Esdras 7:26 - Q'eqchi Bible

²⁶ Jo'kan ajwi' yalaq ani ink'a' tixpaab' li xChaq'rab' laaYos ut li xtaqlahom li awab'ej, chiraqmanq aatin sa' xb'een chi junpaat: tento tixtoj rix li xmaak rik'in kamk, tumin, tz'alam malaj isiik sa' li tenamit wan wi'”.

Li Santil hu

²⁶ Ut li ani incꞌaꞌ tixba̱nu chi tzꞌakal li naxye saꞌ lix chakꞌrab li Ka̱cuaꞌ la̱ Dios, ut li chakꞌrab li xinqꞌue la̱in, chirakekꞌ a̱tin saꞌ xbe̱n li jun aꞌan chi junpa̱t. Ut chiqꞌuehekꞌ chixtojbal rix lix ma̱c. Ta̱camsi̱k, malaj ta̱isi̱k saꞌ li naꞌajej cuan cuiꞌ, malaj tixtoj rix lix ma̱c riqꞌuin tumin, malaj ut ta̱qꞌuehekꞌ saꞌ tzꞌalam, chan li rey.

Esdras 7:26 ပူးပေါင်းရင်းမြစ်များ

Esdras 6:11

“Wi wanq junaq taaq'etoq re li chaq'rab' a'in, chi'isiiq junaq xtz'amb'ahil li rochoch ut chiru ajwi' li che' a'an chikamsiiq li winq. Ut li ochoch taakanaaq chi po'lemil.

Daniel 6:26

A'an a'in li ninchaq'rab'i wi' chixjunileb' li tenamit wankeb' sa' lin'awab'ejihom: naq che'roxloq'i ut che'xpaab' li xYos laj Daniel, xb'aan naq A'an tz'aqal li yo'yookil Yos ut wank chi junelik. Li x'awab'ejihom maajun wa taajuk'manq ut li xwankilal maajoq'e taalajq taa'oso'q.

Salmos 52:5

Q'axal naxk'ul aawu li maa'usilal chiru li us, a' li tik'ti' nakara chiru li yaal;

2 Crónicas 30:12

Jo'kan ajwi' sa' xteepal Judá li Yos kixtoch' xch'ooleb' li tenamit re naq chi junaj ru xch'ooleb' te'xb'aanu li k'aru ke'xye li awab'ej ut li xjolomileb' li tenamit, jo' chanru xchaq'rab' li Qaawa'.

Esdras 6:12

Li Qaawa' Yos li kisik'ok re Jerusalén cho'q xmuheb'aal li xk'ab'a', chisachoq taxaq ruheb' chixjunileb' li awab'ej malaj ut li tenamit te'raj xq'etb'al li chaq'rab' a'in ut te'raj xjuk'b'al li rochoch li Yos aran Jerusalén. Laa'in laj Darío xink'e li chaq'rab' a'in. Chi'uxmanq chi tz'aqal re ru jo' xinye”.

Deuteronomio 27:26

«Tz'eqtaananb'ilaq li ani ink'a' tixpaab' li chaq'rab' a'in ut ink'a' tixk'anjela ru». Ut chixjunil li tenamit te'xye: «Jo'kan».

Esdras 10:4

Xaqlin, xb'aan naq sa' aab'een laa'at teneb'anb'il xb'aanunkil a'in; laa'o wanqo aawik'in chatenq'ankil. Kawaq aach'ool ut chayal aaq'e chi k'anjelak!”.

Esdras 10:8

Yalaq ani ink'a' taawulaq chiru oxib' kutan, taamaq'e'q chiru jo'ch'inal jo'nimal wank re, ut a'an ajwi' taa'isiiq sa' xyanq xkomonileb' laj Israel, jo' chanru k'uub'k'u xb'aaneb' laj k'amol b'e ut eb' laj jolominel.