Esdras 8:22 - Q'eqchi Bible

²² Xb'aan naq kinxutaanak xpatz'b'aleb' aj puub' re li awab'ej, xkomoneb' li neke'xik chi oqej malaj chirix kawaay, re qakolb'al chiruheb' li xik' neke'ilok qe sa' li qab'eenik, xb'aan naq ak qayehom re li awab'ej chi jo'ka'in: “Li qaYos wank rik'in chixjunileb' li neke'sik'ok re; ab'anan li xwankilal ut li xjosq'il wank sa' xb'eeneb' li neke'tz'eqtaanank re”, chanko.

Li Santil hu

²² Quinxuta̱nac xtzꞌa̱manquil chiru li rey nak tixtaklaheb lix soldado ut lix carruaje chikacolbal chiruheb li xicꞌ nequeꞌiloc ke nak yo̱ko chi xic. Ac xinye re li rey chi joꞌcaꞌin: —Li Ka̱cuaꞌ li kaDios cuan riqꞌuineb li ani nequeꞌqꞌuehoc xlokꞌal ut aꞌan ta̱tenkꞌa̱nk reheb. Abanan najoskꞌoꞌ saꞌ xbe̱neb li ani natzꞌekta̱nan re, chanquin.

Esdras 8:22 ပူးပေါင်းရင်းမြစ်များ

1 Pedro 3:12

Xb'aan naq li Qaawa' sa narileb' li tiikeb' xch'ool, ut narab'iheb' naq neke'tijok; ab'anan xik' narileb' li neke'b'aanunk re li maa'usilal”.

2 Crónicas 16:9

Xb'aan naq li Qaawa' naxb'eeni chixjunil li ruuchich'och' re xkawub'resinkil xch'ooleb' li yo'ooneb' rik'in. Aamemil xab'aanu wi' a'in. Jo'kan naq chalen anaqwan junelik wanqat sa' raaxiik'”.

Lamentaciones 3:25

Chaab'il li Qaawa' rik'ineb' li neke'yo'onink rik'in; A'an chaab'il rik'ineb' li neke'sik'ok re.

2 Crónicas 15:2

li ki'elk chi xk'ulb'al laj Asá ut kixye re: “Ab'ihomaqin, a Asá ut chejunilex laa'ex aj Judá ut aj Benjamín! Li Qaawa' taawanq eerik'in wi laa'ex wanqex rik'in. Wi nekesik' li Yos, A'an tixk'e rib' chi tawe'k; ab'anan wi' neketz'eqtaana, texxtz'eqtaana ajwi' A'an.

Salmos 34:22

Ab'an li ink'a' useb' xna'leb', a' li maa'usilal taakamsinq reheb'; eb' li neke'tz'eqtaanank re li tiik xch'ool te'k'ehe'q xtojb'al rix li xmaakeb'.

Romanos 8:28

Naqanaw ajwi' naq li Yos na'okenk re naq chixjunil taakanaaq cho'q usilal cho'q reheb' li neke'rahok re, a' li b'oqb'ileb' jo' chanru rajom li xch'ool.

1 Crónicas 28:9

Ut laa'at Salomón, at walal, chanaw ru li xYos laayuwa' ut tatk'anjelaq chiru chi chaab'il ut chi anchal aach'ool, xb'aan naq li Qaawa' nalajxtz'ili li xch'ool chixjunileb' ut ch'olch'o chiru li xk'a'uxl ut xna'leb' li junjunq. Wi laa'at taasik' li Yos, a'an tixk'ut rib' chawu; ab'an wi taatz'eqtaana, a'an tatxtz'eqtaana ajwi' laa'at chi junajwa.

Hebreos 10:38

Li tiik xch'ool chiwu taawanq xyu'am xb'aan li xpaab'aal; a'ut wi tixkanab' inpaab'ankil, ink'a' taasaho'q inch'ool rik'in”, chan li Yos.

Esdras 7:6

Laj Esdras a'an jun li winq tzolb'il chi us sa' li Chaq'rab' li kik'ehe'k re laj Moisés xb'aan li Qaawa', xYos laj Israel. Li ruq' li Qaawa' li xYos wank sa' xb'een; jo'kan naq chixjunil li k'aru naxpatz', nak'ehe'k re xb'aan li awab'ej. Laj Esdras ki'elk Babilonia ut koho Jerusalén.

Esdras 7:28

Rik'in xnimal ruxtaan xinrusila chiru li awab'ej, chiruheb' laj k'ehol xna'leb' ut eb' li ninqeb' xwankil, ut kixk'e xkawub' inch'ool, xb'aan naq rik'in xtenq'aal li Qaawa' linYos xinch'utub'eb' laj k'amol xb'eheb' laj Israel re naq te'xik Jerusalén wochb'een”.

Josué 23:16

“Wi teeq'et li Sumwank li kixb'aanu li Qaawa' leeYos eerik'in, wi teeloq'oni ruheb' li jalanil yos ut teehupub' eerib' chiruheb', li xjosq'il li Qaawa' taachalq sa' eeb'een ut tex'oso'q sa' junpaat sa' li xchaq'alil ru ch'och' a'in li xk'ehom eere li Qaawa'”.

Esdras 7:9

Kixxaqab' xkutankil li relik aran Babilonia sa' li xb'een kutan re li xb'een po, ut kiwulak Jerusalén sa' li xb'een kutan re li ro' po. Relik chi yaal naq li ruq' li Yos wank sa' xb'een.

2 Corintios 7:14

Ut wi wank k'aru xinnima wi' wu eeb'aan laa'ex chiru laj Tito, ink'a' xinkanaak sa' xutaan. Jo' naq yaal chixjunil li xqaye eere, jo'kan ajwi' tz'aqal yaal chixjunil li xqaye re laj Tito: naq laa'ex li xk'ojob'ankil qach'ool.

1 Corintios 9:15

Ab'anan laa'in maajun reheb' li na'leb' a'in xwoksi sa' eeyanq. Ut ink'a' nintz'iib'a a'in re naq jo'kan ta chi'uxq we. Jwal us tinkamq chiru naq tinb'aanu a'an. Maa'ani taamaq'oq chiwu li xnimankil wib' sa' xk'ab'a' a'in!

Salmos 90:11

Ani tawi' nanawok xkawilal laajosq'il re naq taaxiwaq chiru xnimal laak'a?

Josué 22:16

“A'in xyehom chixjunil li xkomonil li Qaawa': K'a' chi maakil a'in li xeb'aanu chiru li xYos laj Israel? K'a'ut naq xeq'etq'eti eerib' chiru li Qaawa' anaqwan? Laa'ex xeyiib' jun li artal, ut chi jo'kan xexnajto'k rik'in li Qaawa'.

Esdras 8:31

Sa' li kab'laju xb'e li xb'een po koo'elk aran wan wi' li nima' Ahabá ut kooho Jerusalén. Li ruq' li qaYos wank sa' qab'een ut koxkol sa' li b'e chiruheb' laj elq' ut eb' li xik' neke'ilok qe.

Nehemías 2:9

Naq kinwulak junpak'al li nima' Éwfrates, kinq'axtesi li hu kixtz'iib'a li awab'ej reheb' li neke'taqlank aran. Wankeb' xjolomileb' aj puub' ut xkomoneb' li neke'b'eek chirix kawaay ke'taqlaak xb'aan li awab'ej chink'aak'alenkil.

Salmos 20:8

Wankeb' li kaweb' xch'ool rik'ineb' li xb'eleb'aal ch'iich', wankeb' chik rik'ineb' li xkawaay; a'ut laa'o k'ojk'o li qach'ool rik'in li Qaawa' li qaYos.