Ester 2:14 - Q'eqchi Bible

¹⁴ Chiru q'oqyink nawulak sa' rochoch li awab'ej, ut eq'la re li kutan jun chik naq'axonk sa' jalan chik ochoch li na'ilmank xb'aan laj Sahaskás, li k'ojk'o wi' xch'ool laj Asuero ut aj ilol reheb' li ixq; chirix chik a'an ink'a' chik toxk'ut rib' chiru li awab'ej wi ink'a' taab'oqe'q malaj taarahiiq ru xb'aan li awab'ej.

Li Santil hu

¹⁴ Chiru kꞌojyi̱n ta̱xic riqꞌuin li rey ut cuulajak chic ta̱xic saꞌ lix naꞌajeb li ixk li ac xeꞌcuan riqꞌuin li rey. Li eunuco aj Saasgaz aꞌan li na-iloc reheb. Ut li ixk incꞌaꞌ chic ta̱xic riqꞌuin li rey cui incꞌaꞌ ta̱cuulak chiru li rey ut cui incꞌaꞌ ta̱bokekꞌ xban.

Ester 2:14 ပူးပေါင်းရင်းမြစ်များ

Ester 4:11

«Chixjunileb' laj k'anjel chiru li awab'ej jo'wi' eb' li tenamit neke'xnaw chi us naq chixjunileb' li winq malaj eb' li ixq li te'raj wulak rik'in li awab'ej chiru li neb'aal chi ink'a' b'oqb'ileb', ch'olch'ooq naq te'kamsiiq. Ka'ajwi' te'kole'q wi li awab'ej tixtaqsi li xxuq' oor sa' xb'een xjolomeb'; ut laa'in ak wank chik jun po chi toj maji' ninb'oqe'k rik'in li awab'ej»”.

Isaías 45:4

Sa' xk'ab'a' xraab'al laj Jakob aj k'anjel chiwu, sa' xk'ab'a' laj Israel, sik'b'il ru inb'aan, xatinb'oq rik'in laak'ab'a' ut xinterq'usi laawankil us ta laa'at ink'a' nakanaw wu.

Isaías 43:1

Anaqwan, jo'ka'in kixye li Qaawa', laj yoob'tesihom aawe, a Israel, laj winqob'resihom aawe, a Jakob: “Matxiwak xb'aan naq laa'in xatinkol; laa'in xink'ehok laak'ab'a', wehat chik.

Deuteronomio 21:14

Wi moqon taaweek'a naq ink'a' chik twulaq chawu, taakanab' chi xik chi ach'ab'anb'il ut moko truuq ta taak'ayi chi tuminal, chi moko taak'e cho'q aamun ixq, xb'aan naq ak xamux ru.

Génesis 34:19

ut li al sa' junpaat kixb'aanu a'an, xb'aan naq naxra li xrab'in laj Jakob. Nim xwankil laj Sikem chiru chixjunileb' li wankeb' sa' rochoch li xyuwa';

Ester 2:13

Naq junaq tuq'ixq nab'oqe'k sa' rochoch li awab'ej, nak'ehe'k re chixk'am li jo'k'ihal tixpatz' sa' rochocheb' li ixq.

Ester 2:15

Naq lix Ester, xrab'in laj Abijahil, rikan laj Mardokeo, kiwulak xkutankil naq kixk'ut rib' chiru li awab'ej, ka'ajwi' kixk'am li jo'k'ihal kiyehe'k re xb'aan laj Hegay, li k'ojk'o wi' xch'ool li awab'ej ut aj ilol reheb' li ixq. Chixjunileb' li neke'ilok re lix Ester, k'ajo' naq neke'saho'k xch'ool rik'in.