chik li ink'a' us xna'leb' nak'uluk re li ch'a'ajkilal.

Daniel 6:25

Toja' naq laj Darío, li awab'ej, kixk'e chi tz'iib'aak li esil a'in reheb' chixjunil li tenamit ut poyanam li wankatqeb' sa' ruuchich'och', a' yaal chanru li raatinob'aaleb': “Chiwanq taxaq tuqtuukil usilal chi numtajenaq sa' eeyanq chejunilex.