Esdras 9:5 - Q'eqchi Bible

⁵ Sa' li honal a'an kik'ulunk wi' chik linch'ool, ut chi q'ichilkeb' li waq' ut linb'aatal kinwiq'ib' wib', kintaqsiheb' li wuq' chi elajink chiru li Qaawa' linYos

Li Santil hu

⁵ Saꞌ x-o̱ril li mayejac re li ecuu, quincuacli saꞌ li naꞌajej bar quincꞌojla cuiꞌ chi ra saꞌ inchꞌo̱l. Ac xinpej li cuakꞌ nak quincuikꞌib cuib. Quintaksi li cuukꞌ ut quin-oc chi tijoc chiru li Ka̱cuaꞌ lin Dios.

Esdras 9:5 ပူးပေါင်းရင်းမြစ်များ

1 Reyes 8:54

Naq laj Salomón kiraqe'k chi tijok ut chi tz'aamank chiru li Qaawa', kixaqliik, kixxaqab' rib' chiru li x'artal li Yos, b'arwi' xwank chi wiq'wook, kixtaqsiheb' li ruq' sa' choxa

1 Reyes 8:38

chawab'iiq chaq toj sa' laak'ojarib'aal yalaq ani chi poyanamil malaj chixjunil li tenamit Israel, li taareek'a xrahilal sa' xch'ool, taatijoq ut tolxtaqsiheb' li ruq' chi elajink chawu sa' li ochoch a'in.

1 Reyes 8:22

Moqon chik laj Salomón kixxaqab' rib' chiru li x'artal li Qaawa', chiruheb' chixjunil li xkomonileb' laj Israel, kixtaqsiheb' li ruq' sa' choxa

Éxodo 9:33

Toja' naq laj Moisés kixkanab' laj Parahón ut, naq ki'elk sa' li tenamit, kixtaqsiheb' li ruq' chiru li Qaawa': ch'anaamileb' li kaaq jo'wi' li saqb'ach, ut ink'a' chik xk'e li hab' sa' xb'een li ch'och'.

Éxodo 9:29

Kichaq'ok laj Moisés ut kixye: “Naq tin'elq sa' li tenamit, tintaqsi li wuq' chiru li Qaawa', ut taach'anaaq li kaaq ut ink'a' chik taawanq li saqb'ach, re taanaw naq li ruuchich'och' a'an re li Qaawa'.

Efesios 3:14

Jo'kan naq ninwiq'ib' wib' chiru li Yuwa'b'ej,

Salmos 143:6

Ninterq'usi li wuq' chi tijok chawu; kama' li chaqi ch'och' naraj li ha', jo'kanin laa'in chi xrahinkil aawu.

Salmos 141:2

Chiwulaq ta aawik'in lintij jo' xb'ook li pom. Naq ninterq'usi li wuq' chawu, jo' taxaq li mayej nayeechi'imank ewu.

Salmos 95:6

Okanqex, chooloq'oninq, junb'uchlikaqo, qawiq'ib'aq qib' chiru li Qaawa': a'an laj winqob'resihom qe!

2 Crónicas 6:13

Laj Salomón kixyiib' rik'in q'anch'iich' jun li na'ajej najt xteram, wank xkab' moqoj xnimal roq, juntaq'eet li xnimal ru ut waqib' k'utub' xteram; kixk'e sa' xyi li neb'aal, kixwiq'ib' rib' sa' xb'een, chiruheb' chixjunil laj Israel, ut kixtaqsiheb' li ruq' sa' choxa. Kitijok chi jo'ka'in:

Hechos 21:5

Ab'anan laa'o, naq ke'nume'k eb' li kutan a'an, koo'elk ut kiqachap qab'e. Chixjunileb' ke'ochb'eenink chaq qe toj chirix li tenamit rochb'eeneb' li rixaqil ut eb' li xkok'al. Chire li palaw koowiq'laak ut kootijok.

San Lucas 22:41

Kirisi rib' sa' xyanqeb' ut koho jo' xnajtil nakute'k wi' junaq pek; kixwiq'ib' rib' chi tijok ut kixye:

Isaías 1:15

Naq neketaqsi leeruq' chi tijok, nintz'ap li xnaq' wu re naq ink'a' texwil. Us ta neketiq roq leetij, laa'in ink'a' nawab'i, xb'aan naq oso'jenaq sa' kik' leeruq': k'ajo'eb' li poyanam kekamsi!

Daniel 10:2

“Chiruheb' li kutan a'an, laa'in laj Daniel kinkawresi wib' chiru oxib' xamaan chi ra sa' inch'ool:

Nehemías 1:4

Naq kiwab'i a'in, kink'ojlaak ut kin'ok chi yaab'ak. Ut chiru wiib' oxib' kutan q'axal kiraho'k sa' inch'ool, kin'ayuunik ut kintijok chiru li choxahil Yos.