Esdras 8:1 - Q'eqchi Bible

¹ A'aneb' a'in li xjolomileb' junqkab'al, a' yaal chanru li xyo'lajikeb', li ke'sutq'iik wi' chik Jerusalén wochb'eeneb' naq wank chi awab'ejil laj Artajerjes.

Li Santil hu

¹ Laj Esdras quixye: —Aꞌan aꞌin lix cꞌabaꞌeb li queꞌjolomin reheb li junju̱nk cabal ut li tzꞌi̱banbileb xcꞌabaꞌ. Aꞌaneb li queꞌel Babilonia cuochben la̱in saꞌ eb li cutan nak laj Artajerjes cuan chokꞌ rey.

Esdras 8:1 ပူးပေါင်းရင်းမြစ်များ

Esdras 7:7

Ut naab'aleb' laj Israel koheb' Jerusalén rochb'een, sa' li xwuq chihab' rokik chi awab'ejil laj Artajerjes. Wankeb' aj tij, aj Leví, aj b'ichanel, aj k'aak'alenel okeb'aal ut aj k'anjel sa' rochoch li Yos.

Esdras 7:13

“A'an a'in linchaq'rab': jo'k'ihaleb' laj Israel li wankeb' rub'el linwankil, chixjunileb' laj tij ut laj Leví li te'raj sutq'iik Jerusalén, naru te'xik chawix, a Esdras,

Esdras 2:62

Eb' a'in ke'xtz'ili rix sa' xhuhil li xyo'lajikeb', ab'an ink'a' ke'tawe'k xk'ab'a'. Jo'kan naq ink'a' ke'ruuk ok cho'q aj tij.

Esdras 1:5

Toja' naq li xjolomileb' li junqkab'al aj Judá ut aj Benjamín, eb' laj tij, eb' laj Leví ut jo'k'ihaleb' ke'toch'e'k xch'ool xb'aan li Yos, ke'xchap xb'eheb' re xik Jerusalén chi xkab'lankil li rochoch li Qaawa'.

2 Crónicas 26:12

Lajeek'aal xwuq o'q'ob' (2,600) li xk'ihaleb' li xjolomileb' li junqkab'al, li jwal kaweb' rib' chi yalok.

1 Crónicas 26:32

Eb' li rech'alal laj Jerías junes winqeb' kaw xch'ooleb'. Li xk'ihaleb', a'an o'lajuk'aal xwuq o'q'ob' (2,700) chi aj jolominel junkab'al. Li awab'ej David kixxaqab'eb' a'an re naq te'ril eb' laj Rubén, eb' laj Gad jo'wi' li xyiijachil xteepal laj Manasés, sa' chixjunil li k'a'aq re ru na'ajmank ru rik'in li Yos ut cho'q re li awab'ej.

1 Crónicas 24:31

Eb' a'in ajwi' ke'jek'iik li xk'anjeleb' chi b'uulinb'il, jo'eb' li rech'alal, a'eb' li ralal xk'ajol laj Aharón. Juntaq'eet ke'xk'ul li xjunkab'al eb' li asb'ej rik'in li ke'xk'ul li xjunkab'al eb' li iitz'inb'ej. Ke'b'uuliik rixeb' chiru laj David li awab'ej, chiru laj Sadok, laj Ajimélek ut li xjolomileb' junkab'al reheb' laj tij ut eb' laj Leví.

1 Crónicas 9:34

A'aneb' a'in laj jolominel junkab'al sa' xyanqeb' laj Leví, a' yaal chanru li ralal xk'ajoleb'. A'aneb' laj k'amol b'e li ke'wank chaq Jerusalén.

1 Crónicas 9:1

Chixjunileb' laj Israel tz'iib'anb'il xk'ab'a'eb' sa' xHuheb' li awab'ej re Israel. Ab'an eb' laj Judá ke'k'ame'k aran Babilonia xb'aan li xmaa'usilaleb'.

1 Crónicas 4:33

ut chixjunileb' li kok' k'aleb'aal wankeb' sa' xsutam eb' li tenamit a'in, toj sa' li na'ajej Bahalat. A'aneb' a'in li na'ajej ke'wank wi' jo'wi' li xk'ab'a'eb' li ralal xk'ajol.

Esdras 7:28

Rik'in xnimal ruxtaan xinrusila chiru li awab'ej, chiruheb' laj k'ehol xna'leb' ut eb' li ninqeb' xwankil, ut kixk'e xkawub' inch'ool, xb'aan naq rik'in xtenq'aal li Qaawa' linYos xinch'utub'eb' laj k'amol xb'eheb' laj Israel re naq te'xik Jerusalén wochb'een”.

Esdras 8:2

Sa' xyanqeb' li ralal laj Pinjás: laj Kersón; sa' xyanqeb' li ralal laj Itamar: laj Daniel; sa' xyanqeb' li ralal laj David: laj Jatús,

Esdras 2:2

Ke'sutq'iik chaq rochb'een laj Sorobabel, laj Josué, laj Nehemías, laj Seraías, laj Rehelaías, laj Najamaní, laj Mardokeo, laj Bilsán, laj Mispar, laj Bikbay, laj Rejún ut laj Bahaná.

Esdras 2:3

Li xk'ihaleb' laj Parós, a'an kab'laju xb'eleek'aal xwaq o'q'ob' (2,172) chi winq;

Esdras 7:6

Laj Esdras a'an jun li winq tzolb'il chi us sa' li Chaq'rab' li kik'ehe'k re laj Moisés xb'aan li Qaawa', xYos laj Israel. Li ruq' li Qaawa' li xYos wank sa' xb'een; jo'kan naq chixjunil li k'aru naxpatz', nak'ehe'k re xb'aan li awab'ej. Laj Esdras ki'elk Babilonia ut koho Jerusalén.