Esdras 6:14 - Q'eqchi Bible

¹⁴ Jo'kan naq eb' laj k'amol xb'eheb' laj Judiiy ke'ok wi' chik chi kab'lak ut us ki'elk li xk'anjeleb', jo' chanru xyehom li propeet Hageo ut laj Sakarías, ralal laj Idó. Ut ke'xchoy li kab'lak jo' chanru kixtaqla li xYos laj Israel jo' ajwi' laj Siro ut laj Darío.

Li Santil hu

¹⁴ Ut eb laj cꞌamol be saꞌ xya̱nkeb laj judío yo̱queb chi cablac ut yo̱ chi e̱lc chi us lix cꞌanjeleb joꞌ quiyeheꞌ reheb xbaneb li profeta Hageo ut li profeta Zacarías li ralal laj Iddo. Queꞌcablac ut queꞌxchoy lix cꞌanjeleb joꞌ quixye li Ka̱cuaꞌ lix Dioseb laj Israel ut joꞌ queꞌxye lix reyeb laj Persia, laj Ciro, laj Darío ut laj Artajerjes.

Esdras 6:14 ပူးပေါင်းရင်းမြစ်များ

Esdras 7:1

Moqon chik, naq wank laj Artajerjes cho'q awab'ej re Persia, ki'elk Babilonia jun li winq, aj Esdras xk'ab'a', ralal laj Seraías, ralal laj Asarías, ralal laj Jilkías,

Esdras 5:13

Moqon chik laj Siro, sa' li xb'een chihab' rokik cho'q awab'ej re Babilonia, kixtaqla xkab'lankil wi' chik li rochoch li Yos a'in.

Esdras 4:24

Jo'kan naq kikanab'aak xkab'lankil li rochoch li Yos aran Jerusalén, ut kixaqliik li k'anjel toj sa' li xkab' chihab' rokik laj Darío cho'q awab'ej re Persia.

Zacarías 4:9

“Laj Sorobabel xk'ojob'ank re li rub'elankil li ochoch a'in, ut a'an ajwi' taachoyoq xb'aanunkil. Chi jo'kan teenaw naq li Nimajwal Yos xtaqlank chaq we eerik'in.

Hageo 1:8

Ayuqex sa' li k'iche', k'amomaq chaq eeche' ut yiib'omaq wi' chik linloq'laj muheb'aal. Ut laa'in taasaho'q sa' inch'ool ut tweek'a naq nekek'e inloq'al, chan li Qaawa'.

Isaías 44:28

Ut laa'in ninye re laj Siro: «Aj k'anjelat chiwu, laa'at taab'aanu chixjunil li wajom»; ut ninye re Jerusalén: «Tattenamito'q wi' chik»; ut ninye ajwi' naq taayiib'amanq wi' chik linloq'laj ochoch arin Sión”.

Esdras 4:3

Ab'an laj Sorobabel, laj Josué ut li xjolomileb' junkab'al re Israel ke'xsumeheb': “Ink'a' tooruuq chi kab'lak sa' junajil laa'o ut laa'ex re xyiib'ankil jun rochoch li qaYos. Laa'o qajunes tqayiib' rochoch li Qaawa', xYos laj Israel, jo' kixye qe laj Siro, awab'ej re Persia”.

Esdras 3:8

Naq ak wiib' chihab' chik xwulajikeb' sa' rochoch li Yos aran Jerusalén, sa' xkab' li po, ke'xtikib' k'anjelak laj Sorobabel, ralal laj Sehaltiel, ut laj Josué, ralal laj Josadak, rochb'eeneb' li ras riitz'ineb', eb' laj tij, eb' laj Leví ut jo'k'ihaleb' li ke'sutq'iik Jerusalén. Wankeb' aj Leví aj junmay chihab' ut li ak numenaq ke'xaqab'aak chi xjolominkil li xk'anjelankil li rochoch li Qaawa'.

Esdras 5:1

Eb' li propeet Hageo ut Sakarías, ralal laj Idó, ke'xtikib' xyeeb'al reheb' laj Judiiy aj Judá ut aj Jerusalén li k'aru yeeb'il reheb' xb'aan li xYos laj Israel aj k'aak'alehom reheb'.

Esdras 5:2

Toja' naq laj Sorobabel, ralal laj Sehaltiel, ut laj Josué, ralal laj Josadak, ke'xkawu xch'ooleb' chi k'anjelak re xwaklesinkil li rochoch li Yos aran Jerusalén; ut eb' li xpropeet li Yos wankeb' rik'ineb', yookeb' chi xtenq'ankileb'.

Hageo 1:1

Ak wiib' chihab' rokik cho'q awab'ej laj Darío, sa' li xb'een kutan re li xwaq po, li Qaawa' ki'aatinak chi xtz'uumal re laj Hageo rik'in laj Sorobabel, ralal laj Salatiel, aj jolominel re Judá, ut rik'in laj Josué, ralal laj Josadak, xyuwa'il aj tij.

Zacarías 1:1

Waqxaqib' po chik re li xkab' chihab' chi awab'ejink laj Darío aran Persia, li Qaawa' kiraatina laj Sakarías li propeet, ralal laj Berekías, ri xmam laj Idó, ut kixye re chi jo'ka'in:

Zacarías 1:16

Jo'kan naq li Qaawa' xye chi jo'ka'in: Twuxtaana wi' chik ru Jerusalén. Tink'e wi' chik chi yiib'aak linloq'laj muheb'aal ut taawaklesiiq wi' chik chixjunil lintenamit, chan li Qaawa'»”.

Zacarías 8:9

“Jo'ka'in naxye li Nimajwal Yos: Kawaq leech'ool, laa'ex li xex'ab'ink re eb' li aatin a'in rik'ineb' li propeet, chalen naq kik'ojob'aak li rub'elankil li rochoch li Nimajwal Yos.

Esdras 6:3

“Sa' li xb'een chihab' rokik cho'q awab'ej laj Siro kixk'e li chaq'rab' a'in chirix li rochoch li Yos re Jerusalén: «Chikab'lamanq li rochoch li Yos ut chik'eemanq li rub'elankil, re naq twanq mayejak aran. Waqlaju moqoj li xteram te'xk'e ut waqlaju moqoj li ru.

Esdras 6:8

A'an a'in linchaq'rab' chirix xtenq'ankileb' laj k'amol xb'eheb' laj Judiiy chi xkab'lankil wi' chik li rochoch li Yos: Rik'in li toj li nak'eemank chaq junpak'al li nima' Éwfrates cho'q re li awab'ej, taatojmanq jo'nimal taasachmanq ut taak'ehe'q li tumin a'in reheb' li winq a'an chi tz'aqal re ru, re naq ink'a' taaxaqliiq li k'anjel.

Esdras 9:9

Us ta xoowank chaq chi munil, ab'an li qaYos ink'a' xooxkanab' qajunes, xril b'an xtoq'ob'aal qu ut xoorusila chiruheb' li awab'ej re Persia; xk'e xkawub' qach'ool re xkab'lankil wi' chik li rochoch li qaYos ut xyiib'ankil chi us li k'aru xkanaak chi po'lemil. Wanko wi' chik rub'el xkupuhom arin Judá ut Jerusalén.

Nehemías 6:15

Kiyaalo'k li suttz'ak sa' li oob' xka'k'aal xb'e li po Elul: kab'laju roxk'aal kutan kiyaalo'k wi'.