Esdras 6:15 - Q'eqchi Bible

¹⁵ Li ochoch a'in kichoymank sa' li oxib' xka'k'aal xb'e li po re Adar, sa' li xwaq chihab' rokik laj Darío cho'q awab'ej.

Li Santil hu

¹⁵ Oxib xbe li po Adar nak queꞌxchoy xyi̱banquil lix templo li Dios. Ac yo̱ chic xcuak chihab roquic chokꞌ rey laj Darío aran Persia.

Esdras 6:15 ပူးပေါင်းရင်းမြစ်များ

Ester 3:7

Sa' xb'een li po re xkab'laju chihab'il chi awab'ejink laj Asuero, naraj naxye sa' li po Nisán, ke'xb'uuli rix li po, chiru laj Amán, re xxaqab'ankil xkutankil xkamsinkileb' laj Judiiy, ut ki'elk li oxlaju kutan xb'e li po Adar.

Ester 9:21

re xyeeb'al reheb' naq rajlal chihab' sa' li kaalaju ut o'laju xb'e li po Adar taa'uxq ninq'ehik,

Ester 9:19

Jo'kan naq eb' laj Judiiy li xcha'cha'ihomeb' rib' sa' chixjunil li awab'ejihom neke'ninq'ehik sa' li kaalaju xb'e li po Adar, chi q'axal sa sa' xch'ooleb', ut nalaje'xk'e xmaataneb' chirib'ileb' rib'.

Ester 9:17

Sa' li kutan jun chik ke'hilank ut ke'ninq'ehik chi q'axal sa sa' xch'ooleb'.

Ester 9:15

Eb' laj Judiiy li wankeb' Susa ke'xch'utub' wi' chik rib' sa' li kaalaju xb'e li po Adar ut o'lajuk'aal (300) chi winq ke'xkamsi aran, ab'an ink'a' ke'xxok li k'aru wank reheb'.

Ester 9:1

Li xchaq'rab' li awab'ej kiwulak sa' li oxlaju kutan xb'e li xkab'laju po, Adar xk'ab'a'. A'an li kutan xaqab'anb'il xb'aaneb' li xik' neke'ilok reheb' laj Judiiy re xsachb'aleb'. Ab'an ink'a' kik'ulmank chi jo'kan: a'eb' chik laj Judiiy ke'sachok reheb' li xik' neke'ilok reheb'.

Ester 8:12

Chixjunil a'in taa'uxmanq chiru jun kutan sa' chixjunileb' li tenamit li wankeb' rub'el xwankil laj Asuero li awab'ej, sa' li oxlaju xb'e li po Adar, a'an li xkab'laju po re li chihab'.

Ester 3:13

ut ke'taqlaje'k chirixeb' li taql sa' chixjunil li tenamit wankeb' sa' li awab'ejihom. Sa' li hu tz'iib'anb'il reetalil naq te'sache'q chixjunileb' laj Judiiy, a' yaal ma saajeb', malaj cheekel poyanameb', kok'al malaj ixqeb'; ut taa'eechanimanq li k'a'aq re ru reheb' sa' jun chi kutan, sa' li kab'laju xb'e li xkab'laju pohil li chihab', a'an li po Adar.

1 Reyes 8:63

Laj Salomón kixyeechi'i wiib' xka'k'aal mil (22,000) chi b'ooyx ut waqk'aal mil (120,000) chi karneer, jo' loq'laj mayej re k'amok ib' sa' usilal rik'in li Yos. Jo'ka'in naq li awab'ej ut chixjunileb' li ralal xk'ajol laj Israel ke'xsul li rochoch li Qaawa'.

Esdras 5:16

Jo'kan naq kik'ulunk laj Sesbasar ut kixk'e li rub'elankil li rochoch li Yos arin Jerusalén. Ut chalen toj anaqwan yo xkab'lankil, ab'an maji' nayaalo'k».

Zacarías 1:1

Waqxaqib' po chik re li xkab' chihab' chi awab'ejink laj Darío aran Persia, li Qaawa' kiraatina laj Sakarías li propeet, ralal laj Berekías, ri xmam laj Idó, ut kixye re chi jo'ka'in:

Zacarías 1:16

Jo'kan naq li Qaawa' xye chi jo'ka'in: Twuxtaana wi' chik ru Jerusalén. Tink'e wi' chik chi yiib'aak linloq'laj muheb'aal ut taawaklesiiq wi' chik chixjunil lintenamit, chan li Qaawa'»”.

Zacarías 4:9

“Laj Sorobabel xk'ojob'ank re li rub'elankil li ochoch a'in, ut a'an ajwi' taachoyoq xb'aanunkil. Chi jo'kan teenaw naq li Nimajwal Yos xtaqlank chaq we eerik'in.

Esdras 4:24

Jo'kan naq kikanab'aak xkab'lankil li rochoch li Yos aran Jerusalén, ut kixaqliik li k'anjel toj sa' li xkab' chihab' rokik laj Darío cho'q awab'ej re Persia.

Esdras 9:9

Us ta xoowank chaq chi munil, ab'an li qaYos ink'a' xooxkanab' qajunes, xril b'an xtoq'ob'aal qu ut xoorusila chiruheb' li awab'ej re Persia; xk'e xkawub' qach'ool re xkab'lankil wi' chik li rochoch li qaYos ut xyiib'ankil chi us li k'aru xkanaak chi po'lemil. Wanko wi' chik rub'el xkupuhom arin Judá ut Jerusalén.