Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Esdras 7:6 - Q'eqchi Bible

6 Laj Esdras a'an jun li winq tzolb'il chi us sa' li Chaq'rab' li kik'ehe'k re laj Moisés xb'aan li Qaawa', xYos laj Israel. Li ruq' li Qaawa' li xYos wank sa' xb'een; jo'kan naq chixjunil li k'aru naxpatz', nak'ehe'k re xb'aan li awab'ej. Laj Esdras ki'elk Babilonia ut koho Jerusalén.

အခန်းကိုကြည့်ပါ။ ကော်ပီ

Li Santil hu

6 Laj Esdras aꞌan tzolbil chi us riqꞌuin li chakꞌrab li quiqꞌueheꞌ re laj Moisés xban li Ka̱cuaꞌ lix Dioseb laj Israel. Ut xban nak li Ka̱cuaꞌ quitenkꞌan re laj Esdras, chixjunil li cꞌaꞌru quixtzꞌa̱ma chiru li rey, quiqꞌueheꞌ re. Laj Esdras qui-el Babilonia ut co̱ Jerusalén.

အခန်းကိုကြည့်ပါ။ ကော်ပီ




Esdras 7:6
40 ပူးပေါင်းရင်းမြစ်များ  

Xb'aan naq kinxutaanak xpatz'b'aleb' aj puub' re li awab'ej, xkomoneb' li neke'xik chi oqej malaj chirix kawaay, re qakolb'al chiruheb' li xik' neke'ilok qe sa' li qab'eenik, xb'aan naq ak qayehom re li awab'ej chi jo'ka'in: “Li qaYos wank rik'in chixjunileb' li neke'sik'ok re; ab'anan li xwankilal ut li xjosq'il wank sa' xb'eeneb' li neke'tz'eqtaanank re”, chanko.


Rik'in xnimal ruxtaan xinrusila chiru li awab'ej, chiruheb' laj k'ehol xna'leb' ut eb' li ninqeb' xwankil, ut kixk'e xkawub' inch'ool, xb'aan naq rik'in xtenq'aal li Qaawa' linYos xinch'utub'eb' laj k'amol xb'eheb' laj Israel re naq te'xik Jerusalén wochb'een”.


Sa' li kab'laju xb'e li xb'een po koo'elk aran wan wi' li nima' Ahabá ut kooho Jerusalén. Li ruq' li qaYos wank sa' qab'een ut koxkol sa' li b'e chiruheb' laj elq' ut eb' li xik' neke'ilok qe.


ut k'utumaq chiruheb' xpaab'ankil chixjunil li xexintaqla wi'. Chenawaq naq laa'in wanqin eerik'in chixjunil li kutan toj sa' roso'jik li ruuchich'och'.


Ut kinseeraq'i reheb' chanru naq li Yos kinxtenq'a rik'in xnimal rusilal; kinye ajwi' chixjunil li k'aru xyehom we li awab'ej. “Wakliiqo ut okaqo chi k'anjelak!”, chankeb' a'an. Ut ke'ok chi k'anjelak chi chaab'il.


Jo'wi' anchal tz'iib'a junaq hu cho'q re laj Asaf, laj k'aak'alehom reheb' li k'iche' re li awab'ej, re naq tixk'e inche' tinyiib' wi' rokeb'aal li kawub'resinb'il na'ajej chi xk'atq li Loq'laj Ochoch, jo' ajwi' li xsuttz'akil li tenamit ut li ochoch tinhilanq wi'”. Li awab'ej kixk'e we chixjunil li kintz'aama, xb'aan naq li rusilal linYos wank wik'in.


B'anyox re li Yos, xb'aan xnimal xrahom li Qaawa' ke'xk'am chaq qe jun li winq chaab'il xna'leb', aj Serebías xk'ab'a', ralal laj Majlí, ralal laj Leví, ralal laj Israel. Ke'chalk rochb'een eb' li ralal ut eb' li ras riitz'in: waqxaqlajuheb' chi winq.


Laa'in, li awab'ej Artajerjes, nink'e li chaq'rab' a'in reheb' chixjunileb' laj k'uulanel tumin li wankeb' junpak'al li nima' Éwfrates: Jo'ch'inal jo'nimal tixpatz' eere laj Esdras, aj tij ut aj k'utul re li xChaq'rab' li xYos li choxa, teek'e re chi junpaat,


Kixxaqab' xkutankil li relik aran Babilonia sa' li xb'een kutan re li xb'een po, ut kiwulak Jerusalén sa' li xb'een kutan re li ro' po. Relik chi yaal naq li ruq' li Yos wank sa' xb'een.


Sa' chixjunil li k'aru taab'aanu wanq sa' aach'ool li Qaawa' Yos, ut A'an tixtiikob'resi laab'e.


“Wi relik chi yaal naq laa'at taapaab' xyaab' xkux li Qaawa' laaYos ut taak'anjela ru chi chaab'il chixjunil li chaq'rab' ok we chi xyeeb'al aawe sa' li kutan a'in, li Qaawa' laaYos tixterq'usi laawankil sa' xb'een chixjunileb' li tenamit li wankeb' sa' ruuchich'och',


Chek'e reetal: jo' chanru li Qaawa' linYos xye we, jo'kan ajwi' laa'in tink'ut cheru li chaq'rab' tento teepaab' sa' li na'ajej ok eere chi reechaninkil.


Ex was wiitz'in, ninjultika eere li Chaab'il Esilal xinpuktesi cheru, li xek'ulub'a ut kaw wi' leech'ool.


B'ar wank li wank xna'leb'? B'ar wank laj tzolonel? B'ar wank li naxnaw aatinak chirix xna'leb' li ruuchich'och' a'in? Ma ink'a' tab'i' li Yos xmemob'resi xna'leb' li ruuchich'och'?


Ut a'an kixye reheb': —Jo'kan naq chixjunil laj tz'iib' li x'ok cho'q xtzolom li xnimajwal wankilal li choxa chanchan jun li winq aj eechal kab'l li narisi chaq sa' li xk'uuleb'aal li k'aru ak' ut li k'aru q'eel.


Ink'a' teek'oxla naq li Qaawa' maak'a' chik xwankil chekolb'al, chi moko tz'aptz'o ta li xxik cherab'inkil.


K'a'ut naq maajun xintaw naq xink'ulunk chekolb'al? K'a'ut naq ink'a' xineesume naq xexinb'oq? Malaj ut xek'oxla naq ink'a' tinruuq eekolb'al ut maak'a' inwankil re eerisinkil sa' li rahilal? Yal rik'in jun chi aatin ninye, nachaqik li palaw, ut eb' li roq nima' joxk' neke'kanaak; eb' li kar neke'kamk xb'aan li chaqi'eel ut neke'q'aak xb'aan xmajelal li ha'.


Re li xjolomileb' laj b'ichanel. Taab'ichamanq jo' chanru li xyaab': “Eb' li liryo”. Xb'icheb' li ralal xk'ajol laj Koré. B'ich re rahok ib'.


rochb'eeneb' li rech'alaleb': laj Semaías, laj Asarel, laj Milalay, laj Kilalay, laj Mahay, laj Natanael, laj Judá, laj Jananí, wank rik'ineb' li xwajb'eb' laj David, laj k'anjel chiru li Yos.


Sa' li kutan jun chik, chixjunileb' li xjolomileb' junqkab'al aj Israel, eb' laj tij ut eb' laj Leví ke'xch'utub' rib' rik'in laj Esdras laj tz'iib' re xtawb'al ru chi us chixjunil li naxye li Chaq'rab'.


Naq eb' li xik' neke'ilok qe ke'rab'i resil naq kawal wanko ut li Yos kixpo' ru li k'aru k'uub'anb'il xb'aaneb', ke'elk aran ut chiqajunilo kooho wi' chik chi xyiib'ankil li suttz'ak.


Chirix chik a'an kinwakliik chiru q'oqyink wochb'een wiib' oxib' chi winq, ab'an maajun reheb' kinye wi' li k'aru xyehom we li Yos tinb'aanu cho'q re Jerusalén; ut maajun xul kink'am chiwix, ka'ajwi' linkawaay.


Chiru wuqub' kutan ke'xninq'ehi li xKutankil li wa ink'a' yuub'il, chi sa sa' xch'ooleb', xb'aan naq li Qaawa' kixnujob'resiheb' rik'in sahil ch'oolej naq kixjal xk'a'uxl li awab'ej re Asiria re xtenq'ankileb' chi xyiib'ankil wi' chik li rochoch li Qaawa', li xYos laj Israel.


Ab'anan li Yos yo chi ilok reheb' laj k'amol xb'eheb' laj Judiiy, ut ink'a' kixaqliik li xk'anjeleb' re royb'eninkil naq taataqlaaq resil chixjunil a'an rik'in laj Darío ut taachalq xsumenkil li hu.


Chanru naq nekeye laa'ex: Wank qana'leb' ut qik'in wank li xchaq'rab' li Qaawa'? Ma ink'a' tab'i' xe'xjal ru linchaq'rab' eb' laj tz'iib' li junes b'alaq'il aatin neke'xye?


Eb' a'an ke'k'anjelak sa'eb' li kutan naq kiwank cho'q xb'eenil aj tij laj Johakín, ralal laj Josué, ralal laj Josadak, ut naq kiwank laj Nehemías cho'q aj taqlanel sa' xb'een li tenamit ut laj Esdras cho'q aj tij ut aj tz'iib'.


Toja' naq chixjunil li tenamit ke'ok chi yaab'ak naq ke'rab'i li aatin li wank sa' li Chaq'rab'. Ut laj Nehemías laj taqlanel sa' xb'een li tenamit, laj Esdras laj tij ut laj tz'iib', ut eb' laj Leví li yookeb' chi ch'olob'ank chiru chixjunileb' li tenamit, ke'xye: “Li kutan a'in jwal loq' ut q'axtesinb'il cho'q re li Qaawa' leeYos. Miraho'k leech'ool ut mexyaab'ak”, chankeb'.


Laj Esdras laj tz'iib' wank chi xaqxo sa' xb'een jun li na'ajej najt xteram, li ke'xyiib' rik'in che' cho'q re li k'anjel a'an. Chi xk'atq laj Esdras wankeb' sa' xnim: laj Matatías, laj Sema, laj Anaías, laj Urías, laj Jilkías ut laj Mahasías; ut sa' xtz'e wankeb': laj Pedaías, laj Misael, laj Malkías, laj Jasún, laj Jasbadaná, laj Sakarías ut laj Mesulán.


li winq kixye: “Chalen anaqwan ink'a' chik taak'ab'a'in aj Jakob, aj Israel b'an chik laak'ab'a'. Xb'aan naq xayal laametz'ew rik'in li Yos ut rik'ineb' li winq, ut xatq'axok u”.


ut kixye reheb': “Sa' li xk'ojarib'aal laj Moisés xe'k'ojlaak eb' laj tz'iib' ut eb' laj pariseey.


ralal laj Abisúa, ralal laj Pinjás, ralal laj Elehasar, ralal laj Aharón li xyuwa'il aj tij.


Sa' xwuq li po chixjunil li tenamit ke'xch'utub' rib' sa' junajil sa' li neb'aal li wank chire li Okeb'aal reheb' laj b'eelahom ha', ut ke'xye re laj Esdras laj tz'iib' naq tixk'am chaq xhuhil li xChaq'rab' laj Moisés li xk'ehom li Yos re te'xpaab' eb' laj Israel.


A'aneb' a'in li xjolomileb' junqkab'al, a' yaal chanru li xyo'lajikeb', li ke'sutq'iik wi' chik Jerusalén wochb'eeneb' naq wank chi awab'ejil laj Artajerjes.


“Moqon chik katkub'eek sa' xb'een li tzuul Sinaí ut toj sa' choxa kawaatinaheb' chaq. Tz'aqal re ru li xtaqlankileb' kak'e, tz'aqal yaal ut q'axal chaab'il laachaq'rab', laataqlahom ut laawaatin.


Ab'an junelik taxaq wanq laawuq' sa' xb'een li awab'ej wank chak'atq, sa' xb'een li ralal li winq li xakawub'resi cho'q aawe.


Che'xk'ehaq reetal naq arin wank laawuq', naq laa'at, at Qaawa', xatb'aanunk re a'in.


Naxpuktesi li raatin re laj Jakob, naxk'ut li xchaq'rab' ut li xtaqlahom chiru laj Israel.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ