Esdras 6:20 - Q'eqchi Bible

²⁰ Ak kawresinb'ileb' chi us laj tij jo'wi' eb' laj Leví sa' junajil, jo'kan naq ch'ajob'resinb'ileb' chixjunileb'. Toja' naq ke'xmayeja li Paswa sa' xk'ab'a' chixjunileb' li ke'sutq'iik wi' chik Jerusalén, sa' xk'ab'a'eb' laj tij ut sa' xk'ab'a'eb' ajwi' eb' a'an.

Li Santil hu

²⁰ Eb laj tij ut eb laj levita queꞌxcauresi ribeb re xba̱nunquil li ninkꞌe Pascua, joꞌ cꞌaynakeb xba̱nunquil. Eb laj levita queꞌxmayeja li carner saꞌ xcꞌabaꞌeb chixjunileb li queꞌsukꞌi cuiꞌchic Jerusalén. Queꞌxmayeja ajcuiꞌ saꞌ xcꞌabaꞌeb laj tij jun chꞌol chic, ut saꞌ xcꞌabaꞌeb ajcuiꞌ eb aꞌan.

Esdras 6:20 ပူးပေါင်းရင်းမြစ်များ

2 Crónicas 35:11

Toja' naq ke'kamsiik li mayej re li Paswa ut, naq eb' laj tij yookeb' chi xkirkirinkil li kik' li nak'eemank reheb' xb'aaneb' laj Leví, eb' laj Leví li junch'ol chik yookeb' chi risinkil li rixeb' li xul li ke'kamsiik.

Hebreos 7:27

Ink'a' aajel ru naq taamayejaq rajlal kutan xb'enwa chirixeb' li xmaak xjunes rib' jo' neke'xb'aanu eb' li xyuwa'il aj tij, ut moqon chik chirix li xmaakeb' li tenamit. Xb'aan naq jun sut ajwi' kimayejak li Jesus ut chi junwaakaj, naq kixyeechi'i rib'.

2 Crónicas 29:34

Ab'anan moko k'iheb' ta laj tij ut ink'a' ke'tz'aqlok chi xkamsinkil chixjunileb' li xul; jo'kan naq ke'tenq'aak xb'aaneb' li xkomoneb', a'eb' laj Leví, toj reetal kiraqe'k li mayejak ut ke'xch'ajob'resi rib' chixjunileb' laj tij. Xb'aan naq eb' laj Leví, a'aneb' li q'axal ke'xk'e xch'ool chi xch'ajob'resinkil rib'eb' chiruheb' laj tij.

Éxodo 12:21

Laj Moisés kixb'oqeb' chixjunil li xcheekelaleb' laj Israel ut kixye reheb': “Ayuqex chi xsik'b'al kok' wakax re leejunkab'al, ut teemayeja cho'q re li Paswa.

2 Crónicas 35:14

Moqon eb' laj Leví ke'xkawresi li Paswa cho'q reheb' ut reheb' ajwi' laj tij, xb'aan naq jwal laatz'eb' ru laj tij xkomoneb' laj Aharón chi mayejak ut chi xyeechi'inkil li xxeeb'ul li xul toj ki'ok q'oqyink. Jo'kan naq eb' laj Leví ke'xk'uub' li mayej cho'q reheb' ut cho'q reheb' laj tij xkomoneb' laj Aharón.

2 Crónicas 35:15

Jo'kaneb' ajwi' laj b'ichanel, li ralaleb' laj Asaf, wankatqeb' sa' li xna'ajeb', jo' kixye laj David, laj Asaf, laj Hemán ut laj Jedutún, laj ilol moy u li kik'anjelak chiru li awab'ej. Jo'kaneb' ajwi' laj ilol re kab'l, wankatqeb' sa' li xna'ajeb'; ink'a' ke'xkanab' li xk'anjeleb', xb'aan naq eb' laj Leví, li ras riitz'ineb', ke'xk'uub' li xtzekemqeb'.