Ester 3:6 - Q'eqchi Bible

⁶ Ut naq ke'xye re li xtenamitul laj Mardokeo, kixk'oxla naq moko tz'aqal ta xrahob'tesinkil xjunes laj Mardokeo, tento aj b'an wi' xsachb'aleb' chixjunileb' laj Judiiy li wankeb' sa' x'awab'ejihom laj Asuero.

Li Santil hu

⁶ Ac quirabi resil nak laj Mardoqueo aj judío. Incꞌaꞌ quiraj xcamsinquil xjunes laj Mardoqueo. Quixcꞌoxla nak kꞌaxal us xcamsinquileb chixjunileb laj judío li cuanqueb saꞌ eb li naꞌajej li cuanqueb rubel xtakl li rey Asuero.

Ester 3:6 ပူးပေါင်းရင်းမြစ်များ

Salmos 83:4

Neke'xk'uub' ch'a'ajkilal sa' muqmu chirix laatenamit, neke'xyoob' raaxiik' chirixeb' li sik'b'ileb' ru aab'aan:

Apocalipsis 12:12

Jo'kan utan, chisaho'q sa' eech'ool, ex choxa ut chejunilex li wankex chisa'. Ab'an ra chaalel sa' eeb'een laa'ex li ruuchich'och' ut palaw, xb'aan naq laj tza xkub'eek eerik'in chi k'ajo' xjosq'il: naxnaw naq ajlanb'il kutan aj chik taawanq”.

Esdras 4:6

Sa' xtiklajik li x'awab'ejihom laj Jerjes ke'xtz'iib'a jun li hu re xjitb'aleb' laj Judá ut eb' laj Jerusalén.

Ester 9:25

Ab'an lix Ester koxk'ut rib' chiru li awab'ej, ut a'in kixtz'iib'a naq li rahilal kixpatz' laj Amán sa' xb'eeneb' laj Judiiy toxkanaaq sa' xb'een ut te'kamsiiq chi t'uyt'u laj Amán jo'wi' eb' li ralal xk'ajol.

Jeremías 33:24

“Ma ink'a' nakawab'i naq eb' li poyanam neke'xye naq xintz'eqtaanaheb' li wiib' teep chi tenamit insik'om ru, a' laj Israel ut laj Judá? Jo'kan naq neke'xtz'eqtaana lintenamit, chi moko neke'ril jo' junaq tenamit.

Salmos 83:5

“Kimqex -chankeb'-; qasachaqeb' ru sa' xyanqeb' li tenamit, mi'ab'imank chik li xk'ab'a'eb' laj Israel!”.