Esdras 6:16 - Q'eqchi Bible

¹⁶ Eb' laj Israel, eb' laj tij, eb' laj Leví ut li junch'ol chik li ke'sutq'iik wi' chik Jerusalén ke'xninq'ehi chi saheb' sa' xch'ool li xq'axtesinkil sa' ruq' li Yos li loq'laj ochoch a'in.

Li Santil hu

¹⁶ Chixjunileb laj Israel ut eb laj tij joꞌ eb ajcuiꞌ laj levita li queꞌsukꞌi cuiꞌchic Jerusalén queꞌxkꞌaxtesi re li Dios li templo li queꞌxyi̱b. Queꞌxninkꞌei chi cꞌajoꞌ xsahil xchꞌo̱leb.

Esdras 6:16 ပူးပေါင်းရင်းမြစ်များ

2 Crónicas 7:5

Li awab'ej Salomón kixyeechi'i wiib' xka'k'aal mil (22,000) chi b'ooyx ut waqk'aal mil (120,000) chi karneer. Jo'ka'in naq li awab'ej ut chixjunileb' li ralal xk'ajol laj Israel ke'xsul li rochoch li Qaawa'.

1 Reyes 8:63

Laj Salomón kixyeechi'i wiib' xka'k'aal mil (22,000) chi b'ooyx ut waqk'aal mil (120,000) chi karneer, jo' loq'laj mayej re k'amok ib' sa' usilal rik'in li Yos. Jo'ka'in naq li awab'ej ut chixjunileb' li ralal xk'ajol laj Israel ke'xsul li rochoch li Qaawa'.

Filipenses 4:4

Junelik chexsaho'q rik'in li Qaawa'. Ninye wi' chik eere: naq chexsaho'q!

San Juan 10:22

Sa'eb' li kutan a'an aran Jerusalén naninq'ehimank li xq'axtesinkil li rochoch li Yos sa' ruq' li Qaawa', jo' rajlal chihab'. Yo li hab'alq'e

Salmos 122:1

B'ich re li taqsink. Xsaalm laj David. K'ajo' naq xsaho'k sa' inch'ool naq xe'xye we: “Yo'qeb' sa' rochoch li Qaawa'!”.

Esdras 6:22

Chiru wuqub' kutan ke'xninq'ehi li xKutankil li wa ink'a' yuub'il, chi sa sa' xch'ooleb', xb'aan naq li Qaawa' kixnujob'resiheb' rik'in sahil ch'oolej naq kixjal xk'a'uxl li awab'ej re Asiria re xtenq'ankileb' chi xyiib'ankil wi' chik li rochoch li Qaawa', li xYos laj Israel.

Nehemías 7:73

“Eb' laj tij, eb' laj Leví, eb' laj ilol rokeb'aal li rochoch li Yos, eb' laj b'ichanel, eb' laj k'anjel sa' rochoch li Yos ut chixjunileb' chik aj Israel koxe'na'ajunq sa' li xtenamiteb', ak xtenamit xtenamit li junjunq”.

Esdras 4:1

Naq eb' li xik' neke'ilok reheb' laj Judá ut eb' laj Benjamín ke'xnaw naq eb' li ke'sutq'iik wi' chik Jerusalén yookeb' xkab'lankil jun rochoch li Qaawa', xYos laj Israel,

2 Crónicas 30:26

Nimla sahil ch'oolej kiwank Jerusalén, xb'aan naq chalen chaq naq laj Salomón, ralal laj David, awab'ej re Israel, kiwank chi awab'ejink, maajun wa ki'uxmank junaq ninq'e jo' a'an, aran Jerusalén.

2 Crónicas 30:23

Chirix chik a'an chixjunileb' li ch'utch'uukeb' sa' li ninq'e ke'xk'uub' naq taawanq chik wuqub'aq kutan li ninq'e, ut ke'ninq'ehik chi q'axal sa sa' xch'ooleb' chiru wuqub' kutan chik.

1 Crónicas 15:28

Chixjunileb' laj Israel ke'xk'am li xLoq'laj Kaaxil li xSumwank li Qaawa', japjookeb' re xb'aan xsahilaleb' xch'ool, yookeb' ajwi' chi xyaab'asinkil li xukub', li tronpeet ut li sursuukil q'anch'iich'; yo ajwi' chi eek'ank li aarp li nim ut li kach'in xyaab'.

1 Crónicas 9:2

Eb' li ke'sutq'iik chaq xb'enwa re xtawb'al wi' chik li xtenamiteb' ut li xna'ajeb', a'aneb' laj Israel, eb' laj tij, eb' laj Leví ut eb' li neke'k'anjelak sa' rochoch li Yos.

Deuteronomio 12:7

Aran textzekanq chiru li Qaawa' leeYos ut taasaho'q leech'ool, eerochb'een leejunkab'al, sa' xk'ab'a' chixjunil li k'anjel xexrosob'tesi wi' li Qaawa' leeYos.

Nehemías 12:43

Naab'al li mayej kiyeechi'imank sa' li kutan a'an ut k'ajo'eb' li tenamit chi ninq'ehik, xb'aan naq jun nimla sahil ch'oolej xk'ehom li Yos reheb'. Ke'ninq'ehik ajwi' eb' li ixq ut eb' li kok'al; ut toj chi najt ki'ab'iik li xsahilal xch'ooleb' laj Jerusalén.

Nehemías 8:10

Laj Esdras kixye ajwi': “Ayuqex ut tzekahomaq li k'aru jwal chaab'il, uk'anqex ut taqlahomaq jun wa'alaq xtzekemqeb' li maak'a' wankeb' re. Xb'aan naq jwal loq' li kutan a'in ut q'axtesinb'il cho'q re li Qaawa' li qaYos. Miraho'k leech'ool, xb'aan naq li sahil ch'oolej li nachalk rik'in li Qaawa' a'an li xkawub' leech'ool”.

1 Reyes 8:62

Chirix chik a'an laj Salomón li awab'ej, rochb'eeneb' chixjunileb' laj Israel, ke'mayejak chiru li Qaawa'.

Daniel 5:13

Chi junpaat laj Daniel kik'ame'k wan wi' li awab'ej, ut a'in kixye re: “Ma laa'at laj Daniel, jun reheb' li ke'k'ame'k chaq xb'aan linyuwa' sa' li tenamit Judá?

2 Crónicas 29:30

Moqon chik laj Esekías li awab'ej ut chixjunileb' laj jolominel ke'xtaqlaheb' laj Leví chi xnimankil ru li Qaawa' rik'ineb' li xb'ich laj David ut laj Asaf laj ilol moy u. Ut eb' a'an ke'b'ichank re xterq'usinkil xk'ab'a' li Qaawa' chi saheb' sa' xch'ool, ke'wiq'laak ut ke'xhupub' rib'.

Nehemías 12:27

Naq kiwulak xq'ehil xninq'ehinkil li xsuttz'akil Jerusalén, ke'sik'je'k laj Leví sa' chixjunil li na'ajej re xk'amb'aleb' chaq Jerusalén, re xninq'ehinkil ut xq'axtesinkil li suttz'ak sa' ruq' li Yos rik'in sahil ch'oolej, b'ichank, b'anyoxink rik'in xyaab' aarp, tzojtzoj ut wajb'.