Esdras 7:28 - Q'eqchi Bible

²⁸ Rik'in xnimal ruxtaan xinrusila chiru li awab'ej, chiruheb' laj k'ehol xna'leb' ut eb' li ninqeb' xwankil, ut kixk'e xkawub' inch'ool, xb'aan naq rik'in xtenq'aal li Qaawa' linYos xinch'utub'eb' laj k'amol xb'eheb' laj Israel re naq te'xik Jerusalén wochb'een”.

Li Santil hu

²⁸ Nimanbil taxak ru li Ka̱cuaꞌ li qui-osobtesin cue chiru li rey, joꞌ ajcuiꞌ chiruheb laj qꞌuehol naꞌleb ut chiruheb ajcuiꞌ chixjunileb li nequeꞌcꞌanjelac chiru li rey. Xban nak li Ka̱cuaꞌ cuan cuiqꞌuin ut quixqꞌue xcacuil inchꞌo̱l, la̱in quinsicꞌ ruheb li teꞌcꞌamok be chiruheb laj Israel re nak teꞌxic Jerusalén cuochben, chan laj Esdras.

Esdras 7:28 ပူးပေါင်းရင်းမြစ်များ

Esdras 9:9

Us ta xoowank chaq chi munil, ab'an li qaYos ink'a' xooxkanab' qajunes, xril b'an xtoq'ob'aal qu ut xoorusila chiruheb' li awab'ej re Persia; xk'e xkawub' qach'ool re xkab'lankil wi' chik li rochoch li qaYos ut xyiib'ankil chi us li k'aru xkanaak chi po'lemil. Wanko wi' chik rub'el xkupuhom arin Judá ut Jerusalén.

Nehemías 2:8

Jo'wi' anchal tz'iib'a junaq hu cho'q re laj Asaf, laj k'aak'alehom reheb' li k'iche' re li awab'ej, re naq tixk'e inche' tinyiib' wi' rokeb'aal li kawub'resinb'il na'ajej chi xk'atq li Loq'laj Ochoch, jo' ajwi' li xsuttz'akil li tenamit ut li ochoch tinhilanq wi'”. Li awab'ej kixk'e we chixjunil li kintz'aama, xb'aan naq li rusilal linYos wank wik'in.

Esdras 8:18

B'anyox re li Yos, xb'aan xnimal xrahom li Qaawa' ke'xk'am chaq qe jun li winq chaab'il xna'leb', aj Serebías xk'ab'a', ralal laj Majlí, ralal laj Leví, ralal laj Israel. Ke'chalk rochb'een eb' li ralal ut eb' li ras riitz'in: waqxaqlajuheb' chi winq.

Esdras 5:5

Ab'anan li Yos yo chi ilok reheb' laj k'amol xb'eheb' laj Judiiy, ut ink'a' kixaqliik li xk'anjeleb' re royb'eninkil naq taataqlaaq resil chixjunil a'an rik'in laj Darío ut taachalq xsumenkil li hu.

Génesis 32:28

li winq kixye: “Chalen anaqwan ink'a' chik taak'ab'a'in aj Jakob, aj Israel b'an chik laak'ab'a'. Xb'aan naq xayal laametz'ew rik'in li Yos ut rik'ineb' li winq, ut xatq'axok u”.

Jonás 3:7

Chi junpaat li awab'ej, rochb'eeneb' li neke'k'anjelak chiru, ke'xk'e chi nawe'k li chaq'rab' a'in sa' li tenamit Nínive naq maajun taawa'aq; ink'a' ajwi' te'k'eemanq xwa ut ruk'a'eb' li ketomq:

Nehemías 1:11

Nintz'aama chawu, at Qaawa', chawab'i taxaq lintz'aamahom ut li xtijeb' laj k'anjel chawu li neke'raj xnimankil laak'ab'a'. Chak'e taxaq naq us tin'elq ut usilal toxintaw rik'in li awab'ej”. Sa'eb' li kutan a'an laa'in aj k'ehol ruk'a' li awab'ej naq kinwank.

Esdras 7:14

xb'aan naq li awab'ej ut eb' li wuqub' aj k'ehol xna'leb' nakate'xtaqla chi rilb'al chanru wankeb' aran Judá ut Jerusalén, ma yookeb' xpaab'ankil li xChaq'rab' laaYos, li wank sa' laawuq' malaj ut ink'a'.

Esdras 7:9

Kixxaqab' xkutankil li relik aran Babilonia sa' li xb'een kutan re li xb'een po, ut kiwulak Jerusalén sa' li xb'een kutan re li ro' po. Relik chi yaal naq li ruq' li Yos wank sa' xb'een.

Esdras 7:6

Laj Esdras a'an jun li winq tzolb'il chi us sa' li Chaq'rab' li kik'ehe'k re laj Moisés xb'aan li Qaawa', xYos laj Israel. Li ruq' li Qaawa' li xYos wank sa' xb'een; jo'kan naq chixjunil li k'aru naxpatz', nak'ehe'k re xb'aan li awab'ej. Laj Esdras ki'elk Babilonia ut koho Jerusalén.

Génesis 43:14

A' taxaq li Nimajwal Yos chitenq'anq eere re naq usilal teetaw chiru li winq a'an: chirach'ab' taxaq leeriitz'in jun chik jo' ajwi' laj Benjamín. Ut laa'in k'a' ta ru tinye? Wi te'sachq chiwu eb' li walal, maak'a' xja'lenkil”, chan laj Jakob.

Esdras 8:1

A'aneb' a'in li xjolomileb' junqkab'al, a' yaal chanru li xyo'lajikeb', li ke'sutq'iik wi' chik Jerusalén wochb'eeneb' naq wank chi awab'ejil laj Artajerjes.

Salmos 109:12

Maajun ta chitoq'ob'anq ru, ut maa'ani ta chi'uxtaananq ruheb' li xneb'a'yox.

Esdras 8:15

Laa'in laj Esdras kinch'utub'eb' chixjunil a'in chire li nima' li naxik Ahabá. Oxib' kutan koohilank aran. Ut naq kiwajla eb' li poyanam ut eb' laj tij, kink'e reetal naq maajun aj Leví wank sa' xyanqeb'.