Ester 6:10 - Q'eqchi Bible

¹⁰ Toja' naq li awab'ej kixye re laj Amán: “K'am chi junpaat li chaab'il aq'ej ut li kawaay jo' tz'aqal xaye, ut b'aanu chi jo'kan re laj Mardokeo laj Judiiy li k'ojk'o aran chire rokeb'aal li wochoch. Maakol junaq k'a'aq re ru re li xaye!”.

Li Santil hu

¹⁰ Ut li rey quixye re laj Amán: —Se̱ba a̱cuib. Cꞌam li cuakꞌ aꞌin ut cꞌam li cacua̱y ut ba̱nu joꞌ xaye. Ba̱nu aꞌan re laj Mardoqueo laj judío li chunchu aran saꞌ li oqueba̱l re li cuochoch. Ba̱nu chixjunil li xaye, chan li rey.

Ester 6:10 ပူးပေါင်းရင်းမြစ်များ

Apocalipsis 18:7

Jo'nimal xnimob'resi wi' rib' ut xrataw li maa'usilal, jo'kan ajwi' k'ehomaq reeqaj rik'in rahilal ut yot'e'k. Xb'aan naq kixye sa' xch'ool: «K'ojk'ookin jo' xna' li tenamit, maawa'in xmalka'an ut maajoq'e twil li rahil ch'oolej», chan.

San Lucas 14:11

Xb'aan naq yalaq ani tixnimob'resi rib', taakub'siiq xwankil; ut li tixkub'si rib', taaterq'usiiq xwankil.

Daniel 4:37

“Ut anaqwan, laa'in laj Nabukodonosor ninnima, ninterq'usi ut ninloq'oni ru li Awab'ej wank sa' choxa, xb'aan naq naxb'aanu chixjunil sa' tiikilal ut tz'aqal yaal, ut naxkub'si xwankil li ani naxq'etq'eti rib'”.

2 Reyes 10:10

Chenawaq naq maajun li k'aru kixye li Qaawa' chirix li xjunkab'al laj Ajab ink'a' ta taak'ulmanq. Li Qaawa' xb'aanu anaqwan jo' kixye chi xtz'uumal re laj Elías, laj k'anjel chiru”.

Ester 6:9

Taaq'axtesimanq li chaab'il aq'ej ut li kawaay re junaq xnimal ru aj k'anjel, re naq tixtiqib' li winq li taak'ehe'q xloq'al xb'aan li awab'ej, ut tixb'eresi li kawaay sa' li k'ayiil, sa' li tenamit, japjo'q re chi xyeeb'al: «Jo'ka'in na'uxmank re li winq nak'ehe'k xloq'al xb'aan li awab'ej»”.

Ester 6:11

Laj Amán kixxok li chaab'il aq'ej ut li kawaay, kixtiqib' laj Mardokeo ut kixb'eresi sa' li k'ayiil naq wank chirix kawaay, k'amol b'e chiru ut japjo re chi xyeeb'al: “Jo'ka'in na'uxmank re li winq nak'ehe'k xloq'al xb'aan li awab'ej!”.

Salmos 31:24

Cherahaq taxaq li Qaawa' laa'ex li nekexpaab'ank chiru. Li Qaawa' naxk'aak'aleheb' li neke'loq'onink re, a'ut numtajenaq wi' chik ra te'xk'ul jo'k'ihaleb' li neke'xq'etq'eti rib'.