Ester 2:18 - Q'eqchi Bible

¹⁸ Tikto kixk'uub' jun nimla ninq'e sa' xk'ab'a' lix Ester ut kixb'oqeb' chixjunileb' li xjolomileb' li tenamit jo'wi' eb' laj tenq'ahom re. Kixk'eheb' xhilaal kutan chixjunileb' li poyanam ut kijek'ink maatan reheb' chixjunil jo' xk'ulub' xb'aanunkil junaq awab'ej.

Li Santil hu

¹⁸ Li rey quixba̱nu jun li ninkꞌe re xqꞌuebal xlokꞌal lix Ester ut quixbokeb saꞌ li ninkꞌe chixjunileb li nequeꞌcꞌanjelac chiru. Incꞌaꞌ qꞌui li tumin quixpatzꞌ reheb li junju̱nk chi tenamit. Quixqꞌue ban xma̱taneb joꞌ quiraj li rey.

Ester 2:18 ပူးပေါင်းရင်းမြစ်များ

Apocalipsis 19:9

Chirix chik a'an li ánjel kixye we: “Tz'iib'a: «Us xaq reheb' li b'oqb'ileb' chi wa'ak sa' xninq'ehinkil xsumlajik li Karneer»”. Kixye ajwi' we: “Chixjunil a'in a'an raatin li Yos ut tz'aqal yaal”.

Apocalipsis 11:10

Toja' naq eb' li wankeb' sa' ruuchich'och' te'ninq'ehiq sa' xk'ab'a'eb' a'an, te'saho'q xch'ool ut te'sihinq chirib'ileb' rib' xb'aan naq eb' li wiib' chi propeet a'in ke'xrahob'tesiheb' li wankatqeb' sa' ruuchich'och'.

San Lucas 14:8

—Naq tatb'oqe'q xb'aan anihaq rik'in li sumlaak, maak'e aawib' sa' xjolomil li meex. Mare anchal xb'oqe'k junaq nim xwankil chawu

San Mateo 22:2

“Li xnimajwal wankilal li choxa chanchan jun li awab'ej li kixninq'ehi xsumlajik li ralal.

Cantares 5:1

Ak xin'ok sa' xna'aj li wawimq, at wanab', at xsumwaanm. Ak xinxok linmiir ut linsununkil b'an, xintzeka li xya'al kab' sa' li xsok, ut xwuk' linb'iin ut li xya'al xtu' wakax. Ex was wiitz'in, tzekanqex ut uk'anqex, toj taak'ojlaaq eech'ool, ex wamiiw!

Cantares 3:11

Ex rixqilal Sión, elenqex chaq chi rilb'al laj Salomón li awab'ej: wank sa' xjolom li koroon li kik'ehe'k re xb'aan li xna' sa' xkutankil li xsumlajik, sa' li kutan li q'axal kisaho'k wi' xch'ool.

Ester 9:22

xb'aan naq chiruheb' li kutan a'an eb' laj Judiiy ke'xtaw tz'aqal li tuqtuukil usilal chiruheb' li xik' neke'ilok reheb', ut chiru li po a'an li rahilal kikanaak cho'q sahil ch'oolej ut li yaab'ak kisutq'iik chi ninq'e. Chiru chixjunil li po a'an tento te'ninq'ehiq rik'in tzekank ut sahil ch'oolej; te'xk'e xmaataneb' chirib'ileb' rib' ut te'xtenq'aheb' li neb'a'.

Ester 1:7

Ke'uk'ak sa' k'iila paay chi sek' plaat, ut k'ajo' li b'iin kixk'e li awab'ej.

Nehemías 8:11

Eb' laj Leví ajwi' ke'xk'ojob' xch'ooleb' li poyanam rik'in xyeeb'al: “Jwal loq' li kutan a'in. Mexchoqink ut miraho'k leech'ool”.

1 Samuel 25:8

Patz' reheb' laamoos ut eb' a'an te'xch'olob' chawu. Jo'kan naq nintz'aama usilal chawu naq taak'uleb' sa' usilal eb' lintaql a'in xb'aan naq sa' xkutankil li sahil ch'oolej xoochalk. Taak'e reheb' jo'wi' we laa'in, laj k'anjel chawu, jo'ch'inal truuq taak'e»”.

Génesis 29:22

Toja' naq laj Labán kixb'oq chixjunileb' li rech k'alebaalil ut kixk'e jun nimla ninq'e.

San Marcos 6:21

Kiwulak ut xq'ehil naq laj Herodes, sa' xninq'ehinkil li xyo'lajik, kixb'oqeb' chi wa'ak li ninqeb' xwankil, eb' laj taqlanel ut li xb'eenileb' aj Galilea.