Esdras 9:9 - Q'eqchi Bible

⁹ Us ta xoowank chaq chi munil, ab'an li qaYos ink'a' xooxkanab' qajunes, xril b'an xtoq'ob'aal qu ut xoorusila chiruheb' li awab'ej re Persia; xk'e xkawub' qach'ool re xkab'lankil wi' chik li rochoch li qaYos ut xyiib'ankil chi us li k'aru xkanaak chi po'lemil. Wanko wi' chik rub'el xkupuhom arin Judá ut Jerusalén.

Li Santil hu

⁹ La̱o cuanco rubel xtakl lix reyeb laj Persia, abanan incꞌaꞌ xoa̱canab kajunes. Chiruheb li rey xacꞌut chiku lix nimal la̱ cuusilal ut xaqꞌue li kayuꞌam re nak ta̱ru̱k takayi̱b cuiꞌchic la̱ templo li quijuqꞌueꞌ. Ut la̱at xat-iloc ke arin Judá ut Jerusalén.

Esdras 9:9 ပူးပေါင်းရင်းမြစ်များ

Esdras 7:6

Laj Esdras a'an jun li winq tzolb'il chi us sa' li Chaq'rab' li kik'ehe'k re laj Moisés xb'aan li Qaawa', xYos laj Israel. Li ruq' li Qaawa' li xYos wank sa' xb'een; jo'kan naq chixjunil li k'aru naxpatz', nak'ehe'k re xb'aan li awab'ej. Laj Esdras ki'elk Babilonia ut koho Jerusalén.

Zacarías 2:5

Ab'anan naxye li Qaawa': Laa'in chik li xsuttz'akil; chanchanaqin xam chi xsutam lintenamit, ut linloq'al wanq aran sa' xyanqeb'»”.

Hageo 1:9

Naab'al raj nekeraj, ab'an b'a'b'ay ajwi' neketaw. Ut li xek'uula sa' leerochoch, laa'in xinkuti chi najt. Ma nekenaw k'a'ut? Xb'aan naq toj po'lem linsantil ochoch, ut laa'ex chejunjunqal naxik eech'ool chirix leerochoch.

Daniel 9:25

Ab'i li yookin xyeeb'al aawe ut chatawaq ru: Chalen naq x'elk li chaq'rab' re xwaklesinkil wi' chik Jerusalén toj taawulaq xkutankil li xk'ulunik laj jolominel sik'b'il ru, tento taanume'q wuqub' xamaan. Chirix chik a'an te'yiib'amanq wi' chik eb' li b'e jo'wi' eb' li tz'ak chiru wiib' xkaak'aal xamaan; ab'anan q'axal rahaq xnumsinkileb' li kutan a'an.

Ezequiel 11:16

Jo'kan naq ye reheb': «Jo'ka'in naxye li Qaawa': Us ta xe'wisi sa' li xna'ajeb' ut xeb'incha'cha'i sa' xyanqeb' li jalanil tenamit, ab'anan yal jun k'amok ajwi'. Anaqwan laa'inaq chik li santil ochoch cho'q reheb' a'an sa'eb' li tenamit b'arwi' xoxe'kanaaq».

Isaías 5:5

Jo'kan utan tinye eere li k'aru ok we chi xb'aanunkil re li wawimq: tinte li okeb'aal re naq taa'oso'q; tinjuk' li tz'ak sutsu wi' li wawimq, re naq taayeq'iiq ut taasache'q ru.

Isaías 5:2

Kixpiki li ch'och', kirisiheb' li pek chisa' ut kiraw li iyaj jwal chaab'il. Sa' xyi li rawimq kixkab'la jun najt xteramil ochoch ut kixyiib' jun xna'aj re xyatz'b'al li uub'. Li wamiiw kiroyb'eni li uub' q'axal ki', ab'anan junes ra re li uub' kiruuchin.

Esdras 7:8

Laj Esdras kiwulak Jerusalén sa' li ro' po, sa' li xwuq chihab' rokik chi awab'ejil laj Artajerjes.

Esdras 9:10

“Ab'an anaqwan, at qaYos, k'aru truuq tqaye chirix chixjunil a'in? Xqatz'eqtaana laachaq'rab'

Salmos 109:12

Maajun ta chitoq'ob'anq ru, ut maa'ani ta chi'uxtaananq ruheb' li xneb'a'yox.

Salmos 138:7

Naq wankin sa' rahilal, nakak'e inyu'am; nakaye' laawuq' sa' xb'eeneb' li xik' neke'ilok we ut rik'in laanim uq' nikinaakol chiru li xjosq'ileb'.

Isaías 14:3

Ex aj Israel, naq li Qaawa' texrisi chi munil, sa' li rahilal ut sa' li kawil k'anjel xextawasiik wi',

Esdras 2:68

Sa' xyanqeb' li xjolomileb' junkab'al, wankeb' li ke'wulak sa' rochoch li Qaawa' aran Jerusalén ut ke'xyeechi'i xmayejeb' re li rochoch li Yos, re naq taakab'lamanq wi' chik tz'aqal sa' li xna'aj.

Nehemías 2:17

Toja' naq kinye reheb': “Laa'ex ajwi' nekek'e reetal li rahilal wanko wi', xb'aan naq po'lem xkanaak Jerusalén ut eb' li rokeb'aal k'atb'ileb' xb'aan li xam. Kimqex ut qawaklesiiq wi' chik li xsuttz'akil Jerusalén, re naq ink'a' chik toose'eq xb'aaneb' chixjunileb'”, chankin.

Nehemías 9:17

Ink'a' ke'raj paab'ank chi moko xjultikankil eb' li sachb'ach'oolej kab'aanu sa' xyanqeb'; ke'xkawub'resi b'an xch'ooleb' ut ke'xxaqab' jun aj k'amol b'e re te'sutq'iiq wi' chik Ejiipt sa' li munil. Ab'anan laa'at li Yos aj kuyul maak, chaab'il laach'ool ut aj uxtaanat; ink'a' nakatjosq'o'k sa' junpaat ut k'ajo' laarahom. Ink'a' kakanab'eb' xjunes.

Isaías 61:4

Toja' naq te'xyiib' wi' chik li najteril po'lem, te'xkab'la ajwi' eb' li mayeril ochoch; te'xwaklesi wi' chik eb' li juk'b'il tenamit jo'wi' eb' li ochoch li ke'juk'mank junxil.