Esdras 6:8 - Q'eqchi Bible

⁸ A'an a'in linchaq'rab' chirix xtenq'ankileb' laj k'amol xb'eheb' laj Judiiy chi xkab'lankil wi' chik li rochoch li Yos: Rik'in li toj li nak'eemank chaq junpak'al li nima' Éwfrates cho'q re li awab'ej, taatojmanq jo'nimal taasachmanq ut taak'ehe'q li tumin a'in reheb' li winq a'an chi tz'aqal re ru, re naq ink'a' taaxaqliiq li k'anjel.

Li Santil hu

⁸ La̱in xinqꞌuehoc re li chakꞌrab aꞌin chanru te̱ba̱nu nak te̱tenkꞌaheb li nequeꞌcꞌamoc be saꞌ xya̱nkeb laj judío re xyi̱banquil lix templo li Dios. Li toj li nequeꞌxqꞌue chak aran jun pacꞌal li nimaꞌ chokꞌ re li rey, aꞌan li ta̱qꞌuema̱nk rajlal reheb li cui̱nk aꞌan re xtenkꞌanquileb re nak incꞌaꞌ ta̱xakli̱k li cꞌanjel.

Esdras 6:8 ပူးပေါင်းရင်းမြစ်များ

Esdras 6:4

Twanq oxib' tzol li ninqi pek ut jun tzol li che'. Ut li awab'ej, a'an li taatojoq re chixjunil li taasachmanq.

Hageo 2:8

We li plaat ut li oor, chan li Nimajwal Yos.

Esdras 5:5

Ab'anan li Yos yo chi ilok reheb' laj k'amol xb'eheb' laj Judiiy, ut ink'a' kixaqliik li xk'anjeleb' re royb'eninkil naq taataqlaaq resil chixjunil a'an rik'in laj Darío ut taachalq xsumenkil li hu.

Esdras 4:23

Naq ke'ril xsa' li hu tz'iib'anb'il xb'aan laj Artajerjes li awab'ej, laj Rejún, laj Sinsay aj tz'iib' ut eb' li rochb'eeneb' ke'elk chi junpaat re xik Jerusalén ut ke'xmin ruheb' laj Judiiy chi xkanab'ankil li k'anjel li ke'xtikib' xb'aanunkil.

Esdras 4:16

At awab'ej, laa'o naqak'e chanaw a'in: wi te'xyiib' wi' chik li tenamit a'an ut te'xwaklesi li xsuttz'akil, chi seeb' maak'a'aq chik aach'och' arin junpak'al li nima' Éwfrates”.

Esdras 6:7

ut kanab'omaq li xjolomileb' laj Judá ut eb' laj k'amol xb'eheb' chi k'anjelak re naq te'xkab'la wi' chik li rochoch li Yos sa' li xna'aj.

Esdras 6:9

Rajlal kutan ut chi tz'aqal re ru chiq'axtesimanq reheb' laj tij li wankeb' Jerusalén jo'ch'inal jo'nimal te'raj, jo' li saaj wakax, li chib'aat malaj li karneer cho'q re li k'atb'il mayej chiru li xYos li choxa, jo' ajwi' li triiw, li atz'am, li b'iin ut li aseeyt, a' yaal chanru te'xye,

Esdras 7:14

xb'aan naq li awab'ej ut eb' li wuqub' aj k'ehol xna'leb' nakate'xtaqla chi rilb'al chanru wankeb' aran Judá ut Jerusalén, ma yookeb' xpaab'ankil li xChaq'rab' laaYos, li wank sa' laawuq' malaj ut ink'a'.

Nehemías 11:23

Ak yeeb'il reheb' laj b'ichanel xb'aan jun xchaq'rab' li awab'ej k'aru tento te'xb'aanu rajlal kutan.

Daniel 6:26

A'an a'in li ninchaq'rab'i wi' chixjunileb' li tenamit wankeb' sa' lin'awab'ejihom: naq che'roxloq'i ut che'xpaab' li xYos laj Daniel, xb'aan naq A'an tz'aqal li yo'yookil Yos ut wank chi junelik. Li x'awab'ejihom maajun wa taajuk'manq ut li xwankilal maajoq'e taalajq taa'oso'q.

Esdras 6:14

Jo'kan naq eb' laj k'amol xb'eheb' laj Judiiy ke'ok wi' chik chi kab'lak ut us ki'elk li xk'anjeleb', jo' chanru xyehom li propeet Hageo ut laj Sakarías, ralal laj Idó. Ut ke'xchoy li kab'lak jo' chanru kixtaqla li xYos laj Israel jo' ajwi' laj Siro ut laj Darío.

Nehemías 2:8

Jo'wi' anchal tz'iib'a junaq hu cho'q re laj Asaf, laj k'aak'alehom reheb' li k'iche' re li awab'ej, re naq tixk'e inche' tinyiib' wi' rokeb'aal li kawub'resinb'il na'ajej chi xk'atq li Loq'laj Ochoch, jo' ajwi' li xsuttz'akil li tenamit ut li ochoch tinhilanq wi'”. Li awab'ej kixk'e we chixjunil li kintz'aama, xb'aan naq li rusilal linYos wank wik'in.