Esdras 6:22 - Q'eqchi Bible

²² Chiru wuqub' kutan ke'xninq'ehi li xKutankil li wa ink'a' yuub'il, chi sa sa' xch'ooleb', xb'aan naq li Qaawa' kixnujob'resiheb' rik'in sahil ch'oolej naq kixjal xk'a'uxl li awab'ej re Asiria re xtenq'ankileb' chi xyiib'ankil wi' chik li rochoch li Qaawa', li xYos laj Israel.

Li Santil hu

²² Cuukub cutan queꞌninkꞌei̱c chi sa saꞌ xchꞌo̱leb ut queꞌxcuaꞌ li caxlan cua li ma̱cꞌaꞌ xchꞌamal, joꞌ nequeꞌxcuaꞌ saꞌ li ninkꞌe aꞌan. Cꞌajoꞌ xsahil xchꞌo̱leb xban nak li Ka̱cuaꞌ quixjal xcꞌaꞌux lix reyeb laj Persia ut aꞌan quixtenkꞌaheb chixyi̱banquil lix templo li Ka̱cuaꞌ, lix Dioseb laj Israel.

Esdras 6:22 ပူးပေါင်းရင်းမြစ်များ

Proverbios 21:1

Li xk'a'uxl li awab'ej chanchan jun nima', li nak'ame'k xb'aan li Yos b'arwi' naraj A'an.

Esdras 1:1

Sa' li xb'een chihab' rokik laj Siro cho'q awab'ej re Persia, re naq taatz'aqloq ru li raatin li Qaawa' kixye chi xtz'uumal re laj Jeremías, li Qaawa' kixtoch' xch'ool laj Siro, awab'ej re Persia, re naq tixtaqla xpuktesinkil li chaq'rab' a'in chi yeeb'il ut chi tz'iib'anb'il, sa' chixjunileb' li na'ajej wankeb' rub'el li xwankil:

2 Crónicas 30:21

Eb' laj Israel li ch'utch'uukeb' Jerusalén ke'xninq'ehi xkutankil li wa ink'a' yuub'il, chi jwal saheb' sa' xch'ool chiru wuqub' kutan, ut eb' laj Leví jo'wi' eb' laj tij ke'xnima xloq'al li Qaawa' rajlal kutan, naq yookeb' chi wajb'ak.

Proverbios 16:7

Naq li Qaawa' naxk'ul xch'ool li qayu'am, a'eb' ajwi' li xik' neke'ilok qe neke'ok wi' chik sa' amiiwil qik'in.

Esdras 7:27

Toja' naq laj Esdras kitijok chi kama'in: “Usilaatinanb'il taxaq li Qaawa', xYos eb' li qana' qayuwa', li xtoch'ok xch'ool li awab'ej re naq tixk'e xloq'al li rochoch li Qaawa' aran Jerusalén.

2 Crónicas 35:17

Eb' laj Israel li wankeb' aran sa' li kutan a'an, ke'xninq'ehi li Paswa ut chiru wuqub' kutan ke'xninq'ehi li xkutankil li wa ink'a' yuub'il.

San Juan 19:11

Kichaq'ok li Jesus ut kixye: —Maak'a' raj aawankil sa' inb'een, wi ta ink'a' k'eeb'il chaq aawe taqe'q; jo'kan naq q'axal nim xmaak li xq'axtesink we sa' laawuq'.

San Mateo 26:17

Sa' li xb'een kutan nawa'e'k wi' li wa ink'a' yuub'il, eb' li xtzolom ke'jilok chi xk'atq li Jesus ut ke'xye re: —B'ar taawaj tookawunq re naq taatzeka li Paswa?

2 Crónicas 33:11

Toja' naq li Qaawa' kixtaqlaheb' chaq li xjolomileb' laj puub' aj Asiria, kole'xchap laj Manasés, ke'xnat' chi ch'iich', ke'xb'ak' rik'in kareen q'anch'iich' ut ke'xk'am Babilonia.

2 Reyes 23:29

Sa'eb' li kutan a'an laj Parahón Nekó, awab'ej re Ejiipt, koho sa' xjayal li nima' Éwfrates re xtenq'ankil li awab'ej re Asiria. Toja' naq li awab'ej Josías koho chi yalok rik'in, ab'anan naq laj Nekó kiril a'an, tikto kixkamsi sa' li na'ajej Mejido.

Esdras 6:1

Toja' naq li awab'ej Darío kixtaqla xsik'b'al sa'eb' li tasb'il hu k'uulanb'ileb' Babilonia;

Nehemías 13:6

Naq kik'ulmank chixjunil a'in, moko wankin ta Jerusalén xb'aan naq xikenaqin rik'in li awab'ej, kab'laju xka'k'aal chihab' rokik laj Artajerjes cho'q awab'ej re Babilonia. Ab'an ink'a' ajwi' najt kinwank aran: kinpatz' inlesens re li awab'ej

Ezequiel 23:23

eb' laj Babilonia, chixjunileb' laj Kaldeha, eb' laj Pekod, eb' laj Soha ut aj Koha, rochb'eeneb' chixjunileb' laj Asiria, saaj winqeb' ch'ina'us rilb'aleb', aj jolomineleb' ut ruuchileb' li awab'ej, xninqaleb' ru winq li neke'b'eek chirix kawaay.

2 Crónicas 23:18

Laj Johadá kixxaqab'eb' aj k'aak'alehom re li rochoch li Yos, rub'el xwankileb' laj Leví ut eb' laj tij, jo' chanru xjek'ihom laj David junxil sa' rochoch li Qaawa' ut jo' tz'iib'anb'il sa' li xChaq'rab' laj Moisés, re xyeechi'inkil k'atb'il mayej rik'in sahil ch'oolej ut b'ichank, jo' xchaq'rab'ihom laj David.

2 Crónicas 29:30

Moqon chik laj Esekías li awab'ej ut chixjunileb' laj jolominel ke'xtaqlaheb' laj Leví chi xnimankil ru li Qaawa' rik'ineb' li xb'ich laj David ut laj Asaf laj ilol moy u. Ut eb' a'an ke'b'ichank re xterq'usinkil xk'ab'a' li Qaawa' chi saheb' sa' xch'ool, ke'wiq'laak ut ke'xhupub' rib'.