Esdras 7:25 - Q'eqchi Bible

²⁵ “Ut laa'at, Esdras, jo' chanru li choxahil na'leb' k'eeb'il aawe xb'aan laaYos, chaxaqab'eb' aj raqol aatin ut aj tz'iib' li te'taqlanq sa' xb'eeneb' chixjunileb' li tenamit li wankeb' junpak'al li nima' Éwfrates, ut sa' xb'eeneb' chixjunileb' li neke'nawok re li xChaq'rab' laaYos. Ut eb' li ink'a' neke'xnaw li Chaq'rab', taak'ut chiruheb'.

Li Santil hu

²⁵ La̱at, Esdras, joꞌ naxcꞌut cha̱cuu li Ka̱cuaꞌ la̱ Dios, ta̱xakab aj rakol a̱tin ut ta̱xakab aj cꞌamol be re nak aꞌaneb chic teꞌtakla̱nk saꞌ xbe̱neb chixjunileb li tenamit li cuanqueb jun pacꞌal li nimaꞌ Éufrates. Ta̱cua̱nk xcuanquileb saꞌ xbe̱neb chixjunileb li nequeꞌxnau li cꞌaꞌru naxye saꞌ li chakꞌrab li quiqꞌueheꞌ reheb xban li Ka̱cuaꞌ la̱ Dios. Ut eb li incꞌaꞌ nequeꞌxnau li chakꞌrab, la̱at ta̱cꞌut chiruheb.

Esdras 7:25 ပူးပေါင်းရင်းမြစ်များ

Esdras 7:10

Xb'aan naq laj Esdras kixk'e xch'ool chi xtzolb'al li xChaq'rab' li Qaawa', chi xk'anjelankil ut chi xk'utb'al chixjunil li raatin ut li xtaqlahom chiruheb' laj Israel.

Deuteronomio 16:18

“Taaxaqab'eb' aj raqol aatin ut aj nawonel chaq'rab' cho'q reheb' laateepal, sa' li junjunq chi tenamit tixk'e aawe li Qaawa' laaYos. A'aneb' te'raqoq aatin sa' xb'een li tenamit rik'in tiikil ch'oolej.

Santiago 1:5

Wi wank junaq eere yo chi majelo'k xna'leb', chixtz'aamaq re li Yos, ut taak'ehe'q re, xb'aan naq li Yos nak'ehok chi anchal xch'ool ut chi chaab'il reheb' chixjunileb'.

Malaquías 2:7

“Ex aj tij, laa'ex li xtaql li Nimajwal Yos. Leek'anjel laa'ex, a'an xk'utb'al li Chaq'rab' chiruheb' li poyanam, ut chixjunileb' tento te'xsik' eerik'in li chaab'il na'leb'.

Salmos 19:7

Sa' xmaril li choxa wank li releb'aal ut nokox'elq toj junpak'al chik: maak'a' naru tixmuq rib' chiru li xtiqwal.

San Marcos 6:34

Naq li Jesus ki'elk chaq sa' li jukub', kiril naq naab'aleb' li tenamit ut kixtoq'ob'a ruheb', xb'aan naq jo'keb' li karneer maak'a' aj ilol reheb'; ut naab'al li k'a'aq re ru ki'ok wi' chi xtzolb'aleb'.

San Mateo 13:52

Ut a'an kixye reheb': —Jo'kan naq chixjunil laj tz'iib' li x'ok cho'q xtzolom li xnimajwal wankilal li choxa chanchan jun li winq aj eechal kab'l li narisi chaq sa' li xk'uuleb'aal li k'aru ak' ut li k'aru q'eel.

Proverbios 6:23

Xb'aan naq li chaq'rab' ut li taqlahom, a'an jun lochlookil xam; li qatijb'al ut qaq'usb'al a'an xb'ehil li yu'am.

Proverbios 2:6

Xb'aan naq a' li Qaawa' nak'ehok re li chaab'il k'a'uxl; rik'in A'an nachalk li nawok ut li na'leb'ak.

Nehemías 9:3

Ut naq xaqxookeb' sa' xna'ajeb', chiru oxib' honal kiyaab'asimank xsa' xHuhil li xChaq'rab' li Qaawa' li xYoseb'; ut chiru oxib' honal chik ke'xxooto li xmaakeb' ut ke'xloq'oni li Qaawa' li xYoseb'.

Esdras 7:14

xb'aan naq li awab'ej ut eb' li wuqub' aj k'ehol xna'leb' nakate'xtaqla chi rilb'al chanru wankeb' aran Judá ut Jerusalén, ma yookeb' xpaab'ankil li xChaq'rab' laaYos, li wank sa' laawuq' malaj ut ink'a'.

Esdras 6:6

Toja' naq li awab'ej Darío kixsumeheb' laj Tatenay, li nataqlank sa' xb'eeneb' li tenamit wankeb' junpak'al li nima' Éwfrates, laj Setar-Bosnay ut eb' li rochb'een li ninqeb' xwankil aran; kixye reheb' chi jo'ka'in: “Elenqex aran Jerusalén

1 Crónicas 23:4

Sa' xyanqeb' a'an kaahib' xka'k'aal mil (24,000) ke'xaqab'aak re xyiib'ankil li rochoch li Qaawa'; o'laju o'q'ob' (6,000) te'taqlanq ut te'raqoq aatin;

1 Crónicas 22:12

A' taxaq li Qaawa' chik'ehoq laana'leb' ut laak'a'uxl, re naq jo'q'e tatxxaqab' chi awab'ejink sa' xb'een Israel, taak'anjela ru li xchaq'rab' li Qaawa' laaYos.

1 Reyes 3:28

Naq chixjunileb' laj Israel ke'rab'i li raqok aatin kixb'aanu li awab'ej, chixjunileb' ke'xxiwa ru laj Salomón, xb'aan naq ke'xk'e reetal naq relik chi yaal wank xchoxahil na'leb' chi raqok aatin.

Colosenses 1:28

A'an tz'aqal li naqapuktesi resil. Naqak'eheb' xna'leb' chixjunileb' ut naqatzoleb' rik'in chixjunil li qak'a'uxl, re naq tqaxaqab'eb' chixjunil chi tz'aqalaq re ruheb' sa' xk'ab'a' li Kriist.

Génesis 41:38

ut laj Parahón kixye reheb' laj k'anjel chiru: “Ma tqataw tab'i' junaq winq kama' a'in li wank xmusiq' li Yos rik'in?”.

Génesis 41:39

Ut kixye re laj José: “Maajun seeb' xch'ool chi moko wank xna'leb' kama' laa'at, xb'aan naq li Yos xk'e chanaw chixjunil a'in.

2 Reyes 17:27

Kichaq'ok li awab'ej re Asiria: “Taqlahomaq junaq aj tij aran Samaria, xkomoneb' li xek'am chi preexil Asiria. Xikaq aran chi xk'utb'al chiruheb' chanru xpaab'ankil li xchaq'rab' li xYos li ruuchich'och'”, chan.

Esdras 10:4

Xaqlin, xb'aan naq sa' aab'een laa'at teneb'anb'il xb'aanunkil a'in; laa'o wanqo aawik'in chatenq'ankil. Kawaq aach'ool ut chayal aaq'e chi k'anjelak!”.