Esdras 9:15 - Q'eqchi Bible

¹⁵ “At Qaawa', xYos laj Israel, laa'at tiik aach'ool. Jo'kan naq toj yo'yooko anaqwan jarub'o li xookole'k. Wanko rub'el laawoq rub'el laawuq' laa'o aj maak, us ta maajun xnimal aj maak naxkuy wank chawu”.

Li Santil hu

¹⁵ At Ka̱cuaꞌ, at kaDios, la̱at li kaDios la̱o aj Israel. La̱at ti̱c la̱ chꞌo̱l. Joꞌcan nak toj yoꞌyo̱co la̱o anakcuan, li joꞌ qꞌuial chic xocoleꞌ. Ya̱l nak cuan li kama̱c cha̱cuu. Joꞌcan nak incꞌaꞌ naru nococuan chi sum a̱tin a̱cuiqꞌuin, chan laj Esdras nak quitijoc.

Esdras 9:15 ပူးပေါင်းရင်းမြစ်များ

Salmos 130:3

Wi ta nakak'e sa' aach'ool li qamaak, at Qaawa', ani truuq tkanaaq chi xaqxo chawu?

San Juan 8:24

Jo'kan naq xinye eere naq texkamq sa' leemaak xb'aan naq, wi ink'a' nekepaab' naq Laa'inin, texkamq sa' leemaak.

Romanos 3:19

Us b'i', naqanaw naq chixjunil li naxye li Chaq'rab', a'an yeeb'il cho'q reheb' li wankeb' rub'el xwankil li Chaq'rab', re naq chixjunileb' te'memo'q, ut chixjunil li ruuchich'och' chireek'ahaq rib' naq wank xmaak chiru li Yos.

San Juan 8:21

Li Jesus kixye wi' chik reheb': —Xik we laa'in. Laa'ex tineesik', ut texkamq sa' leemaak. B'ar wi' xik we laa'in, ink'a' truuq texxik laa'ex.

Romanos 10:3

Ink'a' neke'xtaw ru naq ka'ajwi' li Yos natiikob'resink ch'oolej ut ke'xyal xq'e chi xxaqab'ankil xwankil li tiikil ch'oolej li yal x'alaak sa' xch'ooleb'. Jo'kan naq ink'a' ke'xq'axtesi rib' re li Yos li nakolok sa' xk'ab'a' li Kriist.

Daniel 9:14

Jo'kan naq li Qaawa' kixk'uub' chi junxilaj li rahilal a'in ut anaqwan xtaqla chaq sa' qab'een, xb'aan naq tiik xch'ool li Qaawa' li qaYos ut laa'o ink'a' xqaj rab'inkil li xyaab' xkux.

Ezequiel 33:10

“At kaamel winq, ye reheb' li ralal xk'ajol laj Israel: «Laa'ex nekeye: Oso'jenaqo sa' li maak ut li q'etb'a aatin. Chan ta chik ru naq tookole'q, chankex».

Jeremías 12:1

At Qaawa', naq ninwech'ok aawik'in, laa'at junelik tiik aach'ool; ab'anan nawaj xpatz'b'al aawe li na'leb' a'in: K'a'ut naq jwal us neke'elk li ink'a' useb' xch'ool ut sa wankeb' li neke'b'alaq'ink?

Salmos 143:2

Matraqok aatin sa' inb'een, xb'aan naq maajun junaq maak'a' ta xmaak chawu.

1 Corintios 15:17

Ut wi li Kriist ink'a' kiwakliik chi yo'yo, maak'a' xyaalal leepaab'aal: toj wankex sa' leemaak.

Esdras 9:6

ut kinye: “At inYos, sachso linch'ool ut q'axal ninxutaanak chi xtaqsinkil li wilob'aal chawu, at inYos. Xikenaq xb'een li qamaa'usilal ut jwal naab'al li qamaak: xwulak toj sa' choxa.

Salmos 76:7

At xYos laj Jakob, eb' li b'eleb'aal ch'iich' ut eb' li kawaay ink'a' chik xe'eek'ank sa' xna'ajeb' naq xaxib'esiheb'.

Salmos 116:5

Q'un ut tiik xch'ool li Qaawa', k'ajo' xnimal li ruxtaan li qaYos.

Salmos 119:137

At Qaawa', jwal tiik laach'ool; k'ajo' naq nakatraqok aatin sa' tiikilal!

Ezequiel 7:16

Eb' li te'ruhanq chi elelik, te'xb'eeni rib' sa'atqeb' li k'iche', tz'uyuynaqeb' xb'aan li xmaakeb', jo'qeb' li mukuy xib'esinb'ileb'.

Levítico 26:40

“Toja' naq te'xch'olob' li xmaakeb' ut li xmaa'usilaleb' li xna' xyuwa', chanru naq xe'xq'etq'eti rib' ut xe'jipunk chiwu.

Levítico 26:41

Jo'kan ajwi' laa'in tinxaqab' wib' chiruheb' ut tink'ameb' sa' xtenamiteb' li xik' neke'ilok reheb': aran taakub'eeq xwankil li xch'ooleb' ink'a' xk'ulumeb' li sirkunsisyon ut te'xtoj rix li xmaakeb'.

Josué 22:15

Ut naq eb' a'in ke'wulak wankeb' wi' laj Rubén, eb' laj Gad ut li xyiijachil xteepal laj Manasés, sa' li na'ajej Galahad, ke'raatinaheb' chi jo'ka'in:

Esdras 1:4

Ut yalaq b'ar wanqeb' aj Israel, eb' li rechkab'al che'tenq'anq taxaq reheb' rik'in plaat ut oor, sahil eechej ut ketomq, jo' ajwi' rik'in chixjunil li taa'alaaq sa' xch'ooleb' xk'eeb'al re li rochoch li Yos li wank Jerusalén”.

Nehemías 9:8

Kawil naq q'axal tiik xch'ool chawu; jo'kan naq kak'ojob' jun li sumwank rik'in re xk'eeb'al reheb' li xch'och'eb' laj Kanahán, eb' laj Hit, eb' laj Amor, eb' laj Perés, eb' laj Jebús ut eb' laj Kirkás. Kayeechi'i li ch'och' a'an re laj Abrahán ut eb' li ralal xk'ajol, ut xaqxo xwankil laawaatin, xb'aan naq tiik aach'ool.