Esdras 7:15 - Q'eqchi Bible

¹⁵ Chak'am chawix li plaat ut oor li neke'xyeechi'i chi anchaleb' xch'ool li awab'ej ut eb' laj k'ehol xna'leb', cho'q re li xYos laj Israel li wank xmuheb'aal aran Jerusalén.

Li Santil hu

¹⁵ Ta̱cꞌam li oro ut li plata ut ta̱qꞌue re lix templo lix Dioseb laj Israel li cuan Jerusalén, li x-ala saꞌ kachꞌo̱l xqꞌuebal, la̱in ut eb laj qꞌuehol naꞌleb.

Esdras 7:15 ပူးပေါင်းရင်းမြစ်များ

Salmos 135:21

Usilaatinanb'il taxaq li Qaawa' chalen toj Sión! A'an nahilank sa' li tenamit Jerusalén. Aleluya!

2 Crónicas 6:2

Ab'an laa'in xinyiib' jun li ochoch cho'q aamuheb'aal, jun li na'ajej wanqat wi' chi junajwa”.

Esdras 6:12

Li Qaawa' Yos li kisik'ok re Jerusalén cho'q xmuheb'aal li xk'ab'a', chisachoq taxaq ruheb' chixjunileb' li awab'ej malaj ut li tenamit te'raj xq'etb'al li chaq'rab' a'in ut te'raj xjuk'b'al li rochoch li Yos aran Jerusalén. Laa'in laj Darío xink'e li chaq'rab' a'in. Chi'uxmanq chi tz'aqal re ru jo' xinye”.

Salmos 76:11

Li xjosq'il li winq taasutq'iiq chi b'ich re xnimankil aawu, ut chixjunileb' li xe'kole'k chiru laajosq'il tate'xsut jo' jun koroon.

Salmos 76:2

Nawno ru li Yos xb'aaneb' laj Judá, q'axal nim xk'ab'a' sa' xyanqeb' laj Israel.

Salmos 72:10

Eb' li awab'ej re Tarsis ut li wankeb' sa' xyi li palaw che'xk'ameb' chaq xsimaatan. Eb' li awab'ej re Sabá ut Sebá che'xk'e xtojeb'.

Salmos 26:8

At Qaawa', k'ajo' ninra li xchaq'alil ru laawochoch, li loq'laj muheb'aal nahilank wi' laaloq'al!

Salmos 9:11

Aawik'in taxaq kawaqeb' xch'ool chixjunil li neke'nawok laak'ab'a', xb'aan naq ink'a' nakakanab'eb' xjunes li neke'sik'ok aawe, at Qaawa'.

Esdras 6:4

Twanq oxib' tzol li ninqi pek ut jun tzol li che'. Ut li awab'ej, a'an li taatojoq re chixjunil li taasachmanq.

2 Crónicas 6:6

Ab'an xinsik' ru Jerusalén re naq aran taawanq link'ab'a' ut xinxaqab' laj David chi xjolominkil lintenamit Israel».

2 Crónicas 2:6

Ab'an ani taaruhanq chi xkab'lankil jun rochoch li Qaawa' wi li xnimal li choxa ink'a' tz'aqal cho'q xna'aj? Ut anihin laa'in chi xkab'lankil jun rochoch li Yos, us ta yal re xk'atb'al li pom sa' xk'ab'a'?

1 Crónicas 29:6

Toja' naq eb' li neke'taqlank sa' li junkab'al, li neke'taqlank sa'eb' li xteepal laj Israel, li xjolomileb' laj lajeetqk'aal rox o'q'ob' (1,000) ut eb' laj o'taqk'aal (100) aj puub', ut eb' li neke'taqlank sa' xb'een li k'a'aq re ru re li awab'ej ke'kub'sink chi yal ki'alaak sa' xch'ooleb':

Esdras 7:14

xb'aan naq li awab'ej ut eb' li wuqub' aj k'ehol xna'leb' nakate'xtaqla chi rilb'al chanru wankeb' aran Judá ut Jerusalén, ma yookeb' xpaab'ankil li xChaq'rab' laaYos, li wank sa' laawuq' malaj ut ink'a'.

Esdras 8:25

Kinb'is ut kinq'axtesi reheb' li plaat ut li oor, ut eb' li k'anjelob'aal k'eeb'ileb' cho'q mayej re li rochoch li qaYos xb'aan li awab'ej, xb'aaneb' laj k'ehol xna'leb', eb' laj jolominel ut chixjunileb' laj Israel li wankeb' aran.

2 Crónicas 32:23

Toja' naq naab'aleb' ke'xk'am chaq xmayej chiru li Qaawa', aran Jerusalén, ut ke'xk'e xsimaatan laj Esekías, awab'ej re Judá. Naq ak xk'ulmank chixjunil a'an, q'axal kinimank xwankil laj Esekías chiru chixjunileb' li tenamit.

Esdras 1:6

Ut chixjunileb' li rechkab'al ke'okenk chi xtenq'ankileb' rik'in plaat ut oor, sahil eechej ut ketomq, jo' ajwi' rik'in naab'al li k'a'aq re ru jwal terto xtz'aq ut chixjunil li ki'alaak sa' xch'ooleb' xk'eeb'al reheb'.