Esdras 9:7 - Q'eqchi Bible

⁷ Chalen chaq sa' xkutankileb' li qana' qayuwa' toj anaqwan wanko sa' maak. Xb'aan li qamaa'usilal laa'o ut xmaakeb' li awab'ej ut eb' laj tij xooq'axtesiik sa' ruq'eb' li awab'ej li jalanq xtenamiteb'. Xootiq'e'k, xook'ehe'k sa' tz'alam, xoohob'e'k ut xe'relq'a li k'aru wank qe, ut toj yo a'in anaqwan.

Li Santil hu

⁷ Chalen nak toj cuanqueb li kaxeꞌto̱nil yucuaꞌ toj anakcuan yo̱co chi ma̱cobc cha̱cuu. Xban li kama̱usilal, ut xban ajcuiꞌ lix ma̱usilaleb li karey ut eb laj tij, la̱o cokꞌaxtesi̱c saꞌ rukꞌeb li rey li jalan xtenamiteb. Cochapeꞌ ut cocꞌameꞌ chi najt saꞌ jalan tenamit. Cuan queꞌcamsi̱c riqꞌuin chꞌi̱chꞌ. Queꞌrelkꞌa li cꞌaꞌru cuan ke ut quicꞌuteꞌ kaxuta̱n toj chalen anakcuan.

Esdras 9:7 ပူးပေါင်းရင်းမြစ်များ

2 Crónicas 29:6

Xb'aan naq eb' li qana' qayuwa' ke'xq'etq'eti rib' ut ke'xb'aanu li ink'a' nawulak chiru li Qaawa' li qaYos; ke'xtz'eqtaana ut ke'xtz'eq chirix xch'ooleb' li rochoch li Yos.

Lamentaciones 5:7

Eb' li qaxe' qatoon ke'maakob'k, ut maak'a'eb' chik anaqwan; ut sa' qab'een chik laa'o xkanaak li xmaakeb'.

Jeremías 44:22

Ab'an li Qaawa' ink'a' chik naxkuy leemaak ut li jo'maajo'il b'aanuhom li ink'a' nawulak chiru; jo'kan naq leena'aj nakirirnak aj chik ut maajun chik wank aran; majewanb'il aj chik ut q'axal xiwajel ru anaqwan.

Jeremías 25:18

Kink'e chi ruk'eb' laj Jerusalén, eb' laj Judá, jo'wi' kink'e reheb' li awab'ej ut eb' li xninqal ru winq, re xsachb'al ruheb' ut xkanab'ankileb' chi kok'putz' chi junajwa ut chi xiwajelaq rilb'al, chi tz'eqtaananb'ilaqeb' ut majewanb'ilaqeb', jo' wankeb' chalen toj anaqwan.

Nehemías 9:30

Chiru k'iila chihab' kakuyeb', kak'e xna'leb'eb' rik'in laamusiq' ut chi xtz'uumal reheb' laapropeet. Ab'an eb' a'an ink'a' ke'ab'ink; jo'kan naq kaq'axtesiheb' sa' ruq'eb' li tenamit wankeb' sa' ruuchich'och'.

2 Crónicas 30:7

Ink'a' jo'qex leena' leeyuwa' ut leeras eeriitz'in li ke'xq'etq'eti rib' chiru li Qaawa', xYos eb' li xxe'toonil yuwa'eb'. Jo'kan naq A'an kixq'axtesiheb' chi sache'k, jo' yookex chi rilb'al anaqwan.

1 Samuel 12:15

Ab'anan wi ink'a' teerab'i xyaab' xkux li Qaawa', wi teeq'etq'eti eerib' chiru li xtaqlahom, li ruq' li Qaawa' taa'aalo'q sa' eeb'een ut sa' xb'een li awab'ej.

Números 32:14

Ut anaqwan laa'ex chik xek'amchi'i xna'leb'eb' leena' leeyuwa' jo' ralal xk'ajoleb' laj maak: teeraj wi' chik xchiq'b'al xjosq'il li Qaawa' sa' xb'eeneb' laj Israel!

1 Reyes 8:47

wi sa' li tenamit a'an te'xyot' xch'ool te'xjal xk'a'uxl, wi te'tz'aamanq te'elajinq chawu ut te'xk'e reetal naq xe'maakob'k ut ink'a' us xe'xb'aanu,

Esdras 9:13

“Chirix naq xqak'ul chixjunil a'in xb'aan li qamaak ut li qamaa'usilal (us ta laa'at, at qaYos, ink'a' xoohaak'e chi xtojb'al rix li qamaak jo' qak'ulub' raj xk'ulb'al, xoohaak'e b'an chi wank chi ach'ab'anb'il),

Jeremías 3:25

Qakub'siiq b'i' li qawankil xb'aan qaxutaan, ut chookanaaq chi maak'a' chik qaloq'al, xb'aan naq xoomaakob'k chiru li Qaawa' li qaYos, chalen chaq sa' li qasaajilal, laa'o ut eb' li qana' qayuwa'. Ink'a' xoo'ab'ink chiru li Qaawa' li qaYos”.

Jeremías 32:23

A'ut naq eb' a'an ke'ok sa' li na'ajej ut ke'reechani, ink'a' ke'xpaab' laawaatin chi moko ke'xk'e sa' xch'ooleb' li xchaq'rab'inkileb' aab'aan: tik ink'a' ke'xb'aanu li kaye reheb'; jo'kan naq xataqla chaq li rahilal a'in sa' xb'eeneb'.

Jeremías 32:32

xb'aan chixjunil li maa'usilal xb'aanuhomeb' laj Israel jo'wi' eb' laj Judá, re xyoob'ankil linjosq'il, rochb'eeneb' li awab'ej, eb' laj jolominel, eb' laj tij, eb' li propeet ut chixjunileb' li wankeb' Judá ut Jerusalén.

2 Crónicas 34:24

naq li Qaawa' xye chi jo'ka'in: Tintaqla chaq nimla rahilal sa' xb'een li na'ajej a'in ut sa' xb'eeneb' li wankeb' arin. Tintaqla chaq chixjunileb' li majewal tz'iib'anb'ileb' sa' li hu xyaab'asimank xsa' chiru li awab'ej re Judá,

Isaías 64:4

Maajun wa x'ab'imank chi moko x'ilmank jun sutaq naq junaq chik yos xb'aanu li xab'aanu laa'at cho'q reheb' li neke'paab'ank chiru.

Jeremías 44:9

Ma xsachk sa' eech'ool li maak ke'xb'aanu eb' leexe'toonil yuwa', jo'wi' eb' li awab'ej re Judá ut eb' li rixaqileb'? Ma xsachk sa' eech'ool leemaa'usilal laa'ex ut li xmaakeb' leerixaqil li keb'aanu sa' xteepal Judá ut sa'atqeb' li b'e re Jerusalén?

Ezequiel 11:9

Tinraqoq aatin sa' eeb'een: texwisi Jerusalén ut texinq'axtesi sa' ruq'eb' laj ab'l tenamit.

Ezequiel 39:23

Ut eb' li xninqal ru tenamit te'xnaw naq eb' laj Israel xe'k'ame'k chi preexil xb'aan naq xe'maakob'k; ut laa'in ink'a' chik xwaj rilb'aleb' ru xb'aan naq xe'xq'et lintaqlahom. Jo'kan naq xinq'axtesiheb' sa' ruq'eb' li xik' neke'ilok reheb', ut xe'kamsiik chixjunileb' chi q'esnal ch'iich'.