Esdras 7:7 - Q'eqchi Bible

⁷ Ut naab'aleb' laj Israel koheb' Jerusalén rochb'een, sa' li xwuq chihab' rokik chi awab'ejil laj Artajerjes. Wankeb' aj tij, aj Leví, aj b'ichanel, aj k'aak'alenel okeb'aal ut aj k'anjel sa' rochoch li Yos.

Li Santil hu

⁷ Ut nabaleb laj Israel queꞌco̱eb Jerusalén rochben nak ac yo̱ chic xcuuk chihab roquic chokꞌ rey laj Artajerjes. Saꞌ xya̱nkeb li queꞌsukꞌi cuanqueb laj tij, cuanqueb laj levita, cuanqueb laj bichanel, cuanqueb li nequeꞌcꞌacꞌalen saꞌ li oqueba̱l re li templo, ut cuanqueb ajcuiꞌ li nequeꞌcꞌanjelac saꞌ li templo.

Esdras 7:7 ပူးပေါင်းရင်းမြစ်များ

Nehemías 10:28

Eb' li junch'ol chik chi poyanam, a'eb' laj tij ut eb' laj Leví, eb' li neke'k'aak'alenk re li okeb'aal, eb' laj b'ichanel, eb' laj k'anjel sa' rochoch li Yos, jo'keb' ajwi' chixjunileb' li ke'risi rib' sa' xyanqeb' laj ab'l tenamit re xpaab'ankil xChaq'rab' li Yos, rochb'eeneb' li rixaqileb', li ralal xk'ajoleb' ut chixjunileb' li ak neke'xnaw k'oxlak,

Nehemías 2:1

Sa' li po Nisán naq ak junmay chihab' rokik chi awab'ejil laj Artajerjes, kinchap li b'iin ut kink'e re li awab'ej li wank sa' meex. Laa'in maajun sut kinwulak rik'in chi ra sa' linch'ool;

Esdras 7:24

Naqak'e ajwi' chenaw naq ink'a' naru teepatz' toj, kub'siil chi moko xtojb'al li xnumikeb' laj tij, laj Leví, laj b'ichanel, laj k'aak'alenel okeb'aal, laj k'anjel sa' rochoch li Yos chi moko reheb' li neke'k'anjelak aran. Ink'a' teepatz' reheb'.

Esdras 6:14

Jo'kan naq eb' laj k'amol xb'eheb' laj Judiiy ke'ok wi' chik chi kab'lak ut us ki'elk li xk'anjeleb', jo' chanru xyehom li propeet Hageo ut laj Sakarías, ralal laj Idó. Ut ke'xchoy li kab'lak jo' chanru kixtaqla li xYos laj Israel jo' ajwi' laj Siro ut laj Darío.

Esdras 7:8

Laj Esdras kiwulak Jerusalén sa' li ro' po, sa' li xwuq chihab' rokik chi awab'ejil laj Artajerjes.

Nehemías 12:1

A'aneb' a'in laj tij ut eb' laj Leví li ke'sutq'iik chaq Jerusalén rochb'een laj Sorobabel, ralal laj Sehaltiel, ut laj Josué: A'aneb' a'in laj tij: laj Seraías, laj Jeremías, laj Esdras,

Nehemías 1:1

A'an a'in li aatin kixtz'iib'a laj Nehemías, ralal laj Jakalías. Naq junmay chihab' rokik chi awab'ejil laj Artajerjes, sa' li po Kislew, wankin sa' li tenamit Susa