Ester 4:1 - Q'eqchi Bible

¹ Naq laj Mardokeo kixnaw chixjunil li kik'ulmank, kixq'ich li raq', reetalil li xrahil xch'ool, kixk'e q'es ruhil t'ikr chirix ut kixk'e cha sa' xjolom. Ut kixb'eeni chixjunil li tenamit chi japjo re xb'aan li rahilal xchalk sa' xb'eeneb';

Li Santil hu

¹ Nak quirabi li cꞌaꞌru quicꞌulman, laj Mardoqueo quixpej li rakꞌ xban xrahil xchꞌo̱l ut quixqꞌue li kꞌes ru tꞌicr chirix ut quixqꞌue li cha chirix. Ut co̱ saꞌ li tenamit. Japjo re chi ya̱bac xban xrahil xchꞌo̱l.

Ester 4:1 ပူးပေါင်းရင်းမြစ်များ

Daniel 9:3

Kintijok chiru li Qaawa', kintz'aamank ut kin'elajink rik'in ayuunik ut xb'atb'al wib' sa' q'es ruhil t'ikr, ut kink'ojob' wib' sa' cha.

Li xHu LAJ JOB 42:6

Jo'kan naq naraho'k ut nayot'e'k linch'ool; sa' li pojtz' ut cha tintoj rix linmaak”.

2 Samuel 13:19

Ab'anan naq wank chik sa' b'e, kixk'e cha sa' xjolom ut kixq'ich li xchaab'il jut-aq' li wank chirix. Chirix chik a'an kixtikib' yaab'ak, kixk'e li ruq' sa' xjolom ut chajcho re naq koho.

2 Samuel 1:11

Toja' naq laj David kixq'ich li raq' xb'aan xrahil xch'ool; jo'kan ajwi' ke'xb'aanu eb' li wankeb' rochb'een.

Li xHu LAJ JOB 2:8

Jo'kan naq laj Job koxk'ojlaaq sa' li cha ut kixchap xk'aj uk'al re xjochjochinkil rib'.

Hechos 14:14

Naq ke'rab'i a'in, eb' li apóstol laj Bernabé ut laj Pablo ke'xq'ich li raq'eb' ut koheb' sa' aanil wankeb' wi' li poyanam, japjookeb' re chi xyeeb'al:

San Mateo 11:21

“Ra chaalel sa' aab'een, at Korasín! Ra chaalel sa' aab'een, at Betsaida! Xb'aan naq wi ta aran Tiro ut Sidón kilaj'uxmank li sachb'ach'oolej li xe'uxk sa' eeyanq, ak junxil raj neke'xjal xk'a'uxl, xe'xtiqib' raj rib' rik'in q'es ruhil t'ikr ut xe'xk'e raj cha sa' xb'eeneb'.

Sofonías 1:14

Xnach'ok chaq li xnimla kutankil li Qaawa'; ak xseeb'ank ut nach' chik wank. Naq taawulaq li kutan a'an, xiwajelaq li japok e: tixjap ajwi' re chi yaab'ak li jwal kaw rib'.

Miqueas 1:8

Xb'aan a'an tinyaab'aq chi q'axal ra sa' inch'ool; tinb'eeq chi maak'a' inxaab' ut chi t'ust'u, tintz'uyinq jo' nawo'te'ek laj xojb' ut tinyaab'aq jo' ral li warom.

Ezequiel 21:6

“Ut laa'at, kaamel winq, jap aawe chi yaab'ak chi jwal ra sa' laach'ool ut tz'uyin chi k'ajo'aq xyot'ik laawaanm chiruheb' a'an.

Isaías 58:5

Ma a'in tab'i' li ayuunik nawaj laa'in sa' li kutan naq li winq naxkub'si li xwankil? Nekexulub' leejolom kama' naxulq'iik li b'ayal, ut nekexwark chiru pop ut cha. Ma a'an nekeye «ayuunik» re, ut «kutan li nawulak chiru li Qaawa'»?

Isaías 22:4

Jo'kan naq xinye: “Elenqex chiwu ut kanab'omaqin injunes chi yaab'ak xb'aan xrahil linch'ool; meech'i'ch'i'i eerib' chi xk'ojob'ankil li waanm xb'aan li roso'jik lintenamit”, chankin.

Isaías 15:4

Japjookeb' re laj Jesbón ut eb' laj Elalé: li xyaab' xkuxeb' na'ab'imank toj Yahás. Eb' laj puub' re Mohab neke'siksotk ajwi' xb'aaneb' xxiw ut natentotk li raanmeb'.

Li xHu LAJ JOB 1:20

Toja' naq kixaqliik laj Job, kixq'ich li raq' ut kixjo li xjolom. Chirix chik a'an kiwiq'laak, kixchunub' rib' chiru ch'och'

Ester 4:3

Sa' chixjunileb' li tenamit yo wi' chi wulak li hu ut li esil a'an, k'ajo' tz'aqal li rahil ch'oolej sa' xyanqeb' laj Judiiy; k'ajo' li ayuunik, li yaab'ak ut q'oqonk, ut naab'aleb' ke'xk'e q'es ruhil t'ikr chirixeb', ut sa' xb'een chik li cha ke'xyokob' rib'eb'.

Josué 7:6

Toja' naq laj Josué kixq'ich li raq', kixhupub' rib' chiru li xLoq'laj Kaax li Qaawa' toj ki'ewuuk ut, rochb'eeneb' li cheekel winq, ke'xk'e pojtz' sa' xjolomeb'.

Génesis 27:34

Naq laj Esaú kirab'i li xye li xyuwa', kixjap re chi kaw xb'aan xrahil xch'ool ut kixye re li xyuwa': “Chinaawosob'tesi ajwi' laa'in, at inyuwa'!”.

Apocalipsis 11:3

Ut laa'in tinb'aanu naq eb' linwiib' chi testiiw tiqtooqeb' rik'in saak, te'aatinaq jo' propeet chiru oxk'aal xka o'q'ob' (1,260) kutan”.

Ester 4:2

kiwulak toj chire rokeb'aal li rochoch li awab'ej, xb'aan naq maajun naru chi ok sa' li ochoch a'an wi tiqtooq rik'in q'es ruhil t'ikr.

Génesis 37:34

Toja' naq laj Jakob kixq'ich li raq', kixtiqib' rib' rik'in q'es ruhil t'ikr, ut chiru naab'al kutan kikanaak sa' rahil ch'oolejil xb'aan li ralal.

Isaías 37:1

Naq laj Esekías li awab'ej kirab'i eb' li aatin a'in, kixq'ich li raq', kixtiqib' rib' rik'in q'es ruhil t'ikr ut koho sa' rochoch li Qaawa'.

Isaías 37:2

Tikto kixtaqla laj Eliakín, laj ilol re li rochoch, jo'wi' laj Sebná laj tz'iib' ut eb' li xtiixilaleb' laj tij, chi wank q'es ruhil t'ikr chirixeb',

Ezequiel 21:11

Xji'e'k ru, re naq taa'oksimanq; ak q'esnanb'il li ch'iich' ut nalemtz'unk li ru re xq'axtesinkil sa' ruq' li taakamsinq.