Esdras 5:5 - Q'eqchi Bible

⁵ Ab'anan li Yos yo chi ilok reheb' laj k'amol xb'eheb' laj Judiiy, ut ink'a' kixaqliik li xk'anjeleb' re royb'eninkil naq taataqlaaq resil chixjunil a'an rik'in laj Darío ut taachalq xsumenkil li hu.

Li Santil hu

⁵ Abanan li Ka̱cuaꞌ Dios yo̱ chi iloc reheb li yo̱queb chi cꞌamoc be chiruheb laj judío ut incꞌaꞌ quixakaba̱c li cꞌanjel. Quitakla̱c jun li hu riqꞌuin li rey Darío re nak tixsume chak ut tixye reheb ma teꞌxcanab li cꞌanjel malaj ut incꞌaꞌ.

Esdras 5:5 ပူးပေါင်းရင်းမြစ်များ

Salmos 33:18

Ab'an li Qaawa' naxk'aak'aleheb' li neke'xiwank ru, eb' li wankeb' royb'enihom rik'in li xrahom,

Esdras 7:28

Rik'in xnimal ruxtaan xinrusila chiru li awab'ej, chiruheb' laj k'ehol xna'leb' ut eb' li ninqeb' xwankil, ut kixk'e xkawub' inch'ool, xb'aan naq rik'in xtenq'aal li Qaawa' linYos xinch'utub'eb' laj k'amol xb'eheb' laj Israel re naq te'xik Jerusalén wochb'een”.

Esdras 7:6

Laj Esdras a'an jun li winq tzolb'il chi us sa' li Chaq'rab' li kik'ehe'k re laj Moisés xb'aan li Qaawa', xYos laj Israel. Li ruq' li Qaawa' li xYos wank sa' xb'een; jo'kan naq chixjunil li k'aru naxpatz', nak'ehe'k re xb'aan li awab'ej. Laj Esdras ki'elk Babilonia ut koho Jerusalén.

1 Pedro 3:12

Xb'aan naq li Qaawa' sa narileb' li tiikeb' xch'ool, ut narab'iheb' naq neke'tijok; ab'anan xik' narileb' li neke'b'aanunk re li maa'usilal”.

Salmos 34:15

chawisi aawib' sa' li maa'usilal ut chab'aanu li us, chasik' li tuqtuukilal ut chak'e aach'ool chirix a'an.

Salmos 32:8

“Tatintzol, tink'ut chawu li b'e li tento taak'am, chan li Qaawa'; junelik yooqin chawilb'al naq tatinb'eres.

Esdras 8:22

Xb'aan naq kinxutaanak xpatz'b'aleb' aj puub' re li awab'ej, xkomoneb' li neke'xik chi oqej malaj chirix kawaay, re qakolb'al chiruheb' li xik' neke'ilok qe sa' li qab'eenik, xb'aan naq ak qayehom re li awab'ej chi jo'ka'in: “Li qaYos wank rik'in chixjunileb' li neke'sik'ok re; ab'anan li xwankilal ut li xjosq'il wank sa' xb'eeneb' li neke'tz'eqtaanank re”, chanko.

Filipenses 1:28

chi maak'a' k'aru texxiwaq wi' chiruheb' li xik' neke'ilok eere: a'anaq reetalil li sachk cho'q reheb' a'an, a'ut cho'q eere laa'ex a'anaq reetalil li kolb'a ib'. Ut chixjunil a'in nachalk rik'in li Yos.

Salmos 76:10

naq laa'at xatxaqliik chi raqok aatin re xkolb'al chixjunileb' li toq'ob'aal ru sa' ruuchich'och'!

2 Crónicas 16:9

Xb'aan naq li Qaawa' naxb'eeni chixjunil li ruuchich'och' re xkawub'resinkil xch'ooleb' li yo'ooneb' rik'in. Aamemil xab'aanu wi' a'in. Jo'kan naq chalen anaqwan junelik wanqat sa' raaxiik'”.