Esdras 8:21 - Q'eqchi Bible

²¹ Aran chire li nima' Ahabá kinxaqab' jun li ayuun re xkub'sinkil qib' chiru li qaYos jo' ajwi' re xpatz'b'al naq maak'a' tqak'ul sa' li qab'eenik laa'o, eb' li qalal qak'ajol ut li k'aru wank qe.

Li Santil hu

²¹ Aran chire li nimaꞌ Ahava, la̱in quinye reheb nak to-ayuni̱k ut takacubsi kib chiru li Ka̱cuaꞌ. Takatzꞌa̱ma chiru nak aꞌan ta̱tenkꞌa̱nk ke ut ta̱ilok ke re nak ma̱cꞌaꞌ takacꞌul la̱o, chi moco li kacocꞌal chi moco li cꞌaꞌru cuan ke nak yo̱ko chi xic.

Esdras 8:21 ပူးပေါင်းရင်းမြစ်များ

2 Crónicas 20:3

K'ajo' naq kichalk xxiw laj Josafat: kiraj xik chi patz'ok rik'in li Qaawa' ut kixtaqla resil li ayuunik sa' xsutam Judá.

Joel 1:14

Ch'utub'omaq li tenamit ut yehomaq resil li ayuunik. Ch'utub'omaqeb' li cheekel winq ut chixjunileb' li poyanam sa' rochoch li Qaawa' leeYos, ut chextijoq chex'elajinq chiru li Qaawa'.

Isaías 30:21

ut rik'in leexik teerab'i naq yooq chi aatinak chaq cherix: “A'an a'in li b'e; ayuqex aran, a' yaal ma sa' leenim malaj sa' leetz'e uq'”, cha'aq.

1 Samuel 7:6

Ke'xch'utub' rib'eb' laj Israel aran Mispá, ke'risi xha'eb' sa'atqeb' li kumb' ut ke'xhoy chiru li Qaawa' cho'q xmayejeb'. Ke'ayuunik chiru li kutan a'an ut ke'xye: “Xoomaakob'k chiru li Qaawa'”. Aran Mispá laj Samuel kikanaak cho'q aj k'amol xb'eheb' laj Israel.

Jonás 3:5

Eb' laj Nínive ke'xpaab' raatin li Yos: ke'xkanab' wa'ak ut ke'xk'e q'es ruhil t'ikr chirixeb', reetalil li rahil ch'oolejil. Chixjunileb', li ninqeb' ut li maak'a'eb' xwankil, ink'a' ke'xyal wa'ak chiru li kutan a'an.

Levítico 16:29

“A'an a'in jun chaq'rab' xaqxooq xwankil chi junelik cho'q eere: sa' xlaje xb'e li xwuq li po, tento naq teeb'aanu ee'ayuun; maajun li k'anjel teeb'aanu, jo'keb' laj Israel, jo'keb' ajwi' laj ab'l tenamit li wankeb' sa' eeyanq,

Levítico 23:29

Yalaq ani ink'a' taa'ayuuniq sa' li kutan a'an, taa'isiiq sa' xyanqeb' li rech tenamitul.

Hechos 2:39

Xb'aan naq eere li yeechi'inb'il xb'aan li Yos, reheb' ajwi' leeralal eek'ajol ut reheb' chixjunil li wankeb' chi najt, jo'k'ihaleb' tixb'oqeb' li Qaawa' li qaYos.

Isaías 42:16

Tink'ameb' li mutz' sa' junaq b'e ink'a' numenaqeb' chisa', ut tinb'eresiheb' sa' junaq na'ajej b'arwi' toj maji' wanjenaqeb'. Chiruheb' a'an tinsutq'isi li aak'ab' cho'q saqenk, ut eb' li julux b'e te'kanaaq chi nat'anb'ak ru. Chixjunil li k'a'aq re ru a'in tinb'aanu; relik chi yaal naq tinb'aanu chi junpaat”, chan li Qaawa'.

Salmos 5:8

Ab'anan laa'in, xb'aan xnimal laawusilal, tin'ok sa' laawochoch, tatwoxloq'i ut tinwiq'ib' wib' sa' laaloq'laj muheb'aal.

Esdras 8:15

Laa'in laj Esdras kinch'utub'eb' chixjunil a'in chire li nima' li naxik Ahabá. Oxib' kutan koohilank aran. Ut naq kiwajla eb' li poyanam ut eb' laj tij, kink'e reetal naq maajun aj Leví wank sa' xyanqeb'.

Jeremías 10:23

At Qaawa', ninnaw naq li winq moko a'an ta yaal re sa' xb'een li xyu'am, chi moko sa' ruq' wank li xb'eenik.

Isaías 58:5

Ma a'in tab'i' li ayuunik nawaj laa'in sa' li kutan naq li winq naxkub'si li xwankil? Nekexulub' leejolom kama' naxulq'iik li b'ayal, ut nekexwark chiru pop ut cha. Ma a'an nekeye «ayuunik» re, ut «kutan li nawulak chiru li Qaawa'»?

Isaías 58:3

Ut neke'xye we: «K'a' aj e naq nokoo'ayuunik? Chi moko yookat rilb'al. Maak'a' na'ok wi' naq naqakub'si qawankil, wi ink'a' nakak'e sa' laach'ool», chankeb'. K'ehomaq reetal: naq nekex'ayuunik, laa'ex nekeb'aanu li k'aru nekeraj ut nekerahob'tesi chixjunileb' laj to' k'anjel.

Isaías 49:10

“Ink'a' te'tz'okaaq chi moko te'chaqiq re; ink'a' te'k'ate'q xb'aan li tiqwal iq' chi moko xb'aan xtiqwal li saq'e. Xb'aan naq Li na'uxtaanank ruheb' tixk'am xb'eheb' toj wan wi' li yu'amha'.

Proverbios 3:6

Sa' chixjunil li k'aru taab'aanu wanq sa' aach'ool li Qaawa' Yos, ut A'an tixtiikob'resi laab'e.

Jueces 20:26

Toja' naq chixjunileb' laj Israel ut chixjunileb' laj puub' ke'taqe'k wi' chik Betel, ke'yaab'ak chaq ut aran ke'kanaak chiru li Qaawa'. Jun kutan ke'xkuy xsa'eb' toj reetal ki'ewuuk; ke'mayejak re xk'amb'al wi' chik rib' sa' usilal rik'in li Qaawa' ut ke'xyeechi'i ajwi' k'atb'il mayej.

Levítico 16:31

A'an a'in jun chaq'rab' xaqxooq xwankil chi junelik: a'anaq hilob'aal kutan cho'q eere, q'axtesinb'ilaq re li ayuun.

Isaías 35:8

Ut taawanq jun nimb'e li tixk'ab'a'in: “Loq'laj B'e”. Ink'a' te'nume'q aran li ink'a' neke'xpaab' li Qaawa', chi moko eb' li maak'a' xna'leb' te'xb'eeni rib' chisa'.

Salmos 8:2

At Qaawa', aj Eechalat qe, k'ajo' xnimal laaloq'al sa' chixjunil li ruuchich'och'! Toj sa' xb'een li choxa terq'usinb'il laanimajwal wankilal!

Esdras 8:31

Sa' li kab'laju xb'e li xb'een po koo'elk aran wan wi' li nima' Ahabá ut kooho Jerusalén. Li ruq' li qaYos wank sa' qab'een ut koxkol sa' li b'e chiruheb' laj elq' ut eb' li xik' neke'ilok qe.

Números 14:31

A'ut eb' leeralal eek'ajol, li keye naq te'kamsiiq xb'aaneb' li xik' neke'ilok eere, twoksiheb' aran ut te'xyal xsahil li ch'och' li xetz'eqtaana laa'ex.

Números 14:3

K'a'ut naq li Qaawa' xooxk'am chaq sa' li na'ajej a'in? Ma yal re naq tookamq chiru q'esnal ch'iich'? Ma yal re naq eb' li qixqilal ut eb' li qalal qak'ajol te'k'anjelaq chiruheb' li xik' neke'ilok qe? Ma ink'a' raj us naq toosutq'iiq wi' chik Ejiipt?”, chankeb'.

Jonás 3:7

Chi junpaat li awab'ej, rochb'eeneb' li neke'k'anjelak chiru, ke'xk'e chi nawe'k li chaq'rab' a'in sa' li tenamit Nínive naq maajun taawa'aq; ink'a' ajwi' te'k'eemanq xwa ut ruk'a'eb' li ketomq:

2 Crónicas 20:4

Ut chixjunileb' laj Judá ke'xch'utub' rib' chi tz'aamank chi elajink chiru li Qaawa'.

Nehemías 9:1

Sa' li kaahib' xka'k'aal xb'e li po a'an ke'xch'utub' rib'eb' laj Israel re ayuunik chi tiqtookeb' rik'in q'es ruhil t'ikr ut wank pojtz' sa' xjolomeb'.

Ester 4:16

“Ayu ut ch'utub'eb' chixjunileb' laj Judiiy li wankeb' sa' li tenamit Susa ut ayuuninqex chiwix. Ink'a' texwa'aq chi moko tex'uk'aq chiru oxib' kutan ut oxib' q'oqyink. Jo'kan ajwi' tinb'aanu laa'in wochb'eeneb' li ixq aj k'anjeleb' chiwu. Chirix chik a'an, us ta ink'a' naxye sa' li chaq'rab', laa'in tinwulaq rik'in li awab'ej. Ut wi tine'xkamsi, kamqin”.

Salmos 5:9

At Qaawa', chinaab'eres rik'in xtiikilal laach'ool, xb'aan naq wankeb' li xik' neke'ilok we; chatuqub' ru linb'e chiwu.

Salmos 137:1

Chireheb' li nima' aran Babilonia xoochunlaak ut xooyaab'ak chi xk'oxlankil li tenamit Sión,

Jeremías 42:3

Tijon chiqix chiru li Qaawa' laaYos, re naq tixk'ut chiqu li b'e tooxik wi' ut k'aru tqab'aanu”, chankeb'.

Daniel 9:3

Kintijok chiru li Qaawa', kintz'aamank ut kin'elajink rik'in ayuunik ut xb'atb'al wib' sa' q'es ruhil t'ikr, ut kink'ojob' wib' sa' cha.