Esdras 9:13 - Q'eqchi Bible

¹³ “Chirix naq xqak'ul chixjunil a'in xb'aan li qamaak ut li qamaa'usilal (us ta laa'at, at qaYos, ink'a' xoohaak'e chi xtojb'al rix li qamaak jo' qak'ulub' raj xk'ulb'al, xoohaak'e b'an chi wank chi ach'ab'anb'il),

Li Santil hu

¹³ Li raylal li xkacꞌul, aꞌan xban li kama̱usilal ut xban li kama̱c. Abanan la̱at incꞌaꞌ xoa̱qꞌue chixtojbal rix li kama̱c joꞌ kacꞌulub raj xcꞌulbal. Xacuy ban li kama̱c ut incꞌaꞌ xasach ku chi junaj cua.

Esdras 9:13 ပူးပေါင်းရင်းမြစ်များ

Salmos 103:10

Ink'a' naxb'aanu qe jo' qak'ulub' xb'aan li qamaak, chi moko nokooxq'ajkamu jo' chanru li qab'aanuhom.

Lamentaciones 3:22

ninnaw naq li xrahom li Qaawa' maak'a' roso'jik, ut li ruxtaan ink'a' nalajk.

Li xHu LAJ JOB 11:6

Tixk'ut raj chawu li choxahil na'leb', chixjunil li tz'aptz'ookil na'leb' li jwal ch'a'aj xtawb'al ru. Chi jo'kan taanaw raj naq li Yos ink'a' xk'e naab'al rahilal sa' aab'een, jo' aak'ulub' xk'ulb'al.

Gálatas 3:4

Maak'a' aj e naq xek'ul chixjunil a'an! Ab'anan moko yaal ta naq maak'a' aj e.

Habacuc 3:2

At Qaawa', xwab'i laawesil nayeemank, ut xwil xnimal laak'anjel xlajaab'aanu: k'ajo' naq ninloq'oni aawu! At Qaawa', b'aanu wi' chik sa' qayanq, k'e chi nawe'k laab'aanuhom anaqwan. Us ta yo aajosq'il sa' qab'een, jultikaq aawe laanimal aawuxtaan.

Nehemías 9:32

“Jo'kan utan, at Qaawa', at qaYos nim aawankil ut xiwajel aawu, li junelik nakapaab' li sumwank ut laarahom, k'e reetal chixjunileb' li rahilal ke'chalk sa' qab'een, sa' xb'eeneb' li qa'awab'ej ut eb' laj k'amol qab'e, eb' laj tij ut eb' li propeet, sa' xb'eeneb' li qana' qayuwa' ut chixjunil li qatenamit, chalen sa'eb' li kutan naq ke'wank li awab'ej re Asiria toj anaqwan.

Nehemías 13:18

Ma ink'a' tab'i' jo'kan ke'xb'aanu leena' leeyuwa'? Ma maawa' tab'i' xmaak a'an naq li qaYos xk'e chaq chixjunileb' li rahilal a'in sa' qab'een ut sa' xb'een li tenamit a'in? Ma toj teeraj ajwi' xchiq'b'al xjosq'il li Yos sa' xb'eeneb' laj Israel rik'in xmuxb'al li sábado?”.