Ester 6:3 - Q'eqchi Bible

³ Toja' naq li awab'ej kixye: “K'aru li loq'al malaj xq'ajkamunkil xk'ul laj Mardokeo xb'aan li usilal a'an?”. Ut eb' li wankeb' chi k'anjelak chiru li awab'ej ke'xsume: “Maak'a' x'uxmank re xq'ajkamunkil”, chankeb'.

Li Santil hu

³ Li rey quixpatzꞌ reheb li yo̱queb chi cꞌanjelac chiru: —¿Cꞌaꞌru xkaqꞌue re laj Mardoqueo? ¿Ma xkaqꞌue xkꞌajca̱munquil li usilal xba̱nu cue? chan. Eb li nequeꞌcꞌanjelac chiru queꞌxye: —Ma̱cꞌaꞌ quiqꞌueheꞌ re, chanqueb.

Ester 6:3 ပူးပေါင်းရင်းမြစ်များ

Eclesiastés 9:15

Aran sa' li tenamit wank jun li winq neb'a', ab'an q'axal wank xna'leb'. Li winq a'an kiruuk raj xkolb'al li xtenamit rik'in xnimal xk'a'uxl, ab'anan maa'ani kipatz'ok re, xb'aan naq neb'a'!

Génesis 40:23

Ab'anan laj jolominel reheb' laj k'ehol uk'a' ink'a' kijultiko'k re laj José ut tik kixtz'eq chirix xch'ool.

Daniel 5:29

Toja' naq laj Baltasar kixye naq chitiqib'aaq laj Daniel rik'in kaqi aq'ej, ut kixk'e chi xkux jun q'ol oor. Kixtaqla ajwi' resil naq laj Daniel a'an chik li roxil chi taqlank.

Daniel 5:16

Wab'ihom resil naq laa'at nakatruuk chi xtawb'al xyaalal ut xtuqub'ankil ruheb' li ch'a'ajkilal. Us b'i', wi nakatruhank chi xyaab'asinkil ut xch'olob'ankil xyaalal li tz'iib'anb'il arin, tattiqib'aaq rik'in kaqi aq'ej, taak'eemanq jun q'ol oor chakux ut tatkanaaq sa' roxil chi taqlank sa' lin'awab'ejihom”.

Daniel 5:7

Toja' naq li awab'ej kixjap re chi xb'oqb'aleb' chaq laj q'e, eb' laj nawal ut eb' laj tz'ilol rixeb' li chahim li wankeb' sa' xteepal Babilonia, ut kixye reheb': “Ani taa'iloq re li tz'iib'anb'il chiru li tz'ak ut tixch'olob' li xyaalal, taatiqib'aaq rik'in kaqi aq'ej reetalil li xwankil; taak'eemanq xq'ol oor chi xkux ut a'anaq li roxil chi taqlank sa' lin'awab'ejihom”, chan.

1 Crónicas 11:6

Ak xyehom laj David: “Li ani xb'enwa taayaloq rik'ineb' laj Jebús, a'an li taaxaqab'aaq cho'q aj jolominel ut aj k'amol b'e”. Ut li kiyalok xb'enwa, a'an laj Johab, xyum lix Sarbia; jo'kan naq kixaqab'aak cho'q aj jolominel.

Ester 6:2

Aran tz'iib'anb'il naq laj Mardokeo kixjit laj Biktán ut laj Teres, aj k'anjeleb' chiru li awab'ej ut aj k'aak'alehom re rokeb'aal li rochoch, naq ke'xk'uub' xkamsinkil laj Asuero li awab'ej.

Ester 6:4

Sa' li honal a'an laj Amán yo chi ok chiru li xneb'aalil li rochoch li awab'ej, re xtz'aamankil chiru naq chit'uyub'aaq laj Mardokeo sa' li t'uyleb'aal kixtaqla xyiib'ankil. “Ani wank chiru neb'aal?”, chan laj Asuero.