Esdras 6:1 - Q'eqchi Bible

¹ Toja' naq li awab'ej Darío kixtaqla xsik'b'al sa'eb' li tasb'il hu k'uulanb'ileb' Babilonia;

Li Santil hu

¹ Ut li rey Darío quixtakla xsicꞌbal saꞌ li hu li xocbil saꞌ li palacio aran Babilonia.

Esdras 6:1 ပူးပေါင်းရင်းမြစ်များ

Esdras 5:17

“Jo'kan utan, wi naxk'ul aawu, at awab'ej, naqatz'aama chawu naq chataqla xtz'ilinkil rix a'in sa'eb' li tasb'il hu reheb' li awab'ej re Babilonia, ma yaal naq li awab'ej Siro kixtaqla xkab'lankil wi' chik li rochoch li Yos arin Jerusalén malaj ut ink'a'. Ut chakuy qamaak, chataqla chaq resil li k'aru xak'uub' xb'aanunkil chirix li na'leb' a'in”.

Proverbios 25:2

Xloq'al li Yos, a'an xk'uulankil li xk'a'uxl; ab'an xloq'al li winq xtawb'al ru li k'aru muqmu.

Esdras 4:15

re naq taatz'il rix sa' xhuheb' laaxe'toon ut aran taak'e reetal ut taataw ru naq li tenamit Jerusalén a'an jun tenamit aj q'etol aatin, li nayoob'ank xch'a'ajkilal eb' li awab'ej ut chixjunileb' li na'ajej, ut junelik yo chi po'ok ch'oolej chalen chaq junxil. Xb'aan a'an kisache'k li tenamit a'an.

Apocalipsis 5:1

Kiwil ajwi' sa' xnim uq' li k'ojk'o sa' li nimajwal k'ojarib'aal jun li hu tz'iib'anb'il chisa' ut chirix, tz'aptz'o rik'in wuqub' chi tz'apleb'.

Ezequiel 2:9

Toja' naq kiwil jun li uq'ej ye'yo chiwu, yo chi xk'eeb'al we jun li b'otb'ookil hu tz'iib'anb'il chi xka'pak'alil ru. Ut kixte li hu chiwu: aran tz'iib'anb'il junes rahilal, yaab'ak ut rahil ch'oolej.

Jeremías 36:32

Toja' naq laj Jeremías kixxok jun chik li b'otb'ookil hu ut kixk'e re laj Baruk, laj tz'iib', ralal laj Nerías; ut a'an ki'ok chi xtz'iib'ankil eb' li aatin yo chi xyeeb'al laj Jeremías: kixtz'iib'a chixjunileb' li aatin jo' kixb'aanu xb'enwa sa' li b'otb'ookil hu kixk'at laj Johakín, awab'ej re Judá. Laj Jeremías kixk'e chi tz'iib'aak naab'al chik chi aatin re xtiqb'al ru li ak kixye.

Jeremías 36:29

Ut ye re laj Johakín: «Li Qaawa' xye chi jo'ka'in: Laa'at xak'at li b'otb'ookil hu ut xaye: K'a'ut naq xatz'iib'a sa' li hu naq relik chi yaal li awab'ej re Babilonia tolxjuk'i li tenamit a'in, ut maajun chik poyanam chi moko xul taakanaaq chisa'?

Salmos 40:7

Mayejak ut yeechi'ink ink'a' xawaj, xteeb'al b'an chik linxik xab'aanu. Ink'a' xapatz' k'atb'il xul chi moko mayejak;

Li xHu LAJ JOB 29:16

chanchanin chik xyuwa'eb' li neb'a', ut nin'aatinak chi xkolb'aleb' li jalan xtenamiteb'.

Esdras 4:19

Xintaqla xtz'ilinkil rix ut xtawmank naq relik chi yaal li tenamit a'an chalen chaq junxil naxq'etq'eti rib' chiruheb' li awab'ej ut naxyoob' poqoqij ib' ut mululij ib'.

Ezequiel 3:1

Ut kixye we: “At kaamel winq, tzeka li hu a'in li yookin chi xk'eeb'al aawe ut chirix a'an tatxik chi raatinankileb' laj Israel”.

Esdras 6:22

Chiru wuqub' kutan ke'xninq'ehi li xKutankil li wa ink'a' yuub'il, chi sa sa' xch'ooleb', xb'aan naq li Qaawa' kixnujob'resiheb' rik'in sahil ch'oolej naq kixjal xk'a'uxl li awab'ej re Asiria re xtenq'ankileb' chi xyiib'ankil wi' chik li rochoch li Qaawa', li xYos laj Israel.

Esdras 7:13

“A'an a'in linchaq'rab': jo'k'ihaleb' laj Israel li wankeb' rub'el linwankil, chixjunileb' laj tij ut laj Leví li te'raj sutq'iik Jerusalén, naru te'xik chawix, a Esdras,

Daniel 9:25

Ab'i li yookin xyeeb'al aawe ut chatawaq ru: Chalen naq x'elk li chaq'rab' re xwaklesinkil wi' chik Jerusalén toj taawulaq xkutankil li xk'ulunik laj jolominel sik'b'il ru, tento taanume'q wuqub' xamaan. Chirix chik a'an te'yiib'amanq wi' chik eb' li b'e jo'wi' eb' li tz'ak chiru wiib' xkaak'aal xamaan; ab'anan q'axal rahaq xnumsinkileb' li kutan a'an.