Ester 6:1 - Q'eqchi Bible

¹ Chiru li q'oqyink a'an li awab'ej ink'a' kiru chi wark; jo'kan naq kixtaqla laj tz'iib' chi xxokb'al li hu tz'iib'anb'il wi' chixjunil li ak kik'ulmank sa' li x'awab'ejihom, re naq taayaab'asimanq xsa' li hu a'an chiru.

Li Santil hu

¹ Saꞌ li kꞌojyi̱n aꞌan nak incꞌaꞌ quicube xcuara li rey, quixtakla xcꞌambal chak li hu li tzꞌi̱banbil cuiꞌ retalil chixjunil li ac quilajcꞌulman, ut queꞌoc chirilbal xsaꞌ li hu aꞌan chiru.

Ester 6:1 ပူးပေါင်းရင်းမြစ်များ

Daniel 6:18

Chirix chik a'an li awab'ej kisutq'iik sa' li rochoch ut ki'ayuunik chiru li q'oqyink: maajun li ixq kixk'ul rik'in chi moko kiwark xb'aan xk'a'uxl.

Daniel 2:1

Ak wiib' chihab' rokik chi awab'ejink laj Nabukodonosor, kiwank jun xmatk' li jwal kik'ehok xk'a'uxl, toj reetal ink'a' chik sa nawark xb'aan.

Ester 2:23

Li aatin a'in kitz'ilmank rix chi us ut koxtawmanq naq yaal li kiyeemank. Jo'kan naq eb' li wiib' aj k'anjel a'n ke't'uyub'aak chiru che' re xkamsinkileb'. Ut chixjunil a'in kitz'iib'aak chiru ajwi' li awab'ej sa' xhuhil xyehom ut xb'aanuhom eb' li awab'ej re Persia.

Romanos 11:33

Makach'in naxik wi' xchamal xb'ihomal li Yos! K'ajo' xnimal li xna'leb' ut li xk'a'uxl! Relik chi yaal naq maa'ani naru xtawb'al ru li rajom chi moko xyaalal li xk'a'uxl!

Isaías 41:17

Eb' li neb'a' ut li kub'enaqeb' xwankil neke'xsik' li ha', ab'an maak'a' neke'xtaw; xe'chaqik li ru'uj raq'eb' xb'aan li chaqi'eel. Ab'an laa'in li Qaawa' tintenq'aheb', laa'in li xYos laj Israel ink'a' tinkanab' xjuneseb'.

Ester 10:2

Li xwankilal ut li xloq'al li awab'ej a'an, jo' ajwi' chanru naq kixtaqsi xwankil laj Mardokeo, tz'iib'anb'il sa' xhuhil li xyehom ut xb'aanuhom eb' li awab'ej re Persia ut Media.

Génesis 22:14

Ut laj Abrahán kixk'e cho'q xk'ab'a' li na'ajej a'an: “Li Yos nanawok re”. Jo'kan nayeemank chalen toj anaqwan: “Sa' li tzuul, li Yos nanawok re”.

Malaquías 3:16

Toja' naq eb' laj paab'anel ke'aatinak chirib'ileb' rib', ut li Qaawa' kirab'i chi us li k'aru ke'xye. Ut chiru ajwi' li Qaawa' kitz'iib'aak jun li tasal hu, re naq patz'b'ilaqeb' li neke'paab'ank ut neke'oxloq'ink re li Qaawa' Yos.

Ester 5:8

Wi usilal xintaw chawu, at awab'ej, wi tixk'ul aach'ool xnawb'al li k'aru nawaj ut xb'aanunkil li wajom, tatk'ulunq wi' chik wulaj chi tzekank sa' li ninq'e xinkawresi cho'q aawe, aawochb'eenaq laj Amán. Ut aran tinb'aanu li taapatz' we”.

Ester 2:22

Naq kirab'i a'in laj Mardokeo, kixye re lix Ester ut a'in koxye re li awab'ej sa' xk'ab'a' laj Mardokeo.

Ester 2:21

Naq chunchu laj Mardokeo chire rokeb'aal li rochoch li awab'ej chiruheb' li kutan a'an, kixk'e reetal naq laj Biktán ut laj Teres, aj k'aak'aleneleb' re li okeb'aal ut aj tenq'ahom re li awab'ej, k'ajo'eb' xjosq'il ut yookeb' xk'uub'ankil chanru naq te'xkamsi laj Asuero.