Ester 1:4 - Q'eqchi Bible

⁴ Chiru waqib' po kixk'ut chixjunil li xb'ihomal chiruheb' jo' ajwi' li xnimal xloq'al li x'awab'ejihom ut li xwankilal.

Li Santil hu

⁴ Quixbokeb chixjunileb re xcꞌutbal chiruheb lix nimal ut lix lokꞌal lix cuanquilal ut lix biomal. Li ninkꞌe aꞌan quicuan cuakib po.

Ester 1:4 ပူးပေါင်းရင်းမြစ်များ

Li xHu LAJ JOB 40:10

Wi ta jo'kan, k'ut chiwu laawankilal ut li xnimal laaloq'al.

Apocalipsis 4:11

“Aak'ulub', at Qaawa', at qaYos, xk'ulb'al laanimal laaloq'al, li loq'onink ut laawankilal, xb'aan naq laa'at katyoob'tesink re chixjunil: rik'in laawajom ke'yoob'tesiik ut wankeb' chik anaqwan”.

Colosenses 1:27

Li Yos kiraj xk'utb'al chiruheb' a'an li xchamal xsasal li xloq'al li muqmuukil na'leb' a'in sa' xyanqeb' li maawa'eb' aj Judiiy, a' li Kriist li wank eerik'in, li k'ojk'o wi' leech'ool chi royb'eninkil xnimal eeloq'al.

Efesios 1:18

Chixkutanob'resi taxaq leech'ool, re naq teenaw b'arwan leeroyb'enihom b'oqb'ilex wi' xb'aan, jo'wi' li xchamal xsasal li loq'al te'reechani eb' laj santil paab'anel.

Romanos 9:23

Kixk'e ajwi' chi nawe'k li xchamal xsasal li xloq'al qik'in laa'o, xb'aan naq kiruxtaana qu ut kooxkawresi chi junxilaj re tz'aqonk sa' li xloq'al.

San Mateo 6:13

Ut moohaakanab' chi t'ane'k sa' li aaleek, choohaakol b'an chiru li maa'us».

San Mateo 4:8

Kik'ame'k wi' chik toj sa' xb'een jun li tzuul q'axal najt xteram, ut laj tza kilajxk'ut chiru li xwankilal ut li xch'ina'usal chixjunileb' li xninqal ru tenamit li wank sa' ruuchich'och',

Daniel 5:18

“At awab'ej, li Nimajwal Yos kixk'e chi awab'ejink laj Nabukodonosor laayuwa'; kixk'e ajwi' xwankil ut xloq'al, re naq nawb'ilaq ut nimanb'ilaq ru xb'aaneb' chixjunil.

Daniel 4:36

“Sa' ajwi' li honal a'an xk'ulunk linch'ool ut xink'ul wi' chik linloq'al, linwankil, jo' ajwi' lin'awab'ejihom. Eb' laj k'ehol inna'leb' ut eb' li ninqeb' xwankil xoline'ril, xine'xxaqab' wi' chik cho'q awab'ej ut q'axal chik xe'xk'e inwankil.

Daniel 4:30

kixye sa' xch'ool: “A'an a'in li nimla Babilonia li xinwaklesi cho'q xnimal tenamit rik'in linwankilal, re xk'utb'al linloq'al chiruheb' chixjunil”.

Ezequiel 28:5

Sa' xk'ab'a' naq wank aana'leb' chi yakok xatamresi laab'ihomal, ut xb'aan xnimal laab'ihomal xanimob'resi aawib'.

Isaías 39:2

K'ajo' naq kisaho'k xch'ool laj Esekías naq kixk'ul a'an! Jo'kan naq kixk'ut chiruheb' li xtaql laj Merodak chixjunil li xb'ihomal, li plaat ut li oor, li sununkil b'an ut li chaab'il aseeyt, jo' ajwi' li k'a'aq re ru nak'anjelak re yalok. Laj Esekías kixk'ut li jo'ch'inal jo'nimal wank sa'eb' li xk'uuleb'aal jo'wi' sa' chixjunil li x'awab'ejihom.

Salmos 145:5

Laa'in tin'aatinaq chirix laawankil, chirix laanimal ut li sachb'ach'oolej xlajaab'aanu.

Salmos 93:1

Li Qaawa' na'awab'ejink, tiqto rik'in xnimal xloq'al; sutsu li Qaawa' xb'aan xnimal xwankil. A'an kik'ojob'ank re li ruuchich'och' sa' xna'aj, re naq ink'a' taa'eek'anq chi junajwa.

Salmos 45:3

Q'axal xchaq'al aawu sa' xyanqeb' chixjunileb' li winq; chaab'il ut tz'aqal re ru nakat-aatinak: osob'tesinb'ilat xb'aan li Yos chi junelik.

Salmos 21:5

Naq xpatz' xyu'am, xak'e re: najt roq li xyu'am xasi re.

1 Crónicas 29:25

Ut li Qaawa' k'ajo' naq kixnimob'resi xwankil laj Salomón chiru chixjunileb' laj Israel ut kixk'e xnimal xloq'al li x'awab'ejihom: maajun awab'ej kik'ehe'k xloq'al jo' laj Salomón aran Israel.

Ester 1:3

Ak oxib' chihab' rokik chi awab'ejink, laj Asuero kixk'uub' jun li ninq'e cho'q reheb' chixjunileb' laj k'anjel chiru. Kixb'oqeb' ajwi' li xjolomileb' laj puub' re Persia ut Media, eb' li ninqeb' xwankil ut li neke'jolomink re eb' li junq teep chi tenamit.

Ester 1:5

Naq kiraqe'k li ninq'e a'an, li awab'ej kixk'e wi' chik jun li ninq'e cho'q reheb' jo'k'ihaleb' li wankeb' sa' li tenamit Susa, jo' kok' ut ninq. Ut chiru wuqub' kutan ke'ninq'ehik chiru xneb'aalil li rochoch li awab'ej.