Ester 4:14 - Q'eqchi Bible

¹⁴ Wi maak'a' taaye anaqwan, li xtenq'ankileb' ut xkolb'aleb' laj Judiiy taachalq rik'in jalan chik; a'ut laa'at ut eb' laawech'alal tex'oso'q. Mare wachik xatwulak cho'q xna'eb' li tenamit anaqwan re qatenq'ankil sa' li rahilal a'in!”.

Li Santil hu

¹⁴ Cui ti̱c ma̱cꞌaꞌ nacaba̱nu la̱at anakcuan, la̱in ninnau nak cuan jun li ta̱colok reheb laj judío. Aꞌut la̱at joꞌqueb ajcuiꞌ li ralal xcꞌajol la̱ yucuaꞌ texcamsi̱k. Ma̱re anchal re xtenkꞌanquileb la̱ tenamit nak xatqꞌueheꞌ chokꞌ reina, chan laj Mardoqueo.

Ester 4:14 ပူးပေါင်းရင်းမြစ်များ

1 Samuel 12:22

Sa' xk'ab'a' li xnimal xloq'al, li Qaawa' ink'a' texxtz'eqtaana, xb'aan naq A'an xk'ul ru eek'eeb'al cho'q xtz'aqal tenamit.

Isaías 54:17

Ab'anan maajun xyiib'ank re li ch'iich' li taasachoq aawe. Mem taakanab'eb' li te'jitoq aawe sa' raqleb'aal aatin. A'an a'in li xmaataneb' laj k'anjel chiru li Qaawa', a'an a'in li q'axok u tink'e reheb'”, chan li Qaawa' Yos.

Deuteronomio 32:36

“Xb'aan naq li Qaawa' tixtenq'a li xtenamit, taaruxtaana ruheb' li xmoos naq taaril chi lajk li xmetz'eweb' ut maak'a'eb' chik aj mun ut aj eechal reheb'.

San Mateo 16:18

Ut laa'in ninye aawe: Laa'at aj Pedro ut sa' xb'een li pek a'in tink'ojob' linIklees, ut li xwankil li xb'alb'a ink'a' taanumtaaq sa' xb'een.

Jeremías 30:11

Laa'in, li Qaawa', ninye li waatin naq wankin aawik'in chakolb'al ut tinsach ruheb' chixjunil li tenamit katincha'cha'i wi'. Ab'an ink'a' tinsach aawu laa'at chi junajwa, us ta tatinq'us ut tatintij jo' chanru aak'ulub': ka'ajwi' nawaj naq taatoj rix laamaak sa' xyaalal”.

Jeremías 46:28

At Jakob, aj k'anjelat chiwu, matxiwak -chan li Qaawa'-, xb'aan naq wankin aawik'in chakolb'al ut tinsach ruheb' chixjunil li tenamit katincha'cha'i wi'. Ab'an ink'a' tinsach aawu laa'at chi junajwa, us ta tatinq'us ut tatintij jo' chanru aak'ulub': ka'ajwi' nawaj naq taatoj rix laamaak sa' xyaalal”.

Esdras 9:9

Us ta xoowank chaq chi munil, ab'an li qaYos ink'a' xooxkanab' qajunes, xril b'an xtoq'ob'aal qu ut xoorusila chiruheb' li awab'ej re Persia; xk'e xkawub' qach'ool re xkab'lankil wi' chik li rochoch li qaYos ut xyiib'ankil chi us li k'aru xkanaak chi po'lemil. Wanko wi' chik rub'el xkupuhom arin Judá ut Jerusalén.

Ester 2:15

Naq lix Ester, xrab'in laj Abijahil, rikan laj Mardokeo, kiwulak xkutankil naq kixk'ut rib' chiru li awab'ej, ka'ajwi' kixk'am li jo'k'ihal kiyehe'k re xb'aan laj Hegay, li k'ojk'o wi' xch'ool li awab'ej ut aj ilol reheb' li ixq. Chixjunileb' li neke'ilok re lix Ester, k'ajo' naq neke'saho'k xch'ool rik'in.

San Mateo 24:22

Ut wi ink'a' taak'osmanq li xk'ihaleb' li kutan a'an, maa'ani raj taakole'q; ab'an, sa' xk'ab'a' li sik'b'ileb' ru, taak'osmanq li xk'ihaleb' li kutan a'an.

Isaías 49:23

Eb' li awab'ej a'anaqeb' laj ilol aawe, ut li xrab'ineb' a'anaqeb' ruuchil laana'. Te'xwiq'ib' rib' chawu toj chiru ch'och', ut chi ru'uj raq'eb' texmes li pojtz' chawoq. Chi jo'kan taanaw naq laa'in li Qaawa' ut maajoq'e te'xutaanaq li neke'yo'onink wik'in”.

Ester 2:7

Sa' rochoch laj Mardokeo wank li xrab'in li rikan, li maak'a' chik xna' xyuwa', xHadasá xk'ab'a', x'Ester ajwi' nayeemank re. K'ajo' xch'ina'usal li ixqa'al a'an ut chaab'il na'ilok. Naq kikamk li xna' xyuwa', laj Mardokeo kixxok ut kixk'iiresi jo' jun tz'aqal xrab'in.

Génesis 22:14

Ut laj Abrahán kixk'e cho'q xk'ab'a' li na'ajej a'an: “Li Yos nanawok re”. Jo'kan nayeemank chalen toj anaqwan: “Sa' li tzuul, li Yos nanawok re”.

Nehemías 6:11

Kinchaq'ok ut kinye: “Junaq winq jo' laa'in, ma naru tab'i' taa'eleliq? Ma naru tab'i' tin'ok sa' rochoch li Yos re xkolb'al linyu'am? Ink'a' tinxik”, chankin.

2 Reyes 19:3

re xyeeb'al re li propeet Isaías, ralal laj Amós: “Jo'ka'in xye chaq laj Esekías: «Li kutan a'in, a'an xkutankil li rahil ch'oolej, li rahob'tesiik ut li xutaanal! Chanchano li ixq wank sa' yu'am, ab'anan maak'a' xmetz'ew chi alank.

1 Samuel 17:29

Kichaq'ok laj David: “K'aru li ink'a' us xinb'aanu anaqwan? Ma ink'a' tab'i' naru tin'aatinaq?”, chan.

Jueces 15:6

“Ani xb'aanunk re a'in?”, chankeb' laj Filistea. Ke'sumeek: “Laj Sansón, li xhi' laj Timná, xb'aanunk re xb'aan naq a'in kixmaq' li rixaqil ut kixk'e re jun li ramiiw”. Toja' naq eb' laj Filistea koheb' ut ke'xk'at chaq li ixq rochb'een li xyuwa'.

Li xHu LAJ JOB 9:18

ink'a' chik tixkanab' naq tk'ulunq raj inch'ool, ut tinxnujob'resi raj chi rahilal.

Levítico 26:42

Laa'in taajultiko'q we li Sumwank kinb'aanu rik'in laj Jakob, laj Isahak ut laj Abrahán, ut taajultiko'q we li ch'och'.

2 Reyes 13:5

Toja' naq li Qaawa' kixxaqab' jun aj kolol reheb' sa' ruq'eb' laj Aram, ut eb' laj Israel ke'wank wi' chik sa' rochocheb' jo' chaq junxil.

Ester 4:13

ut a'an kixsume chaq chi jo'ka'in: “At Ester, maak'oxla naq yal xb'aan ta naq wankat sa' rochoch li awab'ej tatkole'q ta aajunes sa' xyanqeb' chixjunileb' laj Judiiy.

Ester 4:15

Toja' naq lix Ester kixtaqla wi' chik laj Hatak rik'in laj Mardokeo re xyeeb'al re chi jo'ka'in:

Ester 2:17

Laj Asuero koho xch'ool chirix lix Ester jo' maajun wa kixk'ul xb'aan junaq chik ixq. Jo'kan naq k'ajo' naq kirusila ru ut q'axal kixra chiru chixjunileb' li ixq ak xnawom ruheb'. Kixk'e li koroon chi xjolom ut kixxaqab' cho'q reeqaj lix Vasti.

Eclesiastés 3:7

Wank xq'ehil li q'ichok, ut wank xq'ehil li b'ojok. Wank xq'ehil li ch'anaak, ut wank xq'ehil li aatinak.